問卷手卷專門店 (已結業)

打完羽毛球就好肚餓，要醫肚餓又唔可以食得太多，最啱食小份量嘅壽司卷，就去葵芳葵涌廣場，問卷手卷專門店，金剛太卷好吸引，見到都好想食，卷物有蛋、蟹柳及青瓜，面層帶子，鴨肝及海膽，一啖一粒卷物加上面層帶子一齊，帶子好新鮮重有少少甜味，輪到食鴨肝卷物，鴨肝入口即溶，好好味，唔少得重有海膽卷物，海膽入口即溶，好好味

［葵芳] 問卷💛.問卷王食剩指數 0/100問卷王即係海膽、三文魚、虎蝦、蟹籽手卷海膽正常水準三文魚唔錯同幾大舊食到尾都仲有三文魚肉虎蝦都ok幾彈牙性價比唔錯.金龍卷食剩指數 5/100金龍卷就係黃金魷魚、鰻魚、玉子、蟹籽呢個組合味道好豐富佢係小卷咁可以一啖有齊所有材料最驚喜係黃金魷魚好彈牙好有味唯一挑剔係玉子同鰻魚相對地唔突出不過3/40蚊嚟講算ok.另外我加左10$要左帶子刺身最後只有一小片味道正常但簿左少少下次未必加

第一次食呢度嘅手卷，就嗌咗一板海膽。海膽份量足，而且好新鮮，無腥味唔會霉。下次一定會再幫襯！間舖嘅手卷款式好多，感覺上配搭幾自由。比較可惜係堂食要企喺舖外面，如果擔心疫情問題，都可以揀外賣，因為佢份手卷嘅紫菜會獨立包裝，確保唔會淋晒。

今日去葵廣掃街終於黎到最後一站，就係呢區堪稱葵廣最抵食既手卷：問卷手卷專門店啦👍🏻👍🏻金剛太卷 $45一見呢個組合即刻雙眼發光，三款太卷分別係：海膽、鵝肝、帶子，三款都係我鍾意食嘅嘢，而當中三個都大大嚿，唔會話太細，好食❗️❗️❗️葉問 $45葉問手卷又係有四種配料，分別係炸軟殼蟹、松葉蟹膏、蟹籽，滿滿嘅蟹膏食完有種幸福感❗️❗️❗️❗️鰻魚芝士玉子燒 $36 呢個係其中既一個亮點，鰻魚好食，燒汁好正，玉子燒好厚，好重玉子味，真心係幾好食，而當中係d飯比較多，食完真係有d飽😱😱整體黎講質素好高又平，值得推薦👍🏻👍🏻

問卷手卷專門店 (4.5/5) 🌕🌕🌕🌕🌗推薦程度：🔥🔥🔥🔥🔥 (5🔥為最高)今次再大家黎到葵廣，依間真係不得了，吃完一次翻唔到轉頭，加埋個醬，完美無瑕。壽司🍣大家就食得多喇，唔知大家平時食壽司🍣會加咩醬呢，你仲想講話都係加日本🇯🇵豉油、芥末豉油個啲，你太out 喇，究竟依間壽司🍣個醬有咩加特別呢？我叫咗火炙芝士三文魚🍣太卷 ($30)，屋企人叫咗火炙芝士吉列蝦🍤太卷 ($30)。未講嘢食之前，呢間野係葵廣 G/F 中庭扶手電梯(G/F 去 1/F) 隔離，一開始我都唔識呢間野，之後上網search 火炙芝士三文魚壽司就見到好多人或者評論推薦呢間喇。點知食完第一次就⋯⋯火炙芝士三文魚🍣太卷 ($30) (5/5) 🌕🌕🌕🌕🌕價錢💰合理嘅，葵廣其他太卷/反卷一般都係$25-$35，有六件都算大件，見到賣相已經忍唔住食。比其他壽司店唔同嘅係😉，除咗平時落開嘅豉油、wasabi 豉油之外呢，呢度仲有好多醬比你揀，有辣味沙律醬、千島醬、蜜糖芥末醬等等。仲有仲有我最鍾意落嘅黑松露沙律醬，見到上面張相就知道我同屋企人都好鍾意落黑松露沙律醬，屋企人落黑松露沙律醬到差啲連個太卷都見唔到喇。講左咁耐試吓

問號手卷係我中學時已經成日食平時除左放題好小叫海膽（因為通常都要$4x-$6x ，有D貴）但佢既海膽帶子 只係$34所以買黎試下 海膽甜既通常食完面頭D料手卷下面得返飯但問號手卷 食完料下面都仲有D蟹籽青瓜唔洗紫菜+白飯👍🏻👍🏻👍🏻希望小店捱過疫情啦🙏🏻🙏🏻香港小店 加油🤚🏻☝🏻

//#黃店地圖系列間野叫：問卷手卷專門店邊度黎：葵芳葵富路7號葵涌廣場地下A48B號舖環境點：位於ET鹽水雞對面 經過不時傳來陣陣炸軟殼蟹的誘人香氣🌝：參與罷市 店內貼有文宣 推出學生優惠▪三文魚腩手卷 $16 (學生升級價)7.5分小店告急啊 告急啊 我本身嗌三文魚手卷 點知小店推學生升級優惠 可以免費升級做三文魚腩 窮人表示好感動 三文魚腩表現正常 主打嘅反而係佢琳琅滿目嘅醬汁 辣味沙律醬 蜜糖芥末醬 千島醬 你鍾意溝到肚痛都無問題 你自問食得辣嘅就chur佢個勁辣wasabi油 包你即刻變柳飄飄

今日收工叫左food pandaOrder左個大少爺丼飯餐牌寫左有三文魚，海膽，虎蝦，蟹籽同埋其他配菜點知一打開個飯 每樣野得一塊都算仲要有一pat唔知咩係個飯中間完全係唔同既產品收咁既費用但食垃圾真係唔會再有下次

🔺 問卷手卷專門店支持#黃色經濟圈💛呢排食肆生意都好慘淡 黃店好多都告急大家消費時見到係黃店記得特別懲罰下佢🥺.三文魚腩手卷🍙手卷即叫即包 所以紫菜係好脆身三文魚腩食到落底都仲有👍🏻👍🏻呢度除左芥辣豉油之外 仲有好多特別醬汁俾你無限添加🤤

平時去開葵芳廣場搵嘢食都會去二樓三樓，而今日同朋友經過地下見到呢一間貼晒D嘢食圖出嚟好似好吸引🤩，呢間店有好多唔同款式嘅手卷同埋玉子燒，所以我哋就一人買咗一個嚟試下🤤。🎈鰻魚芝士玉子燒🐟 $36本來諗住鰻魚芝士玉子燒啲鰻魚係細細舊或一條條，估唔到都有八達通咁大塊😯，大大塊鰻魚下面加上溶溶的芝士再覆蓋住一舊飯🍚，最後底層下就係玉子燒🥚，整個玉子燒嘅層次同味道都好夾，值得返兜👍。🎈海膽并軟殼蟹手卷🦀 $35第一眼見到啲海膽份量咁多已經覺得物有所值呀😍，手卷上面仲有軟殼蟹、青瓜絲同沙律醬。每一啖食落口都有滿滿海鮮肉感，再加上海膽鮮甜同獨有味道✨，真係激好食，讚呀！細心嘅小店仲提供咗(九)款醬汁畀你加係壽司上🥫，而我就加上wasbai豉油點綴一下，其他醬就留返下次再逐樣慢慢試啦💦。不過有一個醬汁想特別講一講，就係勁辣wasbai油❗，仲要寫住(有膽你就試)😱，我就未夠膽試喇，唔知好奇嘅你哋會唔會試呢😖？

又放唒抗爭模型 又寫唒香港人加油 唔係唔懲罰啊話?「三文魚手卷 🍣($17)」相對抵食「No.2問后👸 ($38)」有海膽、帆立貝、芝士蟹子🦀、甜蝦🦐 配料豐富略少 但勝在有各種醬任加❗️似小編加到滿唒就岩啦🐰注意⚠️：鍾意wasabi嘅可以試下wasabi油😎-There are a lot of models and slogans about anti-extradition protests in HK. The 「Salmon Sushi Roll 🍣($17)」is quite affordable. The 「No.2 Queen Sushi Roll👸($38)」is served with urchin, scallops, cheesy crab eggs🦀 and shrimp🦐. There are various ingredients but they are small in portions. However, you can add as many sauce you like to make it taste better like me❗️🐰-💰：$17

喺葵廣都試過一兩間嘅壽司店 鍾意食壽司嘅我 當然要發掘更加多好食嘅壽司店☺️今次嚟到依一間 試完之後...我同朋友都覺得有啲失望😭我哋兩個都叫咗灸燒系列嘅壽司 分別係炸蝦$30同三文魚$30🍣上面嘅芝士同埋蛋黃醬都好足夠 味道都係OK嘅 炸蝦都幾脆👍但最失望嘅係個飯呀！ 食壽司個精粹當然係個壽司飯啦！ 佢個壽司飯同平時喺屋企食開嘅白飯冇分別！正常壽司飯係加左醋去整 但佢依一個係好似啱啱煲好嘅白飯咁 冇壽司飯嘅感覺😭完全好似唔係食緊壽司🤪所以係失望😞價錢來講 對比起葵廣其他嘅壽司店 佢係偏貴嘅🙈

係新都會食完拉麵仲未夠喉諗住上葵廣三四樓掃下街點知係地面個層發現依間小食店有好多選擇(唔記得影)見到個問后手卷有啲心都就買左個卷有海膽甜蝦帶子蟹籽所有食材都算新鮮 海膽冇異味有趣嘅係佢有好多醬汁俾吱黎食食剩飯嘅時候點幾款試下都咁齋下次黎再試其他

不嬲都食開三樓嘅手卷，今次太肚餓所以喺一樓就要揾食，見呢間幾多人所以試下。哇好多醬汁喎！其實手卷來來去去都係差不多，反而啲醬汁仲吸引哈哈！叫咗個葉問三，有三文魚、蟹膏、海膽、蟹籽同青瓜。由於太大份，真心唔知由邊度食起哈哈，亦唔知落咩汁。整體都算新鮮，蟹膏好好味，海膽都冇伏😏，三文魚反而差小小。唔好見佢細細份，但因為都算足料，拎上手其實都幾重，最後食完已經飽咗一半哈哈...平時食到悶都可以試下～ 不過我都係覺得三樓最好味！

好耐都無黎葵廣了，呢間問卷仲依舊屹立不倒。價錢雖然唔會話好平，但份量絕對對得住呢個價，可以由最面一直食到最底都仲有料🥰🥰仲要有好多款醬汁可以揀，不過我都係食開最正路既wasabi鼓油😛比較建議大家食既時候唔好離開間舖太遠，因為食手卷食到中間就會無汁，需要再補😂依家仲有e肚仔$10迎新卷，更加抵食🤤平時食開問后，但今次因爲唔想食太飽，所以兩個大叫左個火炙芝士三文魚手卷同芝士蟹子三文魚手卷🥰十分正❤️