十二味 (將軍澳中心)

營業中

休息中

之前去觀塘分店，觀塘店服務員姐姐態度有禮又親切，朋友未到齊都叫我入坐先，慢慢等，給我的印象很好！今次去將軍澳店，之前也和朋友幫襯過一次，估唔到今次的服務員態度令人氣憤。去到是下午茶時段，大約得1/4的枱有顧客，我同店員話想坐近門口位置的枱，店員態度敷衍點我同其他人搭枱。我心諗你又有咁多空位，咁我再次要求問店員並指住我想坐嘅位置，結果店員比個黑面我，並命令式的態度指住要我坐搭枱位置，最後我立即走人。我來幫襯，並無欠你錢！呢D服務員害死公司，害死香港，希望貴店高層老闆可以審視員工！

［130］用家自費分享！Walk in唔使等，約一成滿得三台客。0️⃣CP值，❌️❌️❌️建議大家不要去！2024/3/12/星期二/11:40，平日午膳時段，因係會員，經常幫襯十二味各分店，知道晏小小就會多人，所以今日早小小去，將軍澳分店第一次試，店舖都算易揾，裝修正正常常。我們是大約第4台入座，好快自助QR code落單，轉頭就送上飲品小食，但上菜安排就超級混亂，好耐好耐都未上菜，眼見後來嘅客都食緊了(酸菜魚)，向啲服務員亞姐追單，敷敷衍衍話同你跟進，又過咗好耐未上菜，當時全舖已滿座，大部分客人都食緊了，我再追多次單，又隔了很久，見有酸菜魚出來，以為是我們的，竟然比左剛入座的客，嬲到起身走！垃圾級安排，服務員個個企係度，敷衍了事，沒有實際同你跟進。❌️❌️❌️建議大家不要去

麻辣川菜之前都試過不少，我想除咗影水芙蓉之外，將軍澳中心呢一間十二味啲出品都算唔錯， 今晚特登西貢走過來，再次識佢嘅口水雞和水煮牛。 還有叫咗個四季豆小辣， 味道適中，正常可以。 另外就是水煮牛， 湯底麻辣野味，牛肉嫩口，份量也算多，再加埋底下的番薯粉，都係百幾蚊，已經很抵食。 最後介紹返佢嘅口水雞，事先聲明佢份量不多，是小食，我們通常叫兩份，因為啲雞肉又滑又彈口，再配埋啲口水雞醬汁，簡直天衣無縫，令人回味無窮！ 呢啲小店真係要繼續支持，唔好俾佢關門！

六日晚飯繁忙時段好多人等位，都要等成半個鐘先入得。見唔多人叫酸菜魚，普遍都係叫乾鍋。土豪版酸菜魚 $328★★★★☆湯底夠濃郁，但係偏向油膩，食完係會有口渴。魚片份量都幾多，食極都有，魚片基本上冇骨幾嫩滑，但食落唔算特別新鮮。配料幾足，酸菜夠味，但湯底會越食越酸，而一啲比較易入味嘅例如萵筍會好酸辣後期。三個人食都完全夠食，仲加上有闊薯粉、金針菇、蘿白之類，整體呢個份量係夠食。涼拌土豆絲 $43★★★★☆土豆粗幼剛好入味，食落夠哂爽脆，有D蒜蓉加酸辣味啱啱好。雖然唔係特別難整嘅菜式，但酸酸辣辣勁開胃，食酸菜魚覺油膩，整番一兩啖一流。🌶乾煸四季豆 $68★★★☆☆呢個正常發揮，同一般出面食到嘅味道一樣。四季豆保持爽脆唔會太淋，連埋啲肉碎幾開惹味好餸飯，餸酒都一流。川式口水雞 $68 ★★★☆☆口水雞個醬汁幾出色，餸飯一流。雞肉都一般啦，唔係特別嫩滑，雞胸位都係鞋乾，都係個醬汁搭救。加上佢應該係整定一份份，個雞雪左一段時間，雞肉口感唔係話咁好。🌟總括：酸菜魚份量多幾抵食，但偏向油左少少，落單個陣可以問下可唔可以少油。其他小菜普通正常，睇自己鍾意食邊款叫。

真係成肚氣，今日嗌咗外賣自取去到鋪頭話冇，個阿姐仲寸貢貢話可以宜家落嘅但起碼要等三個字，雖然佢口音係譚仔阿姐feel不過態度仲衰過人地唉。。。點解今時今日香港飲食業搞成咁

4點45分入座前已同職員講 5點後係咪有6折，因為冇book到OpenRice ，職員正面回答5點後係有6折的！仲講話下次記得book返今次唔洗 ，到左5點02分叫野食，食完埋單，阿姐唔認帳話冇6折要正價收費因為冇book枱 ，夾硬拎左張信用卡碌左！未搞清楚張單就碌卡 ？完全誤導消費者，口頭承諾已有法律效力，本人保留向海關及消委會投訴的權利！投訴完仲偏幫職員..話已經講左冇book位冇折 但我地2個人4隻耳明明聽到話有折…跟本垃圾以後唔會再幫襯！

第一次食呢間餐廳，食物方面雖然份量算大，但味道方面就麻麻，而且非常之油。叫了午市套餐酸菜魚，味道很酸，而且非常油膩。撇除食物他們的餐牌也有古怪的地方，我二人去食，叫了一個午餐酸菜魚，另外嗌咗一個牛肉麻辣香鍋，都是套餐，跟白飯及飲品。之後因為想試口水雞，就單點了一個口水雞成為$73 ，但嚟到嘅份量跟午餐的口水雞套餐相同，一問之下那位服務員竟然說，你雞的份量是跟午餐的相同，但你單點丫嘛，不會有飲品及白飯的，但單點價錢是$73喎，套餐反而是$ 53喎，這真是令人費解！就算唔係因為食物油膩同一般，咁嘅態度真係冇下次。

難怪香港人不想在香港餐廳消費，因為除左味道之外，服務也很重要，本人經常幫襯你們12味，因為味到可以價錢適中，但我相信以後都不會再去了。事緣昨天9月17號星期日，下午16:15，我們一行四人到達你們將軍澳中心店（B1樓B15店），（你們可翻看當日這時段的閉路電視），我經常吃你們的午餐，所以知道你們午餐直至下午16:30，但為免自己弄錯，所以在門口櫃枱再詢問你們的女店員一次，當時門口櫃枱有一女職員回答説…16:30己經沒有了，當時我回應說…現在衹是16:15而已，她便不耐煩再說…快啲入嚟坐啦、唔係冇得食架喇，她這種態度和語氣使一般人都會感覺不友善，一個不知所謂的服務員令貴餐廳損失了一單4人的生意（消費不多，可能祇是200-300元左右），也不知道是否貴餐廳有此政策，叫服務員對待吃即將截單的午餐客人，可以如此不禮貌和不尊重呢？香港的餐飲業競爭大，不要讓一粒老鼠屎搞壞一鍋粥，寫這段文字不是要你們改進，衹是吐出自己的悶氣而已。香港人個個都知餐廳請人難，這粒老鼠屎不打東家可以打西家，倒霉的就是餐廳老闆，很多餐廳倒閉後，餐廳老闆也不知道是什麼原因，有時真的替餐廳老闆不值呢！

由於冷氣太凍想換個位置都黑面，收銀姐姐態度十分惡劣，究竟乜事，自己就著曬長袖衫，客人覺得凍就俾面色，我係來幫襯架，唔係來受氣，就算啲嘢再好食都唔會再來幫襯，冇下次，失望

將軍澳中心好多餐廳可以選擇我哋今日揀咗十二味，試下大陸食飯嘅風味，唔止餸菜，在餐廳用餐嘅人都係講普通話😆😆雖然我哋電話訂咗位，但係去到餐廳都係照樣攞飛等位，無計啦，餐廳唔大，又多人食，返唔切枱，等咗15分鐘入得去坐。利用手機落單我們點了這些值得一提嘅係佢哋份量都幾大而霸王辣子雞就做得差咗啲，呢個係令我們較為失望因為炸既雞又細粒又有骨，好難咬到肉，所以呢一餐敗筆於辣子雞🥲自選經典香辣鍋就比較推薦，點呢個好餸得飯靚仔$12碗乾煸四季豆做得唔錯蔥油拌麵就唔辣，但係比較多油， $38算抵食，都係可以一叫嘅我哋四個人都比較大食，叫咁多其實都勉勉強強先食得晒😂今餐對於我哋黎講都太辣，所以都叫咗幾杯嘢飲，印象深刻嘅係慾望酸梅，好大杯，但係味道真係一般般，朋友話唔駛encore。😂最後甜品叫咗紅糖糍粑，炸粉比較多，比較厚，但勝在熱辣辣，咬落都好脆。餐廳主要霸王辣子雞有待改善👀👀今餐埋單$707

朋友想食酸菜魚 便提議食十二味 因為其午市十分抵食 價錢親民 又有不同的分店 今次同朋友選擇了將軍澳分店 週末時間雖然要等位 但等待時間不長  一如以往 一坐低就會送上爽脆帶酸的土豆絲 味道開胃酸菜魚 $73 配熱情果梳打 +$8酸菜魚份量足 除了無骨滑魚片 亦有入味的酸菜 雞脾菇同爽脆的萵筍熱情果梳打大大杯 是一般凍飲兩倍份量 味道十分清爽解辣 川式口水雞配維他檸檬茶 $53味道濃郁香辣 雞肉滑身 底部的青瓜絲吸收了川式口水雞醬汁 配上白飯剛剛好適合鍾意重口味的人蔥油拌麵$38普通的蔥油拌麵 蔥油味未算出色 拌麵質地正常 與其他菜式比較就相對失色了十二味就算不同分店 味道品質都很一致 裝修簡約 如果想過下食辣的口癮 是一個抵食的不錯選擇 

平時黎將軍澳番工都會去呢閒12味買外賣，點知今次一如既往用OpenRice叫外賣自取，明明我揀咗14:30取餐時間，手機亦顯示可以14:30取餐）點知去到發現冇我個外賣而且員工態度好差，問多句都好似唔想答你敢,重要黑口黑面，搞到我15:00先拎到餐，而且一句唔好意思都冇講，－間公司點解可以培訓D敢嘅員工出黎？跟本倒公司米！以後5會再光顧!

食過其他分店，呢間係講唔上有服務嘅餐廳，同其他分店唔一樣，其他分店服務一流！首先，明明book咗位都無預留枱比我，去到現場先再安排，好彩人流唔算多，要麻煩其他食客讓座再安排座位比我哋！我哋一行7人有大人有小朋友有bb,好似好唔想服侍我哋咁，我女得2歲，講咗有兩個小朋友，訂位時request咗bb櫈都無比我，我以為呢間餐廳無bb櫈，點知屋企人嚟到話係角落見到有兩張bb櫈，仲要我哋自己去拎，第一次遇到十二味咁差勁嘅服務！唯一慶幸嘅係酸菜魚保持到水準

口水雞份量不少男生吃一個口水雞飯餐都非常夠飽口水雞汁很過癮與在深圳吃到的味道相近而且價錢一點也不貴如果怕辣，就要叫他的百香果凍飲超級大杯我會叫半甜多冰飲得7788 ，再加水不會覺得淡而無味非常適合解辣

夏天熱辣辣，要食下辣嘢先覺得開胃，今日黎十二味試下🌞我地今日叫左1️⃣雞翼肥腸麻辣香鍋麻辣香鍋裡面有大量配菜，有芽菜、薯仔🥔片、蓮藕片等，仲可以自揀辣度，非常好，雞翼同肥腸炸得好好，又入味，特別係雞翼，好好食，下次會單叫雞翼香鍋❤️❤️❤️2️⃣水煮牛肉調味OK，可惜牛肉份量唔多，牛肉都好軟身，唔錯。裡面仲有大量芽菜做底嘢飲有一杯叫左桂花冰釀，幾特別，酸酸甜甜好解辣❤️消費價錢：2人💰150，人均💰75結論：（5個⭐️為滿分）味道：⭐️⭐️⭐️⭐️性價比：⭐️⭐️⭐️⭐️回頭指數：⭐️⭐️⭐️⭐️餐廳名稱：十二味餐廳地址：將軍澳運亨路1號新都城中心一期G樓G28-28A號舖