北京樓 (歷山大廈)

營業中

休息中

Indulge an authentic Peking duck experience with Peking Garden new Set Menu for 4 people.🥢They are a renowned Michelin-starred Chinese restaurant famous for their barbecued Peking Duck, boasting culinary flair n stylish furnishing❤❤️北京樓現推出全新4人套餐，讓大家品嚐到正宗的傳統北京填鴨風味。餐廳曾榮獲米芝蓮，以其烤鴨而聞名，憑著超卓廚藝及雅致瑰麗的餐飲環境屢獲好評。📍北京樓Peking Garden

想有環境又有氣氛又要有嘢食好食？ 可以去邊度？ 我自己就會私心推介中環北京樓，唔講你唔知其實佢哋係隱世米芝蓮京淮菜系🏆2018年獲米芝蓮一星💖用餐環境超寬敞，裝潢雅致瑰麗，而且服務質素好好，最啱同海外朋友一齊共聚•同朋友一齊去咗食佢哋全新嘅全新2人套， －共有5道菜式～ 碟碟都擺盤精美又好食❤️兩小碟 醉雞素鵝💛松子黃花魚柳金黃色魚柳炸至外脆內嫩，上面仲有糖醋汁酸甜醒胃，呢個一定要趁熱食💖入口脆卜卜🧡烤北京填鴨(半隻)嚴選油脂分量少既上等北京嫩鴨，獨特既烤鴨製作方式，烤至金黃酥脆，肉質鮮嫩多汁，配埋大蔥絲、黃瓜絲、甜麵醬，用薄餅卷著食用，超正💖🤍小籠包一籠有5個，每個小籠包都皮薄多汁💛🤎 拔絲香蕉係我最期待嘅甜品，頭先唔係大部份嘅中菜店都可以可以叫到呢款甜品，lee 度整得勁好味，依家只要下單拔絲香蕉，就會有免費即影即有相片1張📸•

最近一直都有癮想食片皮鴨！今次就同屋企人去咗中環米芝京淮菜✨北京樓✨食佢哋全新嘅4人套餐！總共有6道菜式同兩小碟 (醉雞及素鵝)！啱晒大食嘅我哋！首先聽 #北京填鴨 真係好高質！係用油脂份佈比較少嘅上等嫩鴨，鴨皮金黃酥脆，肉質鮮嫩多汁，一啲都唔油膩！用薄餅卷埋大蔥絲、黃瓜絲同甜醬，好好味、好滿足👍🏻北京宮爆明蝦球 原來係一款傳統宮庭菜式！真係好大隻巨型蝦碌😳！超彈牙！酸酸甜甜好惹味！不得不讚 #拔絲香蕉 ！如果唔係我手快搶到一塊，已經俾小朋友清晒！同埋而家只要落單拔絲香蕉，即免費送即影即有相片1張📸！另外仲有 #清炒蒿荀絲 、#小籠包 都好好味😋餐廳環境寬敞舒適，裝潢雅致瑰麗，好啱帶屋企人同朋友嚟食飯！尤其係服務質素好高，職員好細心！見到我咁多個小朋友即刻主動問要唔要BB凳同BB餐具🍴，不愧為係2018年榮獲米芝蓮一星⭐️餐廳！啱曬放假帶埋屋企人嚟食，記得要提早訂位！

爸媽近年先後退休，有時間盡下孝心陪兩老👨🏻👩🏻食飯，當然帶他們去食最鐘意的中菜！剛好見到🏮北京樓的4人套餐推廣優惠，無藉口唔去食啦😚 一如既往，名乎其實的隱世級米芝蓮級餐廳北京樓🪭 每次加拿大親戚回來都會去食，環境寬敞舒適，服務員經驗豐富🕴🏻好細心不用提醒自動會幫我們換碟加水，最緊要是呢個套餐的6道菜都好高質呀！👨‍🍳🥢 前菜兩小碟：醉雞及素鵝醉雞肉質好鮮嫩，夠入味又有酒香；素鵝個做法好特別，好似春卷～🥢 宮爆蝦球🦐爸媽都大讚蝦球超級大隻呢！啖啖肉完全無厚粉感喎，惹味彈牙！推薦☺️🥢 烤北京填鴨(一隻) 🦆重頭戲🌟 肥瘦適中、皮脆肉嫩的片皮鴨！油脂分量少，鴨肉柔軟juicy，切得薄身夠曬香口！我地大人們會配埋大蔥絲、黃瓜絲、甜醬，用薄餅卷著食，每層餅皮用蒸紙隔住，份量足夠！我個囡人仔細細食得津津有味😋🥢 清炒蒿荀絲 每次食飯一定要碟菜中和下，呢碟啱哂，清甜新鮮！🥢 小籠包熱辣辣又多汁，皮薄肉餡多🥢 拔絲香蕉口感豐富！拔絲好考師傅功夫，好有空氣感，打卡一流！個糖皮炸得好脆，香蕉好甜，我一個人食左半碟🤣 仲有個好消息：原來只要下單拔絲香蕉，即免費送即影即有相片1張～ 📲依家做緊指定套餐享7️⃣折

平時想食中菜，首選係中環嘅 #北京樓，而家仲推出咗全新2人套餐，共有5道菜式： 🐥 2小碟 (醉雞同素鵝)🐟 松子黃花魚柳：酸酸甜甜的，鮮美的黃花魚炸至金黃色，外脆內嫩🦆 烤北京填鴨(半隻)：北京樓的招牌菜式，皮脆肉嫩多汁，配上薄餅、醬料和配菜，令人欲罷不能🥡 小籠包：皮薄餡多，裏面還裝滿了滿滿的的肉汁，令人回味無窮🍌 拔絲香蕉：每一嚿都炸至金黃酥脆，非常有咬口，外觀100分，更驚喜是：下單 #拔絲香蕉 ，更會免費送 #即影即有相片 1張添💗餐廳環境都非常寬敞舒適，裝潢古典高貴，服務細心，於2018年更獲得 #米芝蓮 一星 🌟，非常適合同一班朋友喺度食飯傾偈🥢～現凡星期六、日及公眾假期享用指定套餐，仲可享7折優惠呀🎊，好抵食呀，下次一定再嚟食✨📍北京樓 - 中環：香港中環歷山大廈地庫首層B1@maximschinese#中環美食 #隱世京淮菜 #米芝蓮1星 #打卡餐廳 #北京填鴨 #片皮鴨 #免費送即影即有 #北京樓 #美心中菜 #香港必食 #香港中菜#PekingGarden #Centralfood #hkfoodie #Yumcha #chinesefoodlover #hong

周五是工作上前輩的壽辰，一行五人到北京樓 歷山大樓分店共進午餐。前輩都不愛吃部份的肉類，這裡的菜款式較多，不用擔心不合他的口味。各款菜式精心烹煮美味，同行同事都感到非常滿意。餐廳最後送了前輩壽桃，還即時替我們拍照打印出來，服務熱情周到👍👍😃

早幾日去左北京樓食生日飯全部都睇落好正!!我地人多所以都叫左好多野全家福 ($798)有十碟前菜咩都有d 全部都好食不過最鍾意係個魚宮爆蝦球 ($338)D蝦好大隻 不過可能因為我食得辣所以我覺得如果再辣d就仲好原來當你食到D碗碟好污糟既時候d staff會過黎換新既比我地北京填鴨 ($598)我地叫左一隻鴨 佢地片之前會拎黎比我地睇下隻鴨先皮又脆肉又好食 雖然睇落好多油但其實我就覺得岩岩好花膠雲吞雞 ($418)飲完D花膠仲會'張'住個口咁 一定係好足料佢地會由前菜開始跟次序咁出菜 由小食到main同湯都係一樣一樣咁上菜唔會好似其他中餐食飯d staff會一次過推晒d野食出黎成枱都係野又或者亂咁上菜 又熱又冷盤咁蔥燒海蔘 ($408位)D staff幫我地分左每人一碟 睇落就好靚不過我就唔鍾意海蔘就冇食 冇意見 ~小籠包 ($198)d蟹粉爆晒出黎好正 咬開都唔會太熱好食焗布甸唔記得左幾錢佢仲有個蘿蔔絲酥餅配黎一齊食 個酥餅好鬆化同埋d餡都好好味個布甸唔算太甜 成碟野都好靚雖然已經好飽 但最後都清晒所有野食 連我地帶黎個蛋糕都食唔晒不過原來因為我地帶左蛋糕黎 佢地同我地影左張相 仲送

食物質素差，服務態度差，難怪香港飲食業一蹶不振！！！！！以每道菜相隔15-30分鐘上菜的速度，等了多於一小時的片皮鴨，皮厚肉騷，成碟油。所有侍應態度極差，黑口黑面，成枱空碟冇人清。尤其一位四眼高瘦經理，送餐時要求拿走空碟，兩手空空但一聲「轉頭來收」就轉身離開，相隔十五分鐘後再示意收碟，竟然一險不耐煩，再次示意一會再收，最後唯有叫另一位侍應收走。其他菜式十分普通，一張相都冇影。簡單來講，冇下次！！！

喜歡假日來這裏enjoy，不用預訂，環境寬敞，餐具精美，招待員級數較高，客人較少，所以較旺區舒適，就算銅鑼灣淂記有7折，同樣食物，我都喜歡此處。 玻璃壺盛載人參烏龍茶，甘，人參味淡些，@$35。 牛肉餡餅兩隻$72，跟 美中鴨子一樣，有汁，肉滑度一般， 皮香脆。 叉燒蟹殼王四隻$88， 芝麻香口，皮鬆香，叉燒 鹹甜適中，叉香足。 雞湯小雲吞$88，一定要食， 皮餡嫩滑， 雞湯滋味 ，間間都試過，都能保持水準。 雞煨麵$88， 面質唔會腍pet pet，有質感，多菜，底食。 休休閒閒，靈魂受寵，身心開心。

今天約了家人食晚飯，去了中環北京樓因為有家人想食北京填鴨，之前食過北京樓的質素話俾我今次再過來，♥️北京填鴨選擇皮和肉分開或者一齊我們最後選擇了皮肉一齊，感覺好似好食一點加上包着鴨肉的粉皮，他們會有火爐一路暖着的所以一路食的時候也暖暖的🫶🏻😄我們還叫了東坡肉，不過我們覺得味道普通不過來北京樓主要也是為了食北京填鴨♥️💕🥰

周五早上打電話book 位，個receptionist 話只可以由12點食到1點，因1:30 有客，我覺得佢超級不靈活，我們1:15還都未遲，幾經爭辯，她才答應我1:15還枱。我們－坐下便點了片皮鴨，甜酸魚柳，小籠包及一些前菜。水準已經大不如前。片皮鴨有點乾，小籠包沒有汁之餘又沒有肉味，吃得很不暢快。最後那個$228的魚柳來了，那條小小的魚放在一個很大的碟上，問到那女部長，佢話呢批貨係細啲冇辦法，那我說既然批貨那麼少，為什麼不能給兩條，她說這是規矩，最後我哋要求推還。我們走的時候，餐廳也坐不滿，真不明白點解堅持我哋要1:00還枱，這樣的服務及食物質素我真是不會再來了。

今日約咗我－班朋友一齊來北京樓食晚飯，名副其實食出傳統菜風味，－入內環境裝潢風格，餐具、桌椅及制服都令人懷舊香港。服務員態度和和藹些更添加美滿。Peking Garden 北京樓創立於 1978 年的北京樓，是美心中菜歷史最悠久及最具口碑食府，以傳統的北京填鴨聞名香港及海外，屢獲殊榮。食完感慨一番，現在的北京樓真的變得很普通，食物味道整體感覺還算好吃，主角片皮鴨切得太厚太多肉；皮也不夠脆變得肥膩大大減分，至於手拉麵表演者太過敷衍，連外國遊客都吸引不了。

🤗🤗🤗 極力推介！🤗🤗🤗無論食物、餐具、環境。。。一切令人懷念起八九十年代的香港在這裏，我們吃出傳統菜的風味😋北京片皮鴨，應該多皮少肉，有一層油脂，皮理應是脆的，這裏吃到了。大滿足！拔絲香蕉，列在餐牌上，已是第一驚喜；能夠現場提供是第二驚喜；賣相極為吸引，屬第三驚喜！至於好不好吃，已不太重要了。😊😊😊東坡肉，肥瘦適中，那軟滑口感，令人不捨得嚥下。那些帶有南乳味的甜酸醬，足以餸一碗白飯！但我們選擇了炸銀絲卷，又是外脆內軟的細心之作，實在太令人感動了！🥹🥹🥹🥹🥹🥹兩句總結：歷山大廈的北京樓，做得非常出色！

呢間舖裝修後第一次光顧，水準keep 到嘅，而且個晚市套餐真係可以食飽全部人又冇人投訴唔好食。所以都值得推薦一下。😎 個醉雞同鮑魚我個人最喜歡，北京填鴨切得大件咗，個皮亦都厚厚地。最唔好食係個甜品，開粉嗰隻。人均五百幾蚊依家嚟講真係抵，4個人去就perfect!

有段時間無食片皮鴨，今次黎咗中環ge北京樓，經常都係去金鐘食，今次好似係第二次係中環分店食五小碟前菜幾開胃，最鍾意食佢ge海蜇頭，好爽口清新主菜上場: 片皮鴨黎啦都幾大碟好足料，皮脆不過又唔會太油膩，好食之後有我最鍾意ge賽螃蟹，唔係好多地方整得好食，e度ge唔錯