上海小籠皇 (旺角) 旺角花園街3-5號鴻威大廈地下9號舖 。 番鄉下之前諗住同媽咪食餐飯，方便大家就揀左旺角啦，媽咪早左出街去左行Aeon，好景條街大把野食，所以就求其係嗰條街揀左間餐廳 。 花雕醉雞（$73） 前菜食左花雕醉雞，雞件滑滑又重酒味，唔錯呀 。 晚市一人干鍋套餐（$98） $98可以揀4款餸，食材選擇有好多，有肉類、海鮮、蔬菜，呢d乾鍋辣辣地炒埋一碟衰極有限，用黎送個白飯就正正子 。 銀芽炒鱔糊（$110） 呢個要讚，媽咪成日話買黃鱔唔平，呢度大大碟俾得多鱔，d鱔切得夠厚，兩個人食得好滿足 。 #gpigmk

喜記避風塘炒辣蟹 (肇明大廈) (銅鑼灣)
銅鑼灣謝斐道477-481號肇明大廈地舖及1樓A室
。
我記得細個嗰陣成日都聽人講鵝頸橋避風塘炒蟹好出名，大概終於有機會試，又真係唔錯，其中一間開係附近就係喜記
。
招牌避風塘炒辣蟹
辣蟹辣得過癮，食到人好開胃，蟹依然保持到肉汁，無炒到乾曬
。
招牌醉鮑魚
鮑魚凍食就更加彈牙，酒味浸到入曬味
。
椒鹽瀨尿蝦
另一樣唔少得要食嘅一定係椒鹽瀨尿蝦，我成日都覺得瀨尿蝦個樣好似外星人，好搞笑，自從學識咗點剝殼之後，之後覺得輕鬆好多，瀨尿蝦同炒辣蟹最好都係送白飯食
。

牛霸王 (觀塘) 觀塘成業街19-21號成業工業大廈1樓26號舖 。 又黎觀塘系列～ 呢間野叫得自己做牛霸王，我就試一試佢有幾犀利 。 原來佢係主打牛肉漢堡同有唔同嘅丼飯，咁我就叫左兩款牛試一試 。 招牌手打和牛漢堡蘭王蛋飯（$146） 呢款係每日限量發售，和牛漢堡係自家製，用上和牛比一般漢堡香好多，仲有另一重點就係用左蘭王蛋，蘭王蛋有幾好味食開蛋嘅大家應該都知道，深橙色嘅蛋黃帶住濃濃嘅蛋香，不得了 。 濃茄野菌燉牛肋肉飯 （$88） 牛肋肉燉到淋曬～ 茄汁用上新鮮蕃茄去煮，整白飯一齊食就最岩 。 雞皮餃子（$18） 呢d手工野，係屋企好少會整，$18就食得到抵啦 。 @wagyu_donburi 。 #gpigkt

一喜車仔麵 (尖沙咀)
尖沙咀彌敦道36-44號重慶大廈heath慶方地庫S19-21號舖
。
車仔麵係我心目中係香港十大特色美食之一，所以我成日都會周圍試下唔周同嘅車仔麵
。
呢間開左係重慶隔離個地下商場，有唔少遊客都會係呢度搵食
。
餐牌上嘅食物都係set好左方便遊客去order，我地就梗係用QR code逐樣逐樣餸咁揀啦，呢樣先係食車仔麵嘅精髓！
。
呢度嘅食材都幾特別，搞到我樣樣都想試，有汕尾馬鮫豬肉丸，
（$12）、陳皮魚蛋（$12）、特級瀨尿牛筋丸（$12）、有魷魚的魷魚丸（$12）、汕尾小米粿（$12）、魚腐（$12）、芥末貢丸（$12）
。
瀨尿牛筋丸係牆上貼左張紙特別提大家要小心d咬，實測一咬果然係爆曬汁～ 牛筋丸好彈牙又重口味，呢樣真係必試
。
汕尾小米粿又係好特別，外層煙靭，入面係豬肉
。
另外仲試左佢個紫菜，用左頭水紫菜，少左陣怪味，口感比一般嘅紫菜嫩
。
秘製黃金雞湯（+$5）有驚喜，濃雞湯飲落仲有少少奶香，真係可以當湯飲
。
雞骨草都係自家製，我鐘意佢無咩糖比較健康

烘焙概念 (觀塘) 觀塘巧明街94-96號鴻圖中心地下 。 公司隔離終於都開番間似樣包包鋪，就係鴻圖中心地下個小food court，對我黎講真係十級方便！ 。 雖然店面細細，但就見到擺左幾個大焗爐，仲見到面包師父係度檢查焗緊嘅面包，証明所有包包都係新鮮熱辣即整架 。 有特色包亦都有傳統包，仲有即沖咖啡，我就唔執輸買左4個包番公司同大家一齊試～ 。 有紫薯麻薯包、芋泥麻薯包、碎蛋午餐肉沙律餃子、明太子芝士包，全部包都唔貴，只係十幾蚊，又真材實料，以後食早餐又多一個選擇lu~~ 。 另外仲試埋佢嘅cappuccino ，只係$28估唔到又沖得幾好 。 @breadconceptshk 。 #gpigkt

雞駅花膠雞米線專門店 (觀塘) 觀塘開源道60號駱駝漆大廈第三座1樓I室 。 我成日都覺得，一間餐廳大排長龍一定有番咁上下質素，有一日去開駱駝漆，見到一樓呢間餐廳排曬長龍咁，我就知要mark低搵日試一試 。 果然放工之後去到又係要排長龍，無計～有時要食好西就係要等下 。 姬松茸竹笙花膠雞米粉（$82） 湯底係濃雞湯，無味精所以我大啖大啖咁飲，雞我轉左雞髀（$10），雞件好滑唔肥，仲有花膠、竹笙、姫松茸，麵都有幾款選擇，大大碗飲埋湯勁飽 。 花膠雞煲翅米粉（$98） 呢碗雞煲翅，$100唔洗就有，仲要係特別用石鍋上，無將貨就價，俾左幾排翅，好想知究竟點賺錢？ 。 #gpigkwuntong

喜來稀肉 (尖沙咀) 尖沙咀金巴利道79-81號金栢閣地舖及1樓 。 喜來稀肉可以話係香港韓燒界嘅代表，我由好多年前就開始食佢lu~ 其中一樣最鐘意嘅就係佢張凳可以打開放褸放袋，咁就唔怕食完會成陣韓燒味啦 。 呢度仲有咩好？就係可以任食多款韓式前菜，我呢個菠菜芽菜怪，真係淨係食前菜都飽左一半呀 🤣 另外，包肉食嘅生菜都一樣係免費任食架 。 仲有樣野都係任食，就係爐邊蛋餅，食完記得叫店員encore呀 。 牛肋骨肉（$150）、韓豚五花肉（$180） 肉類方面有韓牛韓豚，質素都有番咁上下，有d就包生菜食，有d就夾埋蒜片食，正呀 。 牛排骨湯（$125） 就咁食燒肉好似有d齋，另外就叫左個牛排骨湯，向來都幾鐘意飲韓式牛湯，湯底清清地無味精，又用石鍋熱辣辣咁上 。 @seorae.hk 。 #gpigtst

HeySoNuts (土瓜灣)
土瓜灣北帝街147號地下3號舖
。
唔經唔覺，呢間餐廳都開左好多年，一直都仲係人氣高企，無他嘅，食物夠好味已經足夠留住客人個心，連我好少重複食一間餐廳，我都食完又再食好多次
。
Mac Nuts ($156)
呢個burger由包到每一樣材料都係用心之作，包用爐火烘過之後外層又脆又香，手打漢堡牛肉夠曬牛味，連塊生菜都新鮮過人呀
。
Lamb Shanks ($328)
羊膝大大件又多肉，勁香rosemary味，有乳酪醬同肉汁跟埋沾食，羊肉愛好者建議一試
。
Mille-Feuille ($88)
好記得想當年第一次食heysonuts，當時係仲有芒果拿破崙食，簡直係驚為天人，一間小小cafe竟然做到超越Fine Food水準，不過之後再黎食已經無左呢個甜品lu~ 而家取代嘅係不同味道酥皮甜品，今次試左朱古力鮮橙酥皮，朱古力唔甜，酥皮保持一貫高質
。
P.S.黎呢度食野記住記住記住一定要食甜品呀 ❤️
。

The Pantry & Chips Republic (旺角) 旺角太子道西193號MOKO新世紀廣場4樓436-438號舖 。 呢間餐廳由佢係elements開我已經好鐘意食佢嘅soufflé pancake 🥞 除左甜食～ 鹹食佢都整得好出色 。 Meatballs & Nachos ($68) Nachos向來都係無敵小食之一，今次仲要加埋meatballs，有d肉咬下成件事都無咁dry 。 Uni & Scallop Linguine ($178) 奢華嘅海膽放上帶子上面，呢一碟忌廉意粉即刻昇華不少，意大利粉估唔到又煮得幾出色 。 Iron Grilled Flank Steak ($192) 叫左medium，最後出黎都對板，flank steak通常都唔會太靭，跟左唔少即炸粗薯條，食薯條識食一定食粗薯條 🍟 。 The pantry's pancake ($108) 黎到重頭戲soufflé pancakes 🥞 保持到高質水準，可以話係我喺香港食過最好味頭3位 😋 。 @thepantryhk 。 #gpigmk

年紀越大，就越鐘意食中菜，喜歡中菜比較多手工同技巧，就算係家常便飯，如果技巧足夠，都一樣可以巧奪天工 。 大四囍位於跑馬地，呢帶民居為主，無咁多人係條街我覺得會舒服d 。 鮮菠蘿咕嚕肉（$168） 用上新鮮菠蘿，菠蘿輕輕燒過果甜出曬黎，咕嚕肉外層夠脆，份量好大碟，用黎送飯食一流 。 菜脯肉鬆煎蛋（$168） 呢道菜唔好睇佢普普通通，係我食過最好味嘅菜脯煎蛋，菜脯相信浸過水，令佢無咁鹹，整體味道剛剛好 。 羊肚菌燒豆腐（$168） 清清地嘅一道菜，加咗蝦籽，提升整碟菜嘅鮮味，下面放有西蘭花墊底 。 最後食埋薑汁湯圓，十分滿足