//
間野叫：No.11
邊度黎：長洲中興新街11號地鋪
▪ 牛油果醬蟹肉焗薯 $128  7.5分
主角無容置疑乃焗薯莫屬 果然無令人失望 唔會有邊part半生不熟 而且蟹肉同牛油果醬份量亦恰到好處 夠送曬個焗薯 其他配料方面就最鍾意煙肉 唔會過鹹過硬 其他就正常發揮
•••••••••••••••••••••••••••••• 大啡菇及新鮮蘑菇芝士漢堡w/薯條 $62
8分
呢個bell有驚喜  雖然一粒屎肉都無 但口感依然飽滿 好juicy 醬汁開胃 似升級版千島醬 包皮都烘到外脆内軟 值得一試 •••••••••••••••••••••••••••••• 特濃朱古力 $40
6分
呢杯少失望 因爲飲落太似盒裝朱奶 實在品嘗唔到特濃之處…

//   #賤精黃店地圖💛
間野叫：Hami Harmony
邊度黎：太子西洋菜北街161號地下A舖
▪ //   #賤精黃店地圖💛
間野叫：Hami Harmony
邊度黎：太子西洋菜北街161號地下A舖
▪
流心芝士牛角英式早餐 $98 (lunch set 12:00-17:00 $98+10%)
7.5分
百蚊鬆啲就有個All Day Breakfast配餐湯(+$5可以餐湯連飲品) 係香港都算幾抵玩 甘筍湯出色 creamy得黎 甘筍味唔會太霸道 似南瓜溝甘筍嘅味道 好飲 至於個All Day Breakfast 最吸引嘅係兩碌焦糖香蕉 如果比球雪糕禾就正 牛角包嘅流心係車打芝士 外層鬆脆 不過禾就鍾愛齋牛角包多啲 (利申:齋包愛好者) 其他配料就正常發揮
.
#hamiharmony
#太子黃店
#賤精好港西式
#賤精出太子
#賤精撐小店

//   #賤精黃店地圖💛
間野叫：616牛肉火鍋專門店
邊度黎：銅鑼灣謝斐道391-407號新時代中心地下C號舖
▪ 獨樂樂小火鍋 $78+$10 (醬料費)
7.5分
點估到除左一至五 連禮拜六日都有$78毒J邊爐食(12-4pm午市限定) 梗係狗衝試下 火鍋湯底同肉類都係4揀1(詳情睇相) 湯底分別揀左理想點”鮮”(牛骨湯)同溶岩沙嗲湯 比較推介前者 牛骨味唔多覺 但淥肉就鮮甜好多 後者相對較油 啱曬煮公仔麵    .
肉類分別揀左牛駝峰同封門柳 牛駝峰即係牛背近頸位 油花分佈平均 油香味濃 煮耐左都淋滑 封門柳就無咩油脂嘅 但肉質同樣鬆軟 牛味幾出 配料方面最likey就係個蜂巢豆腐 汁汁蜂擁而至 貢丸都出色 無肥肉 冬菇又多 唔鍾意食貢丸都要讚一讚 其他就normal
•••••••••••••••••••••••••••••• 蘇格蘭雪花胸肋 $46 (折後價，正價火鍋食品8折)
8分
加配正價火鍋材料8折 唔夠飽口痕嗌多兩款 雪花胸肋油脂極重 相對地口感柔軟啲  •••••••••••••••••••••••••••••• 英國安格斯牛前胸肋 $46 (折後價，正價火鍋食品8折)
8.5分
相比之下禾比較鍾意安格斯牛 睇多無咩油脂 肉質結實少少 但都幾嫩滑 可以食多幾塊
•••••••••••••••••••••••••••••• 洛神玫瑰花 $15
7分
自家製真材實料 洛神花香味唔會過重 解膩之選
••••••••••••••••••••••••••••••
烏梅汁 $15
7.5份
少似陳皮梅陣味 酸酸甜甜 幾開胃  ••••••••••••••••••••••••••••••
🌟616限定優惠:
1. 午市(1200-1700)正價火鍋食品8折
2. 616禮劵 — 只要到616消費，即可獲得價值超過$800嘅616禮劵，除了616牛肉火鍋專門店禮券外，還有有616燒肉酒場，616客香邨及谷古禮券可以使用

//
#賤精黃店地圖💛
間野叫：越男仔
邊度黎：旺角廣華街2-20號翠園大樓二期地下5號舖
▪ 豬頸肉蕃茄湯檬 $65(包一個$9配料)
7分
熱屎辣辣毫不猶豫嗌左個蕃茄湯醒醒胃 湯底鋪滿蕃茄肉同洋蔥 已經煲到爛屎忽好杰 禾鍾意 略嫌湯底偏甜 未算正宗 所以禾額外落左青檸 當堂第二個層次 必加！加左$3轉金邊粉 帶微煙韌掛湯！
.
至於配料方面 豬頸肉微焦軟嫩 店員推薦 禾就加埋生牛肉(+$15) 好淋滑 有牛味 有成6-7塊 份量都唔少 可以一試！

//   #賤精黃店地圖💛
間野叫：笑林寺
邊度黎：灣仔摩理臣山道33號地舖
▪ 草上飛 $95 (午餐配齋啡, 單點$82)
8分
禾就唔buy gimmick嘢嘅 不過呢兜青醬意粉 居然成功塞得住禾把口 首先大啡菇乃賣飛佛 大隻多汁汁 自家製青醬creamy 無臭草青味 夾雜少少蒜香 食到最後都唔覺膩 Gimme磨牙～(睇小店ig發現仲係pet-friendly嘅餐廳添 （づ￣3￣）づ)
••••••••••••••••••••••••••••••
九陰白骨爪(熱) +$16 (加配價, 原價$48)
8分
真身茶實就係Mocha 咖啡豆default係house roasted巴西豆 品啡禾就唔識啦 禾淨係知飲落順口 朱古力唔會喧賓奪主 好啡好啡 (襯熱飲為佳～)
••••••••••••••••••••••••••••••
真朱力(熱) +13 (加配價, 原價$45)
8.5分
呢杯朱古力有驚喜 質地濃郁杰身 甜度偏低 帶微苦澀 先甜後甘 攤凍左都不影響風味 值得一試！

//
間野叫: 譚仔三哥米線
邊度黎: 太古康安街2-8號康怡花園地下A1-A2號舖
▪ 麻辣豬皮螺酸湯米線
7分
三哥大手又出征 今次呢款米線係入到去 已經聞到陣醃製酸筍同酸辣豆角獨特嘅氣味 知佢咩料啦 (聽聞似螺螄粉陣味 有無大佬食過?) 海螺片係酒樓就食過 配米線真係處女之舉 幾軟滑爽口 豬皮除左麻辣 仲吸收曬湯底嘅日月精華 酸香甜辣 配埋米線越食越過癮 可以一試
•••••••••••••••••••••••••••••• 椒麻魚爽肚 $23
8.5分
自從上次兜煳麻湯魚爽肚米線 禾就對魚爽肚念念不忘 今次抵死到出做涼拌 禾梗係狗衝 魚爽肚嘅爽脆 同秘製椒麻汁水乳交融 舒服啊 絕對值得encore!
••••••••••••••••••••••••••••••
鳳梨藍蝶花香梳打 $16 ( 加配價: HK$12 )
7分
呢杯特調係用鳳梨同青檸調配 加上蝶豆花藍藍紫紫嘅夢幻 口感清爽 酸甜開胃

//   間野叫：Supreme Steak & Grill 邊度黎：深水埗福榮街161號永邦樓地舖
▪ US Prime Grade Sirloin Steak (200g)
美國頂級西冷牛排 $160 
7分
$160唔需要加一 仲要薯條任食 汽水任飲 邊度搵啊 嗌左5成熟 牛排好有炭火味 好香口 但略嫌筋膜比較多 相比起配醬汁 我更鍾愛原汁原味 薯條外脆內軟 輕輕調味 按耐不住一口接一口 咖啡正常 環境清幽 同朋友傾足一個下晝絕對不成問題

// #賤精黃店地圖💛 間野叫：Poke Go 邊度黎：深水埗大南街211號地舖 •••••••••••••••••••••••••••••• 三文魚自選BOWL $98 🧾珍珠糙米+沙律菜+芝麻海帶+蟹籽+麻醬豆腐+鰹魚醬油+木魚絲+紫菜絲 7分 三文魚份量足 美中不足有少筋 糙米拼沙律菜毫不違和 有口感禾鍾意 海帶爽脆 芝麻香可以再狂妄啲 其他正常發揮 整體味道走清新淡口路線 重口味人士表示鰹魚醬油落多啲就正 岩鹽可以考慮加埋 (問過老闆 醬汁/飯量都可以特定要求喔🗿) ••••••••••••••••••••••••••••• 八爪魚自選BOWL $98 🧾壽司飯+櫻桃蕃茄+溫室青瓜+蟹籽+山葵乳酪醬+木魚絲+紫菜絲 7.5分 八爪魚爽甜 份量同樣足 壽司飯夠酸 櫻桃蕃茄細細粒 爆漿多汁 靈魂推薦山葵乳酪醬 惹味唔嗆喉 層次豐富 值得一提 附送嘅青檸同炸蓮藕乃神來之筆 試過你就知🌞BTW 餐廳係Pet-friendly的 歡迎🦮🐕‍🦺光臨～

//   間野叫：La Serre
邊度黎：觀塘海濱道90號地下1號舖
▪
3 Course Set Dinner $298
•••••••••••••••••••••••••••••• ▪煙三文魚牛油果沙律
8分
足料 煙三文魚有3大塊 唔會過鹹 牛油果有半個 好creamy 好開胃的starter
•••••••••••••••••••••••••••••• ▪蕃茄醬西班牙紅蝦意大利幼麵  9分
呢碟pasta簡直係mind blowing 首先蕃茄醬食得出好新鮮 pasta又夠Al Dente 但芸芸眾生都唔夠紅蝦揮 蝦味濃 爆蝦膏 肉質粉嫩多汁  絕對值得一試 •••••••••••••••••••••••••••••• ▪是日甜品-Blueberry Cheesecake
7.5分
一道好嘅甜品 係令你齒頰留香 會想再回頭 呢個cheesecake都做到 唔甜膩 一個人都可以輕鬆ko 為成餐畫上完美句號 唯一係藍莓味道唔夠出
•••••••••••••••••••••••••••••• 烤西班牙黑豬梅頭肉配蘋果蓉 $188
5分
呢一道豬梅頭就有點失望 肉汁雖然多 可惜太多筋 蘋果蓉新鮮 薯粒同沙律都係一般貨色  •••••••••••••••••••••••••••••• Lemon Drop $78
8.5分
Vodka底嘅調酒 酸中帶微甜 酒味係滿滿滲出黎 微醺微醺 必飲
••••••••••••••••••••••••••••••
Aperol Spritz $78
7.5分
Aperol 利口酒底 配上soda嘅加持 口感清爽 氣泡微微刺激著味蕾 都頗開胃

//   #賤精黃店地圖💛
間野叫：村爺爺車仔麵
邊度黎：油麻地砵蘭街76號地舖
▪ 殿龍蝦湯車仔麵 $68
加兩餸及油菜一碟 +$20
7.5分
估唔到六十八蚊無渣灘 堅系半隻龍蝦 肉質結實 但少韌 應該煮耐左 龍蝦無理由唔配伊麵底 加埋個龍蝦湯底 掐架歡喜成為一碗喱民版上湯龍蝦伊麵 呢個價錢的確抵食 至於配料方面 豬大腸雞翼通菜就一般貨色 但貼心在都係另上 唔會比其他醬汁玷污到個湯厎 此舉值得加分  •••••••••••••••••••••••••••••• 四餸車仔麵 $60
四餸分別係：蘿蔔 豬紅 牛肋條(+$3) 秘制豬手(+$3) 同樣全部配料另上 蘿蔔鮮甜 豬手都淋身 豬紅太鹹 牛肋條唔夠鬆化 米粉唔會溶溶爛爛 呢碗同樣配龍蝦湯 所以實無死 總括而言 嗌龍蝦伊麵啦～