凱泰船屋

營業中

休息中

今朝一早去開黃大仙附近做野，去到中午時分見餓就去附近的竹園街市搵食。兜左個圈，最後被凱泰船屋的menu吸引，有海南雞，船麵，泰式咖喱飯，泰式豬手飯等泰式野。對於我有少少選擇困難症嘅人來講，樣樣都好想食😋佢地的午餐套餐都幾抵，但我最後單點個香茅豬扒飯試試。我大概等15分鐘，個香茅豬扒飯來到時見個賣相唔錯，豬肉本身有厚度，味道都幾正宗，以38蚊來講算抵食。重點係有我鍾意的香茅味😊對於女仔來講份量有啲多，下次要記得提佢地少飯。我見佢地晚市有串燒，好似幾抵食，下次同朋友過來試下！

今日送女朋友番屋企，參唔多12點有少少肚餓，又唔想食m記，就入黎街市打個轉。本身無咩期待諗住求其搵D野食，點知見到有串燒，就比佢吸引到。帶咗10串串燒先100蚊多D，仲要送多兩串，抵食呀。之後見人哋食海南雞飯，忍唔住我又叫咗一個，45蚊有杯凍奶茶加個飯真係唔貴，黃飯食落好香味道唔錯，海南雞嫩滑，最值得讚係杯凍奶茶，同我喺泰國飲過既一樣，真係估唔到，因為我喺香港嘅唔同泰國餐廳都試過飲凍奶茶都係中咗伏。原來平嘢都有好嘢，讚

當日我和朋友一行三人，去到見到店舖麻雀雖小五臟俱全，老闆招呼周到，先叫了醉雞腎雞翼，應該係我食過咁多間入邊最好食嘅醉雞腎非常入味！之後叫左個泰國船麵食，之前未食過船麵，配料好多湯底好好味！再叫咗啲串燒，配上秘製醬汁，點嚟食更加好食！店舖位於街市food court ，但好乾淨，氣氛好好，看得出很多熟客有講有笑，一邊食一邊傾下計很有香港的味道！老闆有向我們推薦海南雞飯但已經太飽食唔落，下次一定要再食過！

疫情之下喺屋企煮野煮到都唔知食咩好喇！🤦🏻‍♀️ 男朋友喺開飯網搵到呢間小店話想試下，咁好啦！我同男朋友問老闆有咩好推介 ...老闆既熱情又有耐性嘅服務態度同我地介紹店舖入面嘅受歡迎之選 ...我地就揀左船麵同埋豬頸肉飯 ...估唔到有啲小驚喜 ...船麵個湯底濃而唔多味精，食完出奇地冇口渴嘅感覺，湯底比較真材實料，感覺有別於平時出面食泰菜舖頭嘅重口味 ...札肉魚片夠爽口，船麵軟身易入口，我比較推介！🤤😋👍🏻男朋友呢個飯桶就必定揀飯黎試，佢話豬頸肉薄身兼肉質夠晒嫩，唔似千年老豬咁鞋口，夠惹味！👍🏻黃油飯嘅配搭直頭想多飯，男朋友講話唔好意思再加飯，老闆聽到二話不說就加左比佢，服務的確唔錯！😃仲有嗰杯飲完想再飲嘅泰式奶茶，甜度適中，奶味濃，奶茶控嘅人絕對值得一試！👍🏻本諗住小店出品都唔會有咩意外驚喜 ...實惠之選絕對可以去試下 ...支持黃色經濟圈 ...得閒要去再 encore ! 🤤

今日出開黃大仙諗起之前有介紹過呢到竹園有熟食市場所以就去試下行左幾間 見呢間最多人食所以就試試佢今次叫左個豬頸肉黃油飯好有驚喜啲豬頸肉仲有汁 唔係乾憎憎果啲個黃油飯好香 軟硬適中 又唔會太乾平時食其他地方有啲黃油飯好乾架嘛 佢又唔會喎所以好推薦大家一定要試下

盒飯40蚊，話平唔平話貴唔貴，但入面啲餸我覺得就太少喇，仲要成盒飯啲飯硬左一舊舊夾得起既，豬頸肉得幾塊(無偷食過)，加幾條菜塞爆個面就算數個隻，認真好差，下面有相為證，本人亦唔會再幫襯，豆潤鋪仔鐸叔孤寒

同朋友2人下午茶時段用餐我叫咗雞翼船麵朋友叫咗四寶船河一人一杯Thai tea-船麵湯底濃淡適中，我差唔多飲晒😋金邊粉亦煮得啱啱好雞翼味道亦唔錯但只有2隻有啲唔夠喉不過30幾蚊份量可以接受-食食下老闆遞上一客4件素菜春卷原來我地叫麵+飲品可以轉餐意外驚喜😆春卷唔會過油，炸得香脆上碟仲係熱辣辣👍🏼👍🏼-想喺黃大仙食嘢打開個app都知無咩選擇最近都係竹園不過同朋友傾住計，行一陣就到啦平靚正，絕得值得支持👍🏼👍🏼👍🏼☺️-下次會想試埋小食拼盤、串燒好似幾抵食😋😋

屋企附近的「去骨海南雞」都比我食得七七八八，見外賣apps有間係竹園街市嘅泰式食肆有得order黎食，於是今日就叫黎食下，試下有無近近地，又岩我口味嘅雞飯先😍。凱泰船屋~去骨海南雞飯。飯係我黎到攞的時間先盛起，以保存飯的熱度，份量係夠嘅，而且係我食開嘅油飯味道，👌嘅。雞嘅份量我就覺得少左d，而個雞嘅味道🤔，我覺得係去左骨的白切雞味道，而唔係我熟悉的海南雞味😔。整體而言，我對個雞係有少少失望。

因為香港的混亂，引致好多交通不便，原本相約多年不見既朋友聚餐，都要被迫要取消，令到我心情十分之差！無街出無節目，唯有落樓下街市醫肚，一個人響街市兜左一圈又一圈，今晚決定食凱泰船屋……街市重開都1年了，呢間都係我喜歡食店之一，平時返工前去食的話，我例牌食海南雞飯，再加一份油菜，如果放假時間鬆動可以慢慢食，我就會食串燒+2件羊架，尋晚正好放假無訂去，應該係有訂無得去，大把時間慢慢嘆，我點左2件羊架，燒茄子，燒雞皮，呢間食店老闆係一對年輕情侶，平時有無幫襯都好，經過都有吹吓水，知道我湊米氣，另外醒左碗飯比我😜一個晚餐就咁搞掂左，好味道😋而且價錢唔算貴燒羊架$50/2件燒茄子$20燒雞皮$12串海南雞飯$45（餐跟湯）

話說星期六，無聊去左竹園廣場食燒賣，淨係食燒賣就緊係唔夠飽啦，見周圍咁多野食，兜左個圈就黎左呢間食船麵。咁就叫左個招牌船河，承惠39蚊，再加10蚊叫左杯泰式奶茶。招牌船河就有豬頸肉，豬肉丸同豬肉。我非常推薦佢既豬頸肉，好好食。豬肉片就麻麻地，有啲鞋難地。我揀左個船麵湯底，都幾好飲，有啲香料味。以39蚊有咁既質素，性價比都算唔錯。杯泰式奶茶有泰式奶茶既味，同時又唔會太甜，應該幾符合香港人既口味。另外仲有加多個炸蝦餅(28蚊4件) ，唔知果2條春卷係老闆娘送嘅，定係跟餐。😂熱辣辣嘅炸蝦餅同春卷都好好食。

黎到探朋友,見TBB之前介紹呢個夜市,第一眼被吸引嘅係呢間嘅泰式奶茶,見到佢嘅船麵只係$29,就決定不如買走試下。$29船麵加$10轉為套餐,包括兩條細細嘅春卷同埋飲品,另外凍飲再加$2,一共$41。船麵有好多餸可以揀,我就揀左雞翼,如果另外揀多款餸就每款加$7。湯底都有兩款可以揀,豬骨湯底同埋傳統船麵湯底,我就揀咗船麵湯底。至於餐飲就揀咗泰式凍奶茶,外賣大概等咗10分鐘左右就有得拎。湯同麵係分開嘅所以唔怕會索曬水,一打開見到金邊份個份量都幾多,兩隻雞翼嘅size就係偏細隻,而套餐嗰兩條春卷亦大概係三分二隻手指咁長。泰式凍奶茶係好飲嘅,唔會太甜,我叫咗小冰佢亦真係有小冰,都幾香幾滑至於船麵個湯底我自己就麻麻地啦,可能係因為我唔鍾意呢陣味啦,但係雞翼的而且確係冇乜肉好細隻, 抵唔抵食就見仁見智。順帶一提,買完外賣上朋友度只係十分鐘之內嘅路程,但係個湯底已經唔係好熱,食落只係微暖,以而家夏天嘅天氣suppose拎到返去應該都仲係好熱, 希望呢方面會改善。船麵我就唔會再試,但係如果有機會都可能會試下佢嘅海南雞飯。至於跟餐嘅春卷真係冇乜特色可言,好似平時公仔點心嗰啲炸春卷咁,但係個凍奶茶就值得

食評唔使寫得多，自己睇圖，船麵打死我都無下次，擺低碗麵夾幾下，d金邊粉已經爛到一個點，湯又無晒，成碗野3分1都食唔到就請左垃圾桶食。串燒係食得過既，因為岩岩燒起夠熱，d肉都唔會鞋。

There are two places at the Food Market that serves chicken and rice, tried this one first but sadly the flavoured rice was sold out.The sauce given was too garlicky for my liking but there were other sauces on the table which were good.The chicken was ok as I requested for the white meat but it wasn't really memorable. I don't recall much on the taste but the chicken meat was tender and fresh and that's it but I think I definitely tried it at the wrong moment as the flavoured rice wasn't availa

之前已經有睇過報章介紹過竹園有夜市食肆，為食既我一直都好想去揾食，適逢今日跟男友去拜年就到竹園，當然捉住男友陪我食食食初五日子比我預料較為疏落，行走了一圈最終落腳於凱泰船屋, 因為有泰船麵食。四寶丸船麵 套餐有炸春卷或咖哩角炸豬皮十分好食，而湯底濃但不會過鹹，十分驚喜凱泰船屋遊船河有豬肉，豬頸肉，豬肉丸，豬肉就是泰式那種鹹肉，而個人是較喜愛豬頸肉的肉質，入口彈牙，正正金邊粉看似份量略少，但原來我也會吃不完，好在有食力男友幫我清晒另點了一點串燒類，雞串是十分推薦，因為入口外脆內嫩，除了肉質嫩滑外，而且是特別juicy的，不會因經燒烤這而變得乾泰式奶茶必試，不會像港式茶走般甜膩，入口十分滑溜，絕對會因此再到來

今晚一家三口首次幫襯，叫左雞翼船麵，海南雞飯，6串串燒。海南雞飯好好味，算飽肚抵食，眼見都多人買外賣。船麵就只有2隻細雞翼，細碗左D，唔夠飽。如果好似出面D泰國舖加2舊白蘿蔔，我諗會更加吸引和飽肚D。阿囝食串燒食到嘴舐舐，話下次要再黎食過。忙住食都唔記得影低最好味既海南雞飯。3個人食左$206 ，唔算好平又唔算好貴，但勝在是本區未有既食店。所以唔能夠同隔離眾多小店賣既野又平又飽肚相比。