出街想食餐好既，諗起日式壽喜燒，就去了位於銅鑼灣，地點方便的壽兵衛！ 壽兵衛做更個Cathay優惠套餐，邊食邊賺里數，HK$980一位，因為份量好足，價錢都好合理！ 頭盤[先付三點］，由清至濃味，磯燒日本鮑魚、鮟鱇魚肝配柚子醋和蟹膏凍豆腐，開胃美味！ [刺身三點]，北海道帆立貝刺身鮮甜，深海池魚口感好爽口，大拖羅無筋，入口即溶！好正！👏🏻👍🏻 ［三文魚籽松葉蟹茶碗蒸］，蛋蒸得好滑溜，好足料，有好多蟹肉同埋三文魚籽！ 然後就開始主菜時間了，［關西風壽喜燒］，師傅講解比我地知道有三種唔同部位的和牛，首先吃的是［A4和牛肩胛］，脂肪比例是適中，牛肉味比較香濃，沾點甜醬油，配以生雞蛋醬，真的是人間美食，配埋日本香米飯，吃的好高興又滿足！ [A4和牛肉眼]，係油脂比例最高的，和牛的香氣在口腔中留了很久！肉質鮮嫩無比的！ 去到中段，會有休息時間，會上蔬菜調和一下，吸引了醬汁的味道，連蔬菜都好出色。 然後繼續［A4和牛西冷］，油脂比例最少，牛肉口道適中，口感比較有層次，也是很建議配米飯一起吃的！這時候，姬松茸清湯來了，可以調和一下味蕾，還有其他的各種蔬菜。 最後仲有［黑松露和牛炒烏冬］，師傅仲好問黑松露有無需要加多點，份量真係好足料又惹味，所以一定食得夠飽！😆飯後仲要有開心果味雪糕同埋日本蜜瓜🍈，好正！

收工約埋朋友，一行四人去到位於炮台山的Rojo, 餐廳裝修精緻，吧枱設計的很漂亮，暗暗的燈光帶點格調。 頭盤西班牙煎蛋餅，有很香的洋蔥、煙肉、薯仔的味道，蛋餅煎的好香，味道可口！ 西班牙燒乳豬，配青蘋果醬汁，豬仔肉好鮮嫩，乳豬皮勁脆口，油脂適中，唔會好膩，燒薯仔片都非常好味。 炭燒頂級牛腹扒（12安士），選了五成熟，真的是燒到剛剛好，牛肉還是半紅色但不會有血水，做到鎖住肉汁，牛肉炭香味出色，牛腹扒位置沒多餘的肥肉，吃到牛的鮮甜味道！ 充滿期待的西班牙海鮮飯，份量足、配料很豐富，有虎蝦、蜆、青口、魷魚和豬腩肉，海鮮炒飯用上西班牙米，很有口感，做到粒粒分明，夠乾身，香氣撲鼻！

朋友介紹位於佐敦的龍亭鐵板燒，店舖外型設計獨特，有氣派。食物相當出色，叫左2個廚師發板套餐（五道菜），頭盤係三文魚黑醋沙律，好開胃！海鮮 總共有4種，我地share食，可以試曬！再開左支日本酒同要左杯生啤。 北海道帶子，煎得好香，配合埋黃翠玉瓜，食落好夾呀 扇貝，特製醬汁食落似係有加到黑蒜油，相當惹味，口感彈牙。 東星斑，好特別既一款海鮮，平時多數只會食到清蒸，原來鐵板燒可以煎到魚皮好香脆，而魚肉又保持到鮮嫰！ 南非孔雀鮑魚，配合埋香蒜剪香，香氣撲鼻，鮑魚剪得剛剛好，有鑊氣！ 主菜係宮城縣厚切黑豚扒，上菜時有用心擺盤，要清新點；有青蘋果特製醬汁，要濃味點；有特濃牛油醬，黑豚美味又大件，性價比都好高！ 海鮮炒飯食落有飯焦，口感好豐富，隻大蝦都煎得好靚，食埋碗飯都覺得好夠飽了。 甜品有紫薯蛋糕或者柚子雪糕，廚師話粒紅豆仔係分子料理既做法，咬開會有濃烈的紅豆味，都幾特別！

每逢佳節，喜慶的日子，總會想去食好嘢！今次來到好耐之前已經book左位的Sushi Rin 店員服務很貼心，剛坐下熱毛巾便送上了，還會很勤勞地添茶，頭盤是田園雜菜沙律和日式蒸蛋，蒸蛋用上湯和蟹柳，蛋滑溜溜，很好吃！ 壽司師傅先詢問有否食物敏感，然後推介了數款來自北海道、九州 、沖繩等地的時令食材，最後我們選擇了壽司13貫和手卷1本定食（HK$508 per head) 。 1. 蜜柑鯛 - 正如其名，有甜甜的蜜柑香味，肉質偏爽口結實，是屬於低油脂的魚。 2. 深海大池魚 - 比起普通池魚，魚味更鮮甜，口感彈牙。 3. 牡丹蝦 - 我最愛的蝦刺身，蝦肉鮮甜，好新鮮。 4. 北海道帆立貝 - 刀工一流，帆立貝上有多條漂亮的十字刀痕作美化，口感像喝牛奶般香滑。 5. 鰤魚 - 配以特製豆瓣醬，令到味覺有多種層次，微微的辣味原來也很配合鰤魚這種中度油脂的食材。 6. 松葉蟹 - 混合蟹膏，師傅原隻蟹起肉，很花心機，蟹肉鮮甜，蟹膏又香，令人一試回味。 7. 活赤貝 - 配青檸汁，很少見這麼大的活赤貝，絲毫沒有海水的惺味，只有鮮味，高水準！ 8. 紋甲墨魚 - 第一次試這種墨魚，比想像中滑溜，配以烏魚子再炙燒，令香氣更進一步揮發。 9. 金目鯛 - 配日本芽蔥，連不吃蔥的我也覺得，有種可以接受的蔥香，金目鯛出了名香，這裡的刺身非常肥美！ 10. 梭子魚 - 其肉油分極少，但魚皮卻油脂豐富，故一般會連皮片成魚片，炙燒魚皮令油香突出，其魚油滲入魚肉及米飯中，甘香得很。我很喜歡這味道！ 11. 馬冀海膽 - 作為海膽的鐵粉，師傅在我面前打開了一板全新的馬冀海膽，我知道不會失望了，果然！又肥美又鮮甜！這裡的海膽分量第很多，誠意推薦！ 12. 大拖羅 - 來到後段的重油脂時段，大拖羅肥美，油脂味重又香，入口即溶那種口感，真的是人間美食！ 13. 左口魚邊 - 炙燒後的左口魚邊，有更香的油脂香，吃完後的香氣仍然在口中久久不散。 14. 中拖羅手卷 - 中拖羅的香氣都不輸大拖羅，壽司米香，紫菜脆，手卷也是非常美味！ 最後有味僧湯和雪芭，Sushi Rin 食材新鮮抵食，還可以自選壽司，用餐體驗極好，下次必定會再來！

收工想去玩貓貓，又想食埋個晚餐，於是去左朋友介紹係MK朗晴坊既喵天尼。 叫個二人餐都幾多野食，餐湯係龍蝦湯，都幾creamy, 雜菜沙律配柚子油醋汁幾開胃，香煎紐西蘭草飼肉眼扒配薯角黑椒燒汁，要求Medium 5成熟都真係做到，肉質鮮嫩juicy,估唔到貓Cafe都整到咁高質既扒，有驚喜！ 鮮蟹肉蟹膏意大利粉，個底似係Carbonara味再加上好香口的蟹膏味，仲有好多蟹肉絲，足料！ 試左杯特飲，山政小山園-式部之昔，其實係焙茶latte,仲有拉左個好得意既豬仔🐷latte art! 就算跟餐的美式咖啡都好香濃！ 一邊食野，睇住貓貓係附近走動，跳上跳落，有啲仲會係旁邊訓覺覺豬，真係好治癒呀！強烈推薦貓奴要去食下野玩下貓貓！

想食高質同高性價比既法國餐廳，Odelice!係一個好選擇。 晚市二人餐(HK$518)有好多野食，是日精選餐湯係薯仔湯，配埋黑胡椒碎好惹味！頭盤蒜香蘑菇忌廉汁煮蜆，好香甜，仲有好多蘑菇碎粒，啱晒我依位蘑菇迷！ 軟殼蟹墨汁意大利飯，蟹炸得勁香脆，意大利飯好重墨魚汁香味貼埋好煙韌，口感一流！ 阿根廷安格斯肉眼牛排，五成熟，做到肉質鮮嫩，又保留到肉味濃郁！黑松露紅酒醬汁好特別，可以令到味道更加多層次！配埋杯紅酒飲住食就最夾！薯條好夠熱，係即炸起的。 另外追加左4隻生蠔（HK$148),非常之新鮮，好鮮甜！ 甜品杏仁榛子焦糖布蕾，食落似繽紛樂，好滑溜又美味！

Odelice! 位於灣仔有名的食街，蘭杜街。餐廳連平日都好好多人，真係要訂定位先可以，店員介紹2人餐是比較多人選擇的。

餐湯是南瓜湯，份量很大！頭盤是「一口燒豬腩」，但絕不是只有一舊，份量都係好多，豬皮夠香脆，當係小食一流！ 追加左「法國產地直送生蠔」，非常之有驚喜，真係好新鮮，無腥味！好值得推介，好味道！「澳洲肉眼牛排」要左7成熟都肉質鮮嫩， 點埋個自家制醬汁，配埋紅酒真係好夾! 熱情果冰茶好fresh, 唔會好甜，感覺幾健康。薯條都炸得好脆，「軟殼蟹意大利飯」，個龍蝦醬汁好有驚喜，好香濃，意大利飯口感軟綿綿，軟殼蟹好大隻，份量十足!甜品「花生朱古力可麗餅」，賣相好靚，塊皮好煙韌，口感幾好!

放工去左World Trade Centre 新開的Cafe - 喫茶，裝修風格走和式，有好多細節位置都整得好令，員工友善，仲會介紹下最近新出既食物，有幾款係夏日限定。
[極‧炸雞親子丼]，炸雞夠香脆配埋日式沙律醬，味道偏甜甜地好夾，親子丼用上日本米，好味道! [夏日喫茶雞肉炒麵] ，份量好多，雞肉炒得夠惹味，炒麵整得剛剛好，食落口感幾好，唔會太淋，麵條爽口彈牙! [炭烤味噌鴨腿]，賣相一流，鴨腿皮脆肉嫩，有驚喜!仲有薯條同沙律菜，今晚食得好豐富呀!
甜品都充滿夏日氣息，真係整得好靘，[盛夏藍天布甸]，上層係啫哩，下層係牛乳果凍。[Hojicha牛奶]焙茶味道香濃，日本牛奶滑口，加埋好正!

係香港想食好味海南雞，去Chatterbox 係唔會失望，每次去到都有好多人排隊，熱情不減！ 海南雞飯可以跟白飯或者油飯，另加10蚊可以轉雞髀，我覺得值得轉既，雞肉會更加香滑，海南雞唔會太肥，就算連皮食都唔覺得膩，醬汁都整得好出色，我鍾意甜豉油加埋辣醬，可以提升到海南雞既鮮味！ 今次試左咸蛋黃雞翼，特別既係雞全翼，蛋黃好惹味，連平時唔食雞翼尖既我都照食埋，雞翼好滑，真係好出色，Chatterbox連小食都好有心機！

之前經過喫茶見到裝修好有日本風格，就記底左下次要來食。 明太子蛋包意粉 - 用既係日本蛋，好香滑！配埋香濃既明太子汁，意粉食落口感夠煙韌。 南蠻炸雞 - 日式做法有分醬汁同香炸兩種煮法，依到係用醬汁既做法，炸雞醬甜甜地，食落好惹味，好味道！ 牛肉芝士漢堡 - 漢堡扒煎得好夠香，個包又好軟熟，薯條夠熱，係即炸的。 綠茶戚風蛋糕 - 份量好大件，綠茶味濃配埋咖啡岩岩好，但最有驚喜既係焙茶牛乳，有日本先飲到既水準，焙茶飲落有深度烘焙既香氣，牛乳係日本奶，真係高質同值得推介！