地茂館甜品

營業中

休息中

香滑芝麻糊 $26真材實料👍🏻食得出係生磨質地幼滑🤤品嚐到芝麻香氣味道唔過甜養生之選💆🏻‍♀️蛋白燉鮮奶 $28質地結實唔會水汪汪口感嫩滑💯無蒸過龍奶香較蛋白香氣突出🥚甜度適中份量足料😇邊傾計邊食眨下眼就食曬成碗🤣如果奶香更濃啲就完美🍼椰汁紫米露小丸子 $28紫米露軟糯椰汁香甜🥥小丸子偏淋無咬口🫣紅豆馬豆糕 $6/件質地結實口感綿密椰香四溢🥥唔會太甜紅豆口感較馬豆軟綿👅中意紅豆果邊多啲整體而言，九龍城飯後甜品地茂館一定佔席位🥇專注做傳統糖水、甜品但甜度唔高👌🏻門口長期有人排隊品質認證✅

之前上網睇到啲人話呢間好好食，經過九龍城就嚟食下。其實除咗人多，有啲嘈，食完要快少少走之外😂呢間甜品店真係冇咩缺點。之前食過杏仁茶，蛋白燉鮮奶嗰啲都好好食。今次就點咗楊枝甘露同芒果西米小丸子🤫楊枝甘露幾好食，濃郁嘅芒果味配上甜甜的柚子粒。唔錯唔錯👍🏻芒果西米小丸子，超多芒果粒，小丸子煙靭，唔會太軟熟。煮得啱啱好。呢個配搭簡直係絕配！芒果汁又濃郁，真係一試難忘。建議大家可以試吓佢嘅招牌甜品，杏仁茶🤤好少地方可以整得咁好食🌟

每次去九龍城都必須會幫襯外賣走，返去慢慢嘆，或者係觀塘叫送外賣送達，但今次非常之失望，芒西小丸子勁稀水，同叫左碗紫米露 又係勁稀，以前係真材真料，勁杰勁多紫米，味道又夠 唔會太甜，以前啲野食又好味，又唔會話太貴；地方又企理乾淨，但今次食得出完全唔係以前既味道，一直都有幫襯，上年食完都仲係保持到 ，搞咩呢期變化甘鬼大架！但係今次真係好離譜，真正同呢個鋪頭絕交， 唔會再幫襯。 當啲人傻既，居然交啲甘既貨色， 嬲到震，

今個夏天日日都挑戰出汗極限，唔食番啲凍嘢真係搞唔掂。芒果夠甜，不過芒果味唔夠濃。豆腐花好厚身，望落好似鞋恰恰，點知食落幾滑，唔好比外表呃到。原來杏仁茶出名，搵日要試一試。

完全唔明點解咁多人推介咁啱去咗九龍城 食完飯就去其實都係七點幾 又唔多人食食到淨少少 咁啱大家玩下電話 坐下 個staff（短頭髮帶眼鏡）用普通話話 你哋都見出面有人等緊 唔好玩電話 快啲食完走我話 講廣東話得啦其實我都係啱啱拎起電話咋喔 個糖水食左十分鐘都未有服務已經差 糖水又唔好食叫左三個糖水都係芒果系列 得一個字——甜 西米同紫米無口感 一坺嘢溝糖水都唔洗咁呀食得好難受 完全無享受未食完已經快快走 一分鐘都唔想留知你多人識 可能本身真係好食但唔洗越做越差真心真心 永遠都唔會再食

平時食開九龍城總店見到唔同地方都開咗分店、覺得方便所以去試吓分別試咗將軍澳同沙田店，結果都瀨晒嘢紫米露：-總店係一碗紫米露，上面加花奶-分店係紙兜裝，花奶底，紫米好稀，佔左整碗三成都無，完全好似食緊稀粥咁楊枝甘露：-分店同樣花奶底，加幾粒芒果，西米，搵唔到有柚肉/其他，同上面紫米露一樣，一碗稀粥如果食過總店，想去分店的朋友可以自己衡量下😅實在落差太大，唔敢想像係同一間食肆的出品唯一無變，係無咁甜同埋味道都差不多服務就唔講，好似欠咗啲店員咁

咁多年都喺九龍城食地茂甜品，由細食到大。近年佢哋推出咗好多新產品，但佢哋傳統嘅糖水質素仲係好好。佢哋嘅中式糖水熱嘅都好好食，凍食嘅芒果西米露都好正，好多芒果粒，椰汁味都好香甜。今次食西米露加錢加咗桃膠，估唔到會有成碗桃膠咁多！桃膠煮得好腍好有膠質，食完好滋潤。食咗咁多次，地茂甜品嘅質素保持得好好，店內環境懷舊但乾淨，嚟九龍城食糖水的首選！

呢間舖頭已經食咗好多年，最鍾意食就係呢度嘅芝麻糊，呢個芝麻糊好友農鄉嘅芝麻味個希傑程度啱啱好，相信係粘米粉米漿同芝麻嘅比例做得相當好。每次嚟我都會食兩至三碗。合桃糊都相當唔錯，入口好Creamy好smooth好濃郁嘅合桃味，但呢啲都係傳統嘅糖水。如果想食後生少少可以選擇楊枝甘露，再新式少少有戶縣小丸子嗰啲。除咗糖水之外，糖不甩同芒果班戟我都好鍾意食，糖不甩Q彈唔黐牙，芒果班戟芒果香甜忌廉香滑由一層好薄嘅外皮包住。

每次來呢區食完正餐，我會囉囉攣想來呢間老字號糖水舖食碗杏仁茶。慶幸呢2次去都唔係好使排隊 (週末的3pm & 11pm)，不過入到去都係坐咗好多人，所以一定要搭枱坐😒🥚 招牌蛋白杏仁茶 (HK$36)．只有熱食，沒有凍的，可能因為蛋白是即叫即煮落去吧🤔．蛋白嫩滑，也很多喎！．杏仁茶好熱 (吹住慢慢食)，口感好滑、好濃的杏仁味，甜美但不會太甜，好好味😋🥭 芒果杏仁茶小丸子 (HK$32)．呢款呢就只有凍食，沒有熱的，可能因為芒果是新鮮切粒的😋．芒果，多件、清甜、無根．小丸子，爽彈，很好食呀．凍的杏仁茶，依然口感好滑、好濃的杏仁味甜而不太甜，好好味😋

🇭🇰地茂館甜品·芒西小丸子$32 l 香滑芝麻糊$26 (芝麻湯圓+$7)我原本係想食佢嗰個滿瀉嘅芒果甜品㗎 但係問店員先知原來嗰個下面係有涼粉既 就咁小丸子嘅話就唔會有咁多芒果🫠好彩佢都係好好食 佢既芒果超甜 小丸子質地都好好🥭不過如果想影相靚啲嘅話 就真係要嗌佢下邊有涼粉嗰個先浪得起啲芒果🤣🤣佢另外個芝麻糊都做得唔錯 芝麻味好濃 質地都做到幾好 之後佢個湯圓都好味 係真係好薄皮 而且芝麻餡超濃😎·#rbyeat#rby甜品飲品#rby九龍城 #rby九龍灣 #rby將軍澳 #rby屯門 #rby沙田·📍九龍城福佬村道47號地舖📍九龍灣牛頭角道77號淘大商場3期地下G281號舖📍將軍澳唐德街1號將軍澳廣場商場1樓036號舖📍屯門屯隆街2號屯門時代廣場北翼地下G43號舖📍沙田橫壆街1-15號沙田好運中心3樓3106號舖

朋友指正定來呢間餐廳食甜品， 雖然我對甜品嘅要求唔係好高， 因為喺香港食過好多甜品其實唔會差別好大， 只要唔係太難食我就覺得過得去啦。今次我哋點咗個擂沙湯圓， 生磨杏仁茶加桃膠， 同埋桑寄生雞蛋茶。首先上咗擂沙湯圓， 我可以話係整得最好食㗎喇， 花生糖無得很帥而且很香， 湯丸彈牙皮薄， ichiban 👍👍👍👍👍。跟住再上蛋白杏仁茶， 目測呢碗杏仁茶裏面嘅蛋白應該係多過兩隻蛋白， 非常足料， 杏仁茶 磨得好香， 桃膠亦都煲得好彈牙好好味， 整個甜品唔會太甜， 甜度啱啱好。跟住就係桑寄生蛋茶， 有少少 comment， 桑寄生蛋茶裏面嘅蓮子並不是跟桑寄生茶一起煲， 食得出是分開煮的， 所以連子裏面並沒有桑寄生的味道， 這裏要扣分， 雞蛋就很入味， 總算嚟講這間甜品店的甜品是高分的。

好耐冇食過老字號嘅甜品今日咁啱去開九龍城入夜了就係食甜品嘅時機都仍然係咁多人排隊老字號果然老字號呢度出名嘅係懷舊甜品芒果小丸子好甜個味道好夾杏仁茶蛋白唔係好甜真係好啱女士食蛋白算係好滑

-看到蠻多人打卡推薦的我也來嘗嘗啦.芒果涼粉小丸子 🍡料多到都要溢出來了 芒果新鮮又甜 小丸子也煙韌有糯性 一個人很快炫完一碗嚕.芒果班戟 🥭薄薄的奶油包著一大塊酸甜芒果 好過癮啊-🐷📍：地茂館

【九龍城區】【地茂館甜品】之前同大家講過呢間喺將軍澳嘅分店，嗰次係好耐之前有個曼聯球迷朋友同我去，因為食完嘢唔知有咩搞就諗住去食個糖水咁。點知去到今次，朋友係另一位，都係曼聯球迷，巧合地都係食完飯冇嘢做，就走咗去食呢間。未講完，上次嘅嗰位朋友，同今次嘅呢位朋友，不約而同地都問吓我有冇食過。因為佢哋知道我應該會把握機會趁機寫吓用餐體驗，所以最好就去一間我冇寫過嘅就一就我。證明呢兩位都係好照顧我需要嘅朋友，喺度多謝吓。咁今次呢個用餐體驗誠然就唔係將軍澳嗰次當場食完飯搵糖水食咁喇，而係喺旺角完咗啲活動又唔肚餓，咁就行吓路當運動，由旺角行吓行吓就到咗九龍城。佢無啦啦提議去呢間地茂館食吓糖水，哈哈，感覺好似前功盡廢。我就叫咗個 $36 嘅「招牌蛋白杏仁茶」，作為 menu 嘅第一個 item，佢都幾潤幾滑，杏仁味香但係唔算好濃。成碗嘢嘅順滑感有一部份係歸功於蛋白，綿綿哋，滑捋捋，熱辣辣咁就慢慢食，咁鬼多疊字查實我就真係無心嘅。朋友食 $34 嘅「合桃露拼芝麻糊」加「芝麻湯圓」，佢話佢近來中意食合桃露喎，咁嚟得呢啲中式糖水舖，食返啲傳統啲嘅中式糖水都係正常嘅。味道上佢都滿意，覺得價錢合理。兩條友夾

以前已經聽過地荗館，但一直未有機會試到，今晚在九龍城食完晚飯後偶然經過，見時間尚早就內進嚐嚐這間老字號甜品店。時間大約8點多，但作為甜品店已經差不多滿座反映人氣高企。見到餐牌上有補腎合桃露($27)就立即選了這款甜品：既是生磨，款式外面又少見，固然吸引。合桃露是滿滿的一碗，質地磨得細滑入口順喉，有著濃濃的合桃味和米味，吃完一整碗真的感覺飽肚。以個人的口味來說，我覺得糖水的味道略甜，但由於合桃的味道以及它外層的衣是比較苦澀的，餐廳加入較多的砂糖去減低苦澀感都是理解的，吃著吃著也見到碗裡有一點合桃衣，感覺真材實料。現今打算飯後簡單一碗傳統糖水動輒都要$30，而位於九龍城舊區的這間老字號則繼續以比較貼地的價錢為大家的晚上劃上一個完滿的句號；在附近用餐的朋友們，不妨行過來飯後甜一甜吧！