四爺車仔麵專門店 (已結業)

今日黎到灣仔呢間車仔麵專門店食車仔麵🤩 湯底、麵底同餸菜嘅選擇有好多，應該可以連續食幾日都唔會悶！今次揀咗秘制芫茜皮蛋湯底～ 湯底幾清，飲落有淡淡嘅芫茜味好香，飲完唔會口渴、應該唔多味精～ 😚除咗一般常見嘅麵底之外，仲有菠菜麵/ 銀針粉/ 印尼撈麵等更有特色嘅選項～我揀咗白菜餃、竹笙同白蘿蔔呢三款餸，蘿蔔超清甜，吸收晒湯汁好好食！竹笙嘅份量好足、好食又健康😍 白菜餃都唔錯～下次黎開灣仔可以再試埋其他湯底～😋

午飯時段灣仔區週圍都咁多人，揾個好位，唔好太多人，又要好味，真係幾難，行過見呢間有午市飯餐，又見門口無人等位，可以直入，非常好。點餐紙上有幾款飯餐揀，見隔離幾枱都係食同款飯餐，所以選了柱候牛筋腩飯(少飯/多汁)，套餐有湯和菜，牛筋腩不算出色，碗湯就幾好飲，係生菜皮旦湯，跟餐包熱飲，不需收加一服務費，總數$63~，以這樣寬闊的環境都算幾抵食👍。但係最搞笑係，食完成餐飯出去埋單先至發現呢間「四爺」的招牌菜係「車仔麵」🤣，唯有下次再試。

今日食評有✍🏻四爺車仔麵專門店試食指數⭐️⭐️⭐️⭐️店舖衛生⭐️⭐️⭐侍應態度⭐️⭐️⭐⭐️⭐((每項5⭐️為滿分)) ·我哋點了2️⃣碗車仔麵因為夜食嘅關係我餓到一個點餸菜有不同價錢我不客氣地想食就點🤤多謝林生請客🤣🙏🏻·沙嗲汁腩汁都好正·菠菜麵彈牙米粉爽口麵底好高質呀·配料都好靚仔靚囡放得靚食得都開胃啲·飲品點了熱檸茶及熱豆漿正常水準唯一要挑剔嘅係熱豆漿如果唔落糖就更加好·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

今次要介紹的車仔麵，講真價格唔算平，係同區有好多更便宜的選擇，可以話係貴價車仔麵，但係食完真係會想番轉頭再食。/皇牌豬腩仔🌟肥膏瘦肉分明的豬腩肉，肥膏位食落唔油膩，炆到肉質好易咬開。/招牌瑞士鹵豆腐🌟豆腐鹵水煮完入哂味，鹵水汁唔會一味鹹有少少甜。/清甜蘿蔔🌟蘿蔔煮透，而且好清甜，大大舊必食。四爺秘製芫茜皮蛋湯、配菠菜麵🌟推薦知湯底，鍾意食芫茜人士之選，好味得黎又清熱解毒，岩哂成煎炸野食到熱氣既我，而且菠菜麵好特別，平時好少見，又唔會話菜青味好勁，值得一試。/

第一次特登上OpenRice寫好評,之前就算寫都係因為比啲餐廳服務或食物質素激到要寫劣評，但今日真係忍唔住讚爆呢間餐廳🤣其實以車仔麵來講佢一定唔係算平，但坐得好舒服，食物唔算得上樣樣都超級好食，但個蘿蔔真係非常出色，好入味，而且完全冇渣好清甜，而且有得加$6加芫荽，對於芫荽迷來講確實係一大喜訊。食物好食都算，重點係點解啲Waitress點解可以咁sweet態度咁好？次次我哋問野、落單、送餐、埋單，都係語氣態度好好而且好好笑容，其實身為顧客，隔住個口罩都會感受到你服務好誠懇，已經好耐冇試過喺香港遇到咁親切嘅侍應🥺而且佢哋提醒咗我對待工作係要時時刻刻都要認真，先會有人尊重你！我怕羞唔敢當面讚你哋，但希望你哋會睇到呢篇食評啦，多謝你哋咁用心去待人接物，做自己嘅工作，香港仲有你哋真係好💛💛💛

係灣仔區做野，應該會聽過呢間四爺車仔麵，今日終於有機會試下👍🏻👍🏻依加仲有外賣自取8折，即刻好抵食😍😍叫左王牌豬腩仔、糖水蛋同蘿蔔，湯底要左芫荽皮蛋湯❗️❗️湯底有好重嘅芫荽味，芫荽愛好者不能錯過❗️❗️配料要左個皇牌豬腩仔，肥瘦比例岩岩好，入口即化，好邪惡，肉又好入味，推薦👍🏻👍🏻溏心蛋又係好出色，好溏心，又入味，唔會太熟，正👍🏻👍🏻👍🏻依加外賣自取又有折扣👍🏻👍🏻誠意推薦😍😍

堅持喺死城刺激經濟嘅我, 今晚又在灣仔覓食喇 😋經常都經過呢間四爺車仔麵但一次都冇幫襯過, 感覺佢係一間比較高檔嘅車仔麵, 門口大大隻字寫住愛回家七五折優惠😍 今晚晩餐輪到你喇~皮蛋芫茜湯, 波菜麵 ($28)雖然唔係芫茜粉不過我唔討厭 波菜麵做車仔麵嘅主食真係未試過, 襯唔襯就見仁見智, 創意分贏曬~ 瑞士滷豆腐 ($13), 瑞士雞翼 ($13)個滷水汁好入味, 雞肉好嫩, 係正嘅~ 皇牌豬腩仔 ($15)叫得做王牌都冇令我失望, 肥瘦適中, 唔算太肥膩, 肉質好腍~ 睇真啲隻雞翼真係幾大幾肥美 原本屬於價錢唔算平嘅車仔麵, 打咗個七五折之後喺抵食度大大加分 食物質素好, 食得過!

💛黃店🔱今次要介紹嘅食物就係位於灣仔 ！📜”四爺車仔麵專門店 (灣仔)📌 地址:灣仔莊士敦道25-33號長康大廈地舖 🕐營業時間: 1200-2130🍽分店地區: 灣仔📝評價💬📢 1️⃣瑞士雞翼咖喱牛柏葉芝心丸配酸辣湯米線$64呢間車仔麵嘅餸真係好豐富同埋真係好好味🥰🥰🥰😋😋😋不過一定要嗌三個餸對於我來講其實有啲多😂😂😂所以真係好大碗而且每一個餸都係真係勁多😆😆😆好似唔駛錢咁樣😂😂個酸辣湯都幾好味不過我覺得可以酸嘅成份再多少少🤩🤩🤩咁樣應該會再更加入味😚😚😚午飯時間真係好多人 一早諗定食咩坐低即刻叫就快好多啦👍🏻👍🏻👍🏻KS評分 5分最高🏵環境指數:⭐️⭐️⭐️⭐🏵味道指數:👅👅👅👅👅🏵抵食指數：💰💰💰💰🏵回購指數:❤️❤️❤️❤️

好耐未試過會難食到要寫出嚟🤦🏻‍♀️見openrice評價唔算太差同埋係黃店就入咗嚟食，佢哋有燉湯餐，但我嗰刻比較想食車仔麵 ，所以叫咗車仔麵餐。一上嗰下，係有啲驚喜嘅，因為冇諗過原來啲餸分開擺會咁大排場😂但食嗰下先開始係戲肉😭四爺芫茜皮蛋湯、生菜底 - $28首先菜係好大份嘅，個湯都飲得出芫茜同皮蛋味，仲有兩舊皮蛋食添，不過乸喉嘅😨柱侯牛筋腩 - $15係炆得好稔同入味嘅，腩比筋多，正常發揮，不過上嗰時係凍嘅。皇牌豬腩仔 - $15我第一時間望一望碟嘢，再望一望張單 - 嘩～姐係平均$7.5一舊喎，有幾「皇牌」先？食落係我媽炆五花腩嘅味道：滷水料、生抽、老抽、冰糖😂都好入味同稔嘅，但15蚊得兩舊就......好貴囉咖哩魷魚 - $13首先一上就睇到唔係用咖喱汁煮魷魚，而係白烚咗之後再淋啲咖哩汁上去，呢樣已經同我期待嘅嘢有出入😔之後一食：咁稔嘅？同啲牛筋差唔多，冇牙都食得咁制喎！？唔係應該爽㗎咩？呢樣我真心接受唔到🤢本身總結話可能下次再嚟試下燉湯，但我食完之後勁口渴......所以，不了。

💛四爺車仔麵專門店·呢間我之前係佢岩岩開既時候已經食過架啦 奈何佢係車仔麵黎講真係算比較貴 因為佢最少都要叫三個送🤭所以我平時都唔會提議去食佢 個日突然好掛住佢個菠菜麵就決定自己去支持下🙊😌·芫茜皮蛋湯配菠菜麵$28咖哩魷魚 瑞士雞翼$12清甜蘿蔔$10·佢個菠菜麵食落其實無咩菜味 只不過麵條綠色 視覺上健康D 不過佢幾有口感同幾掛湯 食落真係會有芫茜皮蛋味😎佢貴就真係貴D 不過佢D送質素真係唔錯 個蘿蔔真係好甜 而且煮得好淋 個雞翼又係滷得好入味 佢個咖哩魷魚都好好味 而且分量好多 係凍左姐🤣🤣·#rbyeat#rby港式#rby💛#rby灣仔·📍灣仔莊士敦道25-33號長康大廈地舖

行過走入去試試！叫了皮蛋芫荽湯底＄28+米缐+四餸共$67，湯唔夠熱又淡味，魚蛋麻麻、魚腐一般丶滷水豆腐算好味丶木耳好硬好乾！叫了＂多蔥＂，結果＂冇蔥＂！都唔值呢個價錢，不值一試

3:00P.M.  才開始下午茶時段的貴價車仔麵, 麵底HK$28, 最平的餸都要HK$10, 而且最少要叫三個餸, 餸可選分開上, 我們沒選, 便跟原本四爺的決定而上, 豬大腸, 牛柏葉, 韭菜豬紅都是分開上, 可能因為有醬汁,  分三小碟上, 很高檔似的, 似去了四川食小碟套餐咁款, 個人覺得無了食車仔麵的風味。而另一個麵的露筍及蘿蔔是放在碗內一起上,  露筍好幼嫩, 無渣, 易入口, 但蘿蔔卻多渣, 韭菜同樣多渣。 湯底方面唔錯, 而桌上有小粒酸蘿蔔可供免費食用。門面裝修都靚, 還有播放音樂, 可惜洗手間太差。

一雞幾味既車仔麵，被四爺攞走我第一次了，未試過車仔麵可以分碟上仲要碟碟啲汁麵咁正，湯底有麻辣、芫茜、牛骨豬骨湯等麵算有啲誠意！So far去過幾次就試左豬骨牛骨芫茜酸辣麻辣，最中意麵係酸辣但第二次再叫就酸左啲，叫番豬骨牛骨就最穩陣，價錢比一般車仔麵貴但都物有所值，份量同質素反映哂出黎，同我食女既格言一樣，最緊要有質素🤤🤤麻辣豬腸簡直驚為天人，脂肪夠之餘入口即融，麻辣味亦都好夠麻！雞翼好食，入味，雞皮仍然有彈性，雞肉依然嫩滑多汁🤤🤤Menu都幾Flexible可以走麵變菜，可以叫菠菜麵但對菠菜冇乜好感所以未叫過😂 好推介大家去試，在灣仔比較好既車仔麵只有任你點同車仔麵之家，四爺都是一個不錯的選擇呀！

因為要去灣仔拿些東西，所以便順道找一些特色食店，經過灣仔莊士敦道看到名為"四爺"的車仔麵專門店，這名字怎麼有一種霸氣?再看一看裝潢，似乎是走比較高檔次的路線。坐下來想了一會，便點了(1)瑞士雞翼(2)皇牌豬腩仔(3)柱侯牛筋腩，湯底選了金牌麻辣湯(小辣)跟米線。價格方面大約總共HK$80，份量非常多，瑞士雞翼很"入味"，醬汁很香，豬腩仔有點像"梅菜扣肉"的口感，雖然有點肥，但因為味道出色，我也吃了一點肥豬肉，好邪惡!牛筋超級"稔"，可以好好補充骨膠原，牛腩半肥瘦，恰恰好!湯底不是很濃，有點辣便剛剛好，因為每種"車仔餸都很有特色，所以性價比其實是可以的，值得一試!

行完山吃個麵三餸起跳腩仔、咖哩牛栢葉(本身想吃魷魚,不過冇)、蘿蔔配麻辣湯蘿蔔好味冇渣腩仔不過不失咖哩汁上5到牛栢葉...水流流..完全冇味麻辣湯只吃到花椒油味...份量好大, 不過價錢都略貴