凱泰船屋

營業中

休息中

以前以街坊店黎講都ok!但係愈做愈差！！！買嘢食好似爭佢錢咁，黑口黑面，好似唔想做咁！叫野食啦，佢係唔會彩你的！你係連自己落左單未都唔知！果日叫左船面，咸到乜咁，要自己加水再煮！串燒又燶晒，有少少燶都明嘅，燶都咁你都照比（見圖）講真，做街坊生意唔係咁呀？定佢意為自己大師級？果時佢哋開時，都成日支持，就係諗住街坊生意，同埋覺得大家都有誠意！今次係我第一次寫openrice, 真係覺得差到離晒譜，絕對唔會再幫襯！！！

食物送到屋企已經變凍左，其實運送時間唔算耐40分鐘咁上下，由煮到送餐，但唔明白點解會送到黎係已經全凍？食物凍左已經影響左味道，但都唔緊要，份量真係太少！一打開個刻真係呆左，我以為俾漏單，唔會再試，之前冇睇到其他留言隨意選一間黎試，古唔到真心伏，真係好失望！外送又用紙盒，個紙盒又封唔實，求其合埋就算，好多送到黎都漏哂汁。串燒仲衰！滴哂出黎，搞到成手都係，包裝方面真係需要改善一下，份量少到一個點，其實如果真係良心舖，做街坊生意，可唔可以真係俾d誠意？而且價錢仲要唔平，雖然係小店但都未至於咁求其，物不所值！

夜晚肚餓外賣左個自選麵，個面底係正常嘅。打開一睇豬頸肉份量好少，分量大約就係一片長度大約係兩格手指尾嘅豬頸肉切成三四小片，扎肉就兩片，完全唔夠食。我唔知道佢係夜晚係唔係唔夠料，定還是平時都係咁，但係我覺得40幾蚊完全唔抵。

好鬼正嘅雞比，咖喱醃、生炸再燒，再點中辣，23蚊真係無得頂（不過雞比一時大一時細），仲有娃娃菜、牛肉、板豆卜、墨魚咀、雞皮、燒茄子都係我嘅至愛，唯一美中不足嘅係個商場，雖則叫夜市，但十一點就閂晒d廁所😌。其他嘅菜式比如船麵、海南雞，我就無試過，無意見提供，食左四五年都係齋食串燒😂，調味粉配合得好好，基本上中辣已經ok，脷伸：我喺譚仔食特辣嘅🤭，串燒點大辣會搶晒d味，所以都係建議點中或小辣就好。

味道尚可，可圈可點，沒有讓我特別驚豔的地方。份量亦適中，比較合適小鳥胃的女生吃，如果男生吃可能要多點一份。價錢也正常，與份量成正比吧。偶然吃一吃也不錯，但對泰式有追求就需要去較專業的餐廳別。

竹園既食肆話多唔多，話小唔小，但好既地方係咩國家既菜都有啲，想試唔同水味都有得簡下，而數琴泰國菜就非凱泰船屋啦！佢係夜市既鋪頭黎，收凌晨一點鐘，夜媽絲餓既話都可以去凱泰整返幾條串燒chill下我叫左既係泰式豬頸肉飯份量望落唔算多，但食落係真係飽！賣相都好正～啲豬頸肉仲要有脂肪，肥瘦剛好。個黃飯比較乾身，粒粒分明，味道好出！飲埋杯手標奶茶！真係一絕❤️而且豬頸肉既份量唔會太小，$43蚊黎講真係唔錯架～👍🏻👍🏻👍🏻👍🏻👍🏻

差不多佢每款飯我都試晒，今次都係繼續失望。打開個樣唔靚仔，豬頸肉食落唔會太乾，但如圖所示有啲頭尾就好乾，我完全無食到，黃薑飯好似比以前淡，不過飯既份量就足夠多，可惜餸太小，食到後面唔夠餸，仲有好多飯，想用汁撈飯食埋佢，而跟餐個汁又太過咸，完全得個咸味，食完非常口乾，質素比之前差左呢。我知而家食個飯好貴，但40零蚊呢個味道同份量，覺得唔抵食，得唔開心，哎，又或者係唔岩我口味。但佢海南雞飯會比較穩陣，有時好彩會有雞脾，但都有同樣問題餸太小，同埋要等好耐。 呢頭開多左好多食店，但到頭來都係繼續無咩好食😅 希望凱泰會有進步吧。

今日得到山友會group友教路，教我點樣由黃大仙行上竹園，終於可以試到凱泰船屋🤤今日叫左兩樣野：1. 半隻海南雞 💵$692. 兩件蝦餅 💵$15🎈海南雞無骨，雞肉好滑（但比較油），份量都幾多，兩個人都食到飽飽💛 蝦餅炸得幾好，不過唔算太厚，最鍾意點埋泰式辣醬食😆🎈等候時間：唔使10分鐘，大家要多啲去懲罰佢呀‼️🎈用拎得𝕒𝕡𝕡𝕤 外賣自取有8折，會平少少少少咁多😂不過當時揀唔到半隻海南雞買😂所以我係無用到嘅～

見有船麵食 滿心歡喜 點知真係大跌眼鏡😮‍💨個湯底好油 得個鹹又無其他味相對串燒就幾好 嗌佐佢地既燒茄子 生蠔 金茹 大部份嘅肉類 都覺得幾好食既不過佢哋永遠找錢都會找少幾蚊 有次外賣自取 返到去先知找少10幾廿蚊 都唔知落唔落去追返 大家都注意啲

價錢同餐牌有出入冇標明….豬頸肉要加5蚊外賣加2蚊..比錢果陣先同你講..下次可以明碼實價令顧客唔會覺得有小小打死狗講價既感覺..師奶仔呢度5蚊果度5蚊都好多嫁啦😂😂我嗌左個檬粉冇特別好食同唔好食😂😂啲材料都冇特別多到同小到整體感覺麻麻地😂😂我呢個街坊下次會食第二間報告完畢。

今次想介紹竹園夜市入面一間串燒店上次試過佢地既串燒已經想encore今日試埋海南雞飯同滷豬手飯全部性價比好高💛提早whatsapp落單去到拎就剛剛好今日叫左:😋雞中翼兩串😋墨魚丸一串😋芝士腸兩串😋原隻魷魚 😋牛舌兩串😋雞軟骨一串😋泰式蝦餅 ($28/4件，好彩加左單，真係唔錯)😋滷豬手飯😋海南雞飯 ($42)咁多樣野加埋都唔洗$250😍串燒加左自家製沙嗲醬 (可以揀少辣同唔辣)特別惹味下次會encore同試埋船麵

叫左個$688/4人餐到會，份量超級多！5個人食完仲可以食多3餐lol如果款式多啲會更好性價比高，個咖喱雞配薄餅可以做主打招牌菜，食得出廚師對香料運用十分擅長。海南雞係有水準，配埋自家製醬汁，提鮮，正😋其他食物例如沙律同炒飯都係好食既。醬汁非常夠，係值得一讚既細心位👍🏼可惜運費比較貴，因住得遠距離，但食既時候仲係暖暖的🥰難得試到間好食又唔算貴既到會，下次有gathering會再叫，試埋其他野食🤣

有事要到黃大仙，可惜，黃大仙中心入面可以食嘅良心店寥寥可數（唔計台式飲品店）>"< 好彩有個好好嘅同路人，唔介意行遠少少，入到去竹園村食野😘唔熟路，搵左陣終於到達😅 原來「凱泰船屋」係位於新式街市入面嘅小型food court~座位不多，大概可以坐4,5人～由於到達嘅時間，大概五點了，有d 菜式都賣晒🤣最後叫左碗船麵同海南雞飯～船麵個湯底幾正，濃而不膩，食完唔會勁口渴👍 香茅雞中翼夠入味🤤海南雞飯份量算多，油飯香又唔會好油膩😚雞肉多，皮唔太肥，呢碗夠晒飽肚😘同埋，幾欣賞佢個泰式奶茶，唔會過甜😎估唔是呢間小店又幾有驚喜，呢餐好滿意呢🥰加油！！！

呢幾年好多街市都翻新，令到好多食肆都進駐🏡，依家除咗商場食肆之外，得閒幫襯街市嘅都唔錯👍，價錢亦都相對平少少🤏。今次去到竹園街市，同樣經過翻新之後，食肆多咗好多，款式種類又多😲。不過我早幾日網上睇下泰國嘅船麵⛵，點知呢到都有一間有得食船麵，咁緊係揀返碗嚟食啦🤤。🎈招牌凱泰遊船河(豬肉、豬頸肉、豬肉丸) $39湯底顏色好深，飲落好濃郁而且唔油膩✨，令人沉醉係湯嘅濃度中，不錯👏。麵上有些少泰式炸豬皮，爽脆🦷。豬肉肉質好厚，口感一流，估唔到細細塊都可以咁好味🤩，豬頸肉亦都唔差，爽口彈牙，唔薄身😛。船麵湯底最為特色，獨特嘅香料同醬汁🧂，層次豐富，能夠係40蚊內嘅價錢食到一碗別具特色嘅麵🍜，認真推介🖍。🎈泰式蝦餅 $15/2塊蝦餅上面加咗芝麻粒💦，多次一層爽脆口感，記得一定要襯熱食😁，再點一點泰式辣醬，蝦嘅鮮味🦐，炸過嘅香脆感，滿足💮。我哋平時係香港麵檔食得多，好少會接觸到船麵😩，又或者食到泰式風味嘅豬肉🐷。如果大家工作又或者屋企附近有間泰式小店🏠，不妨都去試下。

住左黃大仙咁耐，平時見好多人成日排隊，所以一直都無幫襯，今日行開見到唔多人，所以心血來潮想試下，咁就買左個海南雞飯$45包埋野飲，我加2蚊要左涷既泰式奶茶打開個外賣估唔到份量十足，抵食得黎又好食，最鍾意個海南雞飯多肉皮唔肥，配埋個汁岩岩好，佢個汁有d似泰國水門果d咁，應該自己整的，撈飯一流🤤好多地方既泰茶都好甜，呢間幾好茶濃得黎唔會苦，甜度亦岩岩好唔過甜見佢仲有串燒同船麵，要分幾次先試得晒呀之後又多一個選擇，重點係黃店，要多d去幫襯支持下😍