友利坊 x 友利冰室 x 勿當奴

營業中

休息中

天氣涷除了食火鍋，相信羊腩煲都應該係另一個必食菜式。今次去了一間非常HK嘅餐廳，單看那街頭塗鴉風格的裝潢，絕對能夠感受到這就是香港人的餐廳。餐廳以快餐店模式，先在收銀處點餐然後再入座，餐單選擇中西式均有，多到令人三心兩意唔知點揀好，大部分食物材料亦有註明外國進口。最終我同友人選了港式一人鍋：古法雙冬羊腩煲及花膠雲吞雞煲。如果你是腐乳控，相信一定會極鍾意他們的羊腩煲，首先真係超大煲，一個人絕對食唔晒，羊腩份量唔算少，起碼有5大嚿以上，有皮有肉有肥膏，炆得夠焾，每一啖肉入口都好軟嫩。配料仲有冬菇、冬筍、枝竹及生菜，而湯底是稍微濃稠的腐乳汁，所以羊腩幾乎不用再另外蘸點腐乳醬都已經好夠味，撈汁送飯好正。提一下，佢地仲有急凍羊腩煲賣，買返屋企拆開成煲加熱即可。至於花膠雪吞雞煲，的的確確有真才實料的養顏花膠，煮得偏向軟腍，雲吞皮薄，內裡餡料多是蝦肉，食落彈牙爽口，雞件肉質結實，湯頭清甜無味精，都唔錯㗎！下次試下佢地嘅西餐先。羊腩煲$158花膠雲吞雞煲 $98蠔油菜心苗 $28檸檬伯爵茶(自家製涷飲 跟餐 $8)*店內有急凍包可即時買走

今晚同埋同事們去旺角買聖誕裝飾品佈置公司，買完就一齊去食晚飯，同事介紹始創中心地庫有間平靚正嘅餐廳，大家不妨去試吓，餐廳叫友利坊 x 友利冰室 x 勿當奴，地方整潔又夠大。先去收銀處落單兼付款，拎住個牌行入餐廳，店員會招呼客人入座，之後店員亦會為客人送餐。餐廳設有自助區，餐具、調味品、 冷熱水都有供應。花膠雲吞雞煲非常足料，用咗上等筒形花膠，具美顏、滋陰作用。雲吞用咗原隻蝦做餡，皮滑蝦爽口。雞件嫩滑，湯底鮮甜。鮮茄厚切豬扒焗飯，將白飯加蛋炒勻，放上焗碟上，豬扒放飯面，番茄醬番茄洋蔥放豬扒面。再加芝士放面，然後放入焗爐焗至金黃色，濃郁的番茄醬汁配酥香的豬扒外，還配上金黃的蛋炒飯，啖啖都惹味非常！美國谷字叉燒炒蛋飯：用美國出產的梅頭製作叉燒，肉質柔軟而細嫩軟滑，味道較濃郁，肉質具有咬口之感，且脂肪不會太肥膩，配搭兩隻荷包蛋，更添美味！泰式無骨豬手飯：豬手有豐富嘅骨膠原，將豬手炆至肉質軟稔，配上酸辣醬汁來吃可中和油膩感，令味道更豐富。凍檸茶：茶味夠香夠濃，帶有檸檬清香。

位於始創中心B1 餐廳抵食 味道不錯二人餐$200多啲 兩個餸有嘢飲 飲品可以喺水吧或者自己喺雪櫃度拎有 洛神花茶 羅漢果茶等等 不是普通紙包飲品係一樽嗰啲威靈頓有肉汁味道幾好 配薯蓉 有驚喜 而且佢係即叫即焗雖然要等耐啲，但係佢真係熱辣辣咁樣出嚟 切嘅時候都唔會散晒值得推薦。乳豬同卡邦尼意粉幾夾 蛋同芝士味重 仲有啲煙肉同埋菇咁樣 都算幾好食 意粉軟硬度適中唔會腍啤啤嘢飲正常 冇咩特別 唔會特別趕你走 。不過都有可能係因為我哋食飯嘅時候不算太多人服務正常 座位唔算迫 值得一試

今晚阿仔學校晚會，之後同埋最Friend 嘅同學仔一齊去食晚飯，例牌去太子呢間自從中咗二次原之後，咳已經踏入三星期，繼續飲熱嘢，叫完飯餐以前會叫凍檸茶，今晚叫熱奶茶一試一上枱，茶色少少濃，一啖入口⋯⋯以為嚟咗杯茶色廿四味⋯⋯攪匀比多次機會⋯茶味好淡同𠲵口（可能係晚市尾近8點）⋯加埋糖之後⋯唔甜⋯無乜茶味一句講晒⋯⋯唔好飲飲到最尾，好似佢咁嘅樣

見好耐無同家人食勿當奴😋周末就來到太子始創地庫位置的友利坊 x 友利冰室 x 勿當奴。餐廳採用先購票後入座方式。坐下後，食物會由店員送上。✪ 招牌即燒爆谷燒鵝 ⌫剛好12點出爐。爆谷燒鵝組合獨特創新。燒鵝皮酥脆，肉質鮮嫩多汁，口感豐富。搭配著香氣四溢的爆谷味道。另外，酸梅醬中加入了焦糖，味道香甜，不過會有點膩。✪ 煙三文魚香蒜忌廉意粉 ⌫三文魚的煙燻風味與香蒜忌廉醬汁相得益彰，充滿層次感。選用了扁意粉，意粉煮得剛好有嚼勁，每一口都充滿忌廉醬汁，口感奶滑。✪ 是日老火湯 ⌫今天的老火湯是合掌瓜紅蘿蔔粟米豬骨湯。紅蘿蔔粟米的鮮甜味道融入湯中，好滋味。【 友利坊 x 友利冰室 x 勿當奴 】📌太子彌敦道750號始創中心地庫B1樓B02-06號舖

今天我與朋友去了位於旺角的一家餐廳，我們點選了煲仔飯二人餐，他們的招牌菜是煲仔飯及古法雙冬羊腩煲。 首先，這裡的煲仔飯香氣撲鼻，米飯蓬松而有嚼勁，粒粒飽滿。每一口飯都可以感受到煲仔飯獨有的美味，加上頂部的酥脆飯鍋底，帶來極致的口感。北菇滑雞臘腸潤腸的配料入味，鮮嫩滑潤，滋味豐滿。 而另一款招牌菜，古法雙冬羊腩煲則以嫩滑的羊肉、冬菇、支竹等熬煮而成，十分濃郁。我一口一口的吃下，根本停不了。這些精心調配的配料讓我感受到家的溫馨和滿足感。 新年將至，若想在家團年，餐廳亦提供急凍羊腩煲賣。其次，談到份量。一份煲仔飯就足夠兩個人分享。每一口都感覺到飽足，使人滿意。而油菜的份量也十分充足，口感鮮脆，營養豐富。最後，洛神花茶的清甜沖淡了餐后的油膩感，為整個餐飲體驗提供了完美的結尾。

呢間茶餐廳裝修好得意，午市同晚市啲嘢好唔同，晚市甚至有平價威靈頓牛扒，可惜未有時間試🧀蘑菇牛肝菌雞扒焗飯 $68拉絲芝士，非常邪惡😋🐥豉油無骨雞飯 $65雞肉細嫩，入味又唔會過鹹

*:.｡. .｡.:* 友利坊 x 友利冰室 x 勿當奴-太子*:.｡. .｡.:* ✨古法雙冬羊腩煲✨好耐無食過羊腩煲，估唔到呢度有得食🙈羊腩炆得夠淋無羊羶味，仲有枝竹、冬菇同馬蹄，份量誠意十足，炆得幾好味👍🏻隨餐仲跟一碟菜同白飯，羊腩汁撈白飯食勁正仲有‼️原來餐廳仲有急凍羊腩煲賣，可以買返屋同屋企人慢慢食🤭✨乳豬卡邦尼意粉套餐✨從來無諗過卡邦尼意粉可以配乳豬😂乳豬皮脆肉嫩 仲配有乳豬醬卡邦尼意粉好creamy 每條意粉都掛滿醬汁配埋煙肉🥓同香菇 ，新奇有趣又好味😋

去左始創中心樓上買酒，搵左間中西合璧多元化既餐廳，仲要大部分食材係外國進口，天氣涼涼地，揀左個羊腩煲，原來仲有急凍包裝，拆開簡單加熱，真係好方便！港式一人鍋配白飯、飲品🐑古法雙冬羊腩煲巨型沙煲，羊腩份量較多，有冬菇、冬筍，炆得入味 &腍滑，唔點腐乳醬都夠哂味，撈汁伴飯好正👍🏻小炒一人餐配油菜、白飯、老火湯、飲品🦀泰式咖喱軟殼蟹原隻軟殼蟹，炸得香脆，濃厚既咖哩醬，香而不辣🥬是日油菜烚菜心嫩滑，健康之選🥣是日老火湯合掌瓜紅蘿蔔粟米湯湯底清澈，帶甜味紅蘿蔔粟米，質感順滑，完全感覺到冇落味精🥤洛神花茶🥤富士山蘋果伯爵茶兩款自家飲品，唔甜，感覺零負擔🍮 布甸食埋甜品布甸畫上完滿既一餐，布甸都係made in Japan 嫁🫶🏻✨農曆新年就到，由二月一日開始供應佛跳牆包羅萬有盆菜至二月二十九日，仲可以以優惠價追加脆皮乳豬一隻！我都決定好揀呢間訂盆菜！📍友利坊 x 友利冰室 x 勿當奴 (太子)太子彌敦道750號始創中心地庫B1樓B02-06號舖

花膠雲吞雞 (98hkd)Cp值好高，呢個價錢可以食到花膠，仲有原粒鮮蝦雲吞同雞件，跟個白飯，一個人食真係好飽，雞唔鞋口，個湯好好飲🤤帶少少甜味，雞味幾出，冬天食好正😍招牌乳豬卡邦尼意粉 (98hkd)醬汁偏杰，但味道上就唔係好咸，有4塊乳豬，個脆皮做得好好，薄脆，加埋層厚厚脂肪好邪惡🙈軟殼蟹鮮茄羅勒意粉 (98hkd)原隻上嘅軟殼蟹🦀入面完全唔乾，好欣賞🥰外酥內嫩，加咗好多茄膏同少少辣椒炒，所以更加惹味，連平時唔鍾意蕃茄🍅嘅我都好滿意👍🏻#foodiblum港式

都唔係第一次食呢間餐廳，對上一次就係觀塘食，上次印象分已經好好，今次就黎到始創分店，落地下一層就見到架啦呢間一樣係去收銀俾錢落左單先，跟住就拎個號碼牌擺檯面，職員就會將食物拎到你面前套餐可以去旁邊飲品櫃任揀飲品，有好多自家製養生飲品，我地就揀左羅漢果茶同富士山蘋果伯爵茶，一d都唔甜夠健康金蒜上湯白菜仔（$38）份量都唔少，出街食菜黎講算好抵食，仲有好多蒜頭係入面花膠雲吞雞煲（$98）金黃色雞湯無味精，$98有幾舊花膠加大約半隻雞都真心抵食，一個人食就曬飽古法雙冬羊腩煲（$158）估唔到呢度有羊腩煲食，羊腩炆得夠淋無咩so味，跟一碟生菜，入面仲有唔少枝竹仲有冬菇同馬蹄，又估唔到炆得幾好味

係太子旺角行完街就去搵下野食，見到呢間未食過就去試下啦，地方都算寬敞，點完餐就入去坐等食物黎就ok了叫左個2人餐，油雞义燒雙拼，冬蔭功安格斯牛腩，油菜，老火湯。油菜都算ok自己都比較鍾意食清d既菜唔好太油。老火湯飲落算清無味精既感覺。雞同义燒正常，义燒唔係肥，雞都算滑，可接受。牛腩唔錯，食落都算幾林唔會多渣既口感，冬蔭功味道又唔算好濃，ok不過不失。凍檸檬茶味道沒有特別。總結黎講，呢個晚餐算ok吧，正常既味道。

天寒地凍時特別掛著煲仔飯 羊腩煲🤤原來友利坊都有古法羊腩煲食 而且仲有急凍羊腩煲賣 又可以系佢地website order 真系方便 想食就食👏🏼🐏古法羊腩煲套餐 $158餐包油菜同飯 野飲就要再加錢一開蓋 香噴噴 羊腩份量比想像中多連骨既羊腩肉質腍身嫩口 肥膏吾多腐竹 冬菇 馬蹄索曬汁👍🏻🔥小炒一人餐 $89幾豐富丫 有小菜一碟 飯 油菜 老火湯同野飲小炒有吾同款式簡 我地就簡左中式牛柳酸酸甜甜 洋蔥 青椒 菠蘿撈埋一齊 顏色又靚牛柳易咬 冇根😚🍗雞翼 $16/2隻小小辣👍🏻💭套餐都幾豐富 又有菜食夠曬健康 份量又多 而且食材產地都有標明 多數系外國進口💛

喺太子始創行街，見到始創商場地庫有呢間幾特別既中西合壁特式餐廳🥰 仲有一大隻搞鬼麥當勞先生紙板喺門口迎賓🤭好特別！😘吸引我同朋友去睇下😉😉中餐西餐都有得食😆 價錢仲好相宜😀😀 有一人餐又有二人餐😄單點都得😌😌天氣凍🤭見到古法雙冬羊腩煲既廣告牌，急不可待order 一個😆天氣凍又想食熱騰騰既中式小炒😊😊見到有中式牛柳非常吸引😊😊古法雙冬羊腩煲- 配料豐富😀除咗有大量羊肉外，仲有支竹、馬蹄等等😆好好味🤭🤭 值得推介！中式牛柳- 好味呀！叫套餐仲有燉湯，菜心和白飯☺️☺️好抵食！金蒜上湯白菜仔- 金蒜好入味😁😁 唔錯👍🏻見到隔離枱食緊威靈頓牛柳和乳豬卡邦尼意粉，好吸引😉😉下次再約朋友黎食西式😊😊友利坊 x 友利冰室 x 勿當奴 (太子)太子彌敦道750號始創中心地庫B1樓B02-06號舖

呢間食lunch都會間中嚟，因為唔洗等位，食物質素正常，有蛋有汁，有意粉有飯有公仔麵，多啲選擇。但今日，我食哂碗飯之後，見到有3條好似眼睫毛既物體(((o(*ﾟ▽ﾟ*)o)))真心反胃仲要食哂先知，咁我之前又食左幾多條毛入肚呢？？？？？？？不敢想像！！！！！！！！！！！！！！！俾大家睇下條毛啦間野本身都唔覺特別乾淨，今次有毛事件後，我應該以後唔嚟。。。。。。。我無特別投訴，因為已經食左，個餐都$70架