八方棧

營業中

休息中

相信住在大埔，及有開車的朋友都喜歡在白石角科學園吃飯，一來地方夠大，二來停車場夠有多位和便宜，最緊要的是平日晚上人流不多，因為科學園大部分都是上班族收工便回家。我就是看中這一點所以經常到科學園晚膳！今天來到八方棧，第一次在這裏晚上吃飯，中午時到人頭湧湧，晚上相對寧靜舒適，這樣便可以享受他們的美食及服務！而八方棧除了可有室內享用之外，也可以享用晚膳在室外！不過今天有點涼，所以還是在室內比較好！八方棧無論食物精緻，餐具也很亮麗，看到漂亮的餐具吃起晚飯來也相對有 feel! 平時我在這裏午餐都點點心，所以今天晚上和老婆來吃決定點些小菜！有些小菜及食物都不在電子餐牌內，相信應該都是限季食物，所以除了大餐牌外都不能錯過其他餐牌以外的額外餐紙！應該會有些驚喜發現！在這裏晚飯吃家常小菜價錢相宜，食物份量畀其他餐廳大，能夠享受寧靜的餐廳及高質素服務，所以十分正！我們點了青菜，葷菜，和酸菜魚係今天晚上的食物！在外吃飯當然要點上一些家中不怎麼煮的食物，青菜點了馬拉盞炒唐生菜，馬拉盞不算太辣，咸道適中，為其他兩道葷菜中和口感，所以在中餐小菜中不能缺少！主餐牌上有這道菜無花果一口骨，平時在中餐都有咕嚕肉，看到

在科學園食肆林立, 選了這所设有露天茶座嘆高質中茶又有sea view, 在這清風送爽的天氣實在有另一番享受, 點心首選做緊promote的28蚊燒乳鴿, 相信是全港最平, 但絕不是交行貨, 雖然身形畧細, 但很入味, 另外有多款二人前點心, 方便拍拖一族可試多幾款, 今次最驚喜竟是它的自製甜品, 尤其那香芒布甸, 賣相完全像西式大餐廳出品, 除了香甜外, 伴碟的生果和爆珠都要大力推介, 另一甜品是冰涼西瓜糕, 除了賣相幾乎一模一樣, 店員更說是利用鮮揸西瓜汁造, 還有它的熱蒸甜品千層羌汁糕, 更是必試, 羌味超超濃好正 。

人少少，星期六嚟到科學園，唔使同人迫係最開心！ 今日一行四人去食中菜，揀咗一間喺海濱附近嘅中菜廳。環境寧靜，而且地方都好寬敞！先嚟琵琶乳鴿兩隻特價$28隻，非常經濟實惠！即叫即炸， 味道唔會過濃！冰鎮鮮果咕嚕肉店員熱烈推介，話真係好好食，叫我哋試吓！ 咁即管試一試啦！賣相非常吸引，仲有閃閃燈燈！咕嚕肉大大粒，都幾冰凍！而且咕嚕肉嘅外皮都炸得好脆口！八方小炒王呢度餸，亦都係店員推介之一，店員聲稱冇一個客話過唔好食，講到咁勁，即管試吓啦！真係冇介紹錯喎！ 材料好充足！韭菜為主，當然有腰果，花枝片，蝦等。。。用XO醬爆香嚟炒，非常有鑊氣！黑毛豬叉燒黑毛豬叉燒肉質軟嫩多汁，半肥瘦，色澤鮮明、香味四溢。芥茉沙拉鮮果脆蝦球蝦球大大件，入口脆口！加埋芥末醬同埋木瓜一齊食，完全唔覺得油膩！仲有啲清新添！和風安格斯一口牛安格斯牛肉肉質鮮嫩，煮到七成熟左右，好惹味！香煎鹹魚肉餅鹹魚粒鹹香味好出，肉餅鮮美有彈性，好有咬口感！我要讚一讚呢度嘅師傅，佢哋整每一道餸都好有心思，佢哋會用蕃茄仔整白兔仔，又會喺碟度畫花！未食都覺得好窩心！職員都好有禮貌！最後，仲有香芋西米露糖水送！呢餐飯，我非常滿意！📍 八方棧 (沙

今晚去左科學園八方棧同朋友聚餐。餐廳喺單車徑隔離，都好易搵。餐枱之間位置闊落，而且望住個海景進餐，心情舒暢. 客人可以揀室內或者室外位置，我哋怕蚊，所以揀咗室內。琵琶乳鴿（$28@）：呢個係特價item，每兩個人可以叫一隻，非常抵食。乳鴿皮炸得脆身。皮薄，唔會成口油。芥味沙拉鮮果鮮蝦球（$148）：芥辣醬同沙拉醬嘅味道混合起嚟甜甜地辣辣地幾開胃。蝦球都幾大隻下。彈牙鮮味。和風安格斯一口牛（$148）：安格斯牛味濃郁。本身以為伴着一口牛嘅係薯粒，點知食落居然係好Juice嘅雞髀菇，估唔到又幾夾，令到菜式食物冇咁漏。冰鎮鮮果咕嚕肉（$138）：咕嚕肉俾冰鎮住，令到個皮好脆。佢仲配埋藍莓，菠蘿，車厘茄，火龍果同哈密瓜，幾特別。八方小炒王（$128）：用花枝片，蝦仁，腰果同辣椒絲等等既材料同韭菜一齊炒，都好足料，味道層次豐富。香煎鹹魚肉餅（$128）：做呢個菜式要好花時間慢慢煎透身。鹹魚味好香好惹味但又唔會太鹹。肉餅厚身，可以保留肉汁。風味黑毛豬叉燒（$198）：唔係好多舖頭嘅叉燒送上嚟既時候仲係熱，而呢度居然做到，值得一讚。黑毛豬味濃，肉質豐富，咬落彈牙。芋頭椰汁西米露（贈送）：芋頭同西米都

警世：節日訂枱真係喊建議！重要事情要講3次！千祈唔好訂圍餐！話說母親節已提前大半個月訂位，講明有一初生嬰兒加一小朋友，母親節前一日仲特意打電話來確認，今日到店竟然話爆曬無位，安排左張會滴水既枱😅 大佬 仲要係咁漏水 點食呀大佬！問佢點樣安排？又話其他枱比人訂左，但言下之意特地就無訂枱？？完全搞唔明個姿客同個西裝大叔係點搞，仲要同時間有其他人有同樣情況，母親節搞單咁既野，真係鬼有心機同你係度磨，拿拿臨轉場！！ 真心非常失望，希望老闆見到依個comment，可以整頓下員工，完。

本人3日前致電訂位，All Route Inn的人重複及確認我的訂座姓名、電話及時間1:30pm，我還問餐廳聽電話的人停泊那個停車場比較近。但是到今天母親節我們10分鐘前到達，門口的人說：「我們找不到你的訂位，餐廳一早已經滿座，我們餐廳冇可能會接受訂位，你們現在可以等，但唔知幾時有位。」於是我們帶着年老的母親離開了餐廳。對這餐廳非常失望，因為同老人家同行，所以想預先安排座位，如果餐廳滿座，為何那天接受我的訂座。

星期六咁啱同朋友踩單車踩到科學園，覺得肚餓就入咗去八方棧食中菜燒肉叉燒雙拼($168)燒肉外皮十分脆口，肉質很鮮嫩，令人回味無窮，叉燒色澤金黃亮紅，肥瘦適中，入口即溶，不會過分油膩椒絲腐乳炒通菜($118)通菜脆嫩，不會過於柴硬，加埋椒絲腐乳嘅鹹香，配飯一流瑤柱蛋白炒飯 ($128)炒飯份量十足，米飯粒粒分明，味道鮮美而不油膩，即使冇太多嘅配料亦不會過於單調白灼海蝦仔 ($98)雖然海蝦份量較少，但是海蝦肉質鮮嫩彈牙，只係簡單配合醬油已經10分美味

請朋友夫婦晚飯，設宴於科學園的八方棧，愛其泊車方便。室內環境寬敞舒適之餘，更有露天海景雅座。湯品點了最愛的四川酸辣羮 $128；用料十足，口感適中，酸辣味十分開胃；份量雖多，都給我們邊吃邊喝的清了。金銀蛋浸莧菜 $138；餐廳提供蔬菜選擇甚多，春去夏來，揀選時令的莧菜，經典煮法當然就是金銀蛋浸煮，口感清新，味道不錯！蒜蓉蒸開邊海蝦 半斤 $78晚飯有特價海鮮：蒜蓉蒸海蝦。蝦肉鮮甜，開邊不用落手，食落方便，乾手淨腳。川式孜然蒜片牛粒 $138方塊牛肉粒方便多人分享，一啖一粒，肉味尚算香濃，肉質亦爽口彈牙；若孜然味再重點的話則更見完美。冰鎮鮮果咕嚕肉 $138店員拍心口推介，保證好食，既然如此，不妨一試。賣相吸引，冰鎮的咕嚕肉皮脆肉嫩且保持溫熱，伴碟菠蘿及其他生果都十分鮮甜，無介紹錯！贈送飯後甜品芋頭西米露，味道亦不錯。整體十分滿意的一餐，價格合理，又一開飯好選擇！

很喜歡到科學園開餐，因地方濶落，搵位容易及泊車輕鬆。環境布局優雅，座位舒適！有戶外海景座位，天氣好的日子，在半露天的美景下用餐，的確是賞心樂事！極𥄫引的特價琵琶乳鴿，即點了2隻 $56，超級抵食 👍👍乳鴿開邊，保留肉汁👍；皮脆肉嫩，連骨都是軟的，是真正的乳鴿！調味夠，可免淮鹽喼汁👍👍再來冰鎮鮮果咕嚕肉 $138，賣相有霸氣，氣勢磅礴的！咕嚕肉的脆醬在冰鎮的輔助下，脆口效果出色👍👍 肉質軟硬適中，好味到停不了口 😋😋川式孜然蒜片牛粒 $138蒜香惹味，牛粒有咬口，孜然味重一點就更理想超多菜甫涼瓜煎蛋角 $108，菜甫的確夠多，幾乎每口都吃到菜甫味道，蛋角夠鬆軟，好味道！主食點了無油家郷炒米粉 $128，無油一定要試一下😍😍。炒米粉的材料豐富，肉絲、蛋絲、蘿蔔、芽菜堆得滿滿，味道很好不濃味。飯後有糖水送贈，是夜出品芋頭西米露，質素還算不錯👌很滿意的一頓晚餐 😋😋😋

今日同媽咪喺白石角踩完單車肚餓啦，經過一間海旁邊新式酒樓，仲有午市優惠添，就入咗去試下啦。我哋坐喺戶外嘅位置望住個海一邊嘆茶食點心叫到成枱都係嘢食。呢度啲服務員都好熱情，唔知係咪因為望住過海做嘢特別好人😂比起平時又嘈又迫嘅酒樓，啲嘢食仲要咁有水準，呢間真係唔錯👍🏻香煎蘿蔔糕蘿蔔糕外脆內軟，入邊嘅餡料好豐富。我哋揀咗鐵觀音茶，茶非常香濃解膩。呢款蘿蔔糕同出邊食嘢有少少唔同，口感特別軟滑。瑤柱鮮蝦菜苗餃我哋本身好鍾意食菜苗餃，咬落去啲汁爆曬出嚟，鮮蝦味濃郁，成個感覺係食材好新鮮。紅燒妙齡乳鴿乳鴿炸得好香脆，熱辣辣上枱。呢隻乳鴿只係$28蚊。抵食之選，值得一試。時菜炆龍躉頭炒河粉我同媽咪本身係魚嘅愛好者，所以叫咗呢個龍躉炒河粉。個河粉嘅份量超大，應該四個人都夠share 一齊食。自問都算大食，建議兩個人如果叫呢個嘅話就要拎定個飯盒打包。木魚花蝦膠釀茄子平時喺其他酒樓嘅釀茄子都係用鯪魚肉去釀。呢個好特別係用蝦膠去釀。所以食落去係好軟腍腍嘅茄子再加上彈牙嘅蝦膠。口感同埋味道都好夾。食完好滿足。蔬汁金柚雪山包雪山包嘅賣相非常之漂亮，一出場簡直驚艷咗我哋。個雪山包鬆軟得來個皮帶點脆。一咬落去啲金柚成

嚟到科學園 睇吓金蛋 享受吓海風再搵間餐廳食吓，今次同屋企人就揀咗一間酒樓 「八方棧」食下🐟🦐🦀筲箕海鮮薈 好味指數：8/10集合魚蝦蟹、仲有驚喜點心晚餐都可以食嘅燒賣、蝦餃點解係蝦餃燒賣？當然係因為入邊有蝦無離題、都係名副其實嘅海鮮薈所有嘅食物都鋪喺荷葉上面提升咗海鮮嘅鮮味食點心嘅時候，仲有荷葉嘅味道🐖土耳其無花果一口骨 好味指數：8.5/10好推薦是呢一個！一口骨食落脆卜卜好有口感之餘，附骨嘅肉 仲係最有豬肉味無花果味亦都係一個點綴🌸雲腿桂花海味好味指數：8/10有蝦有蛋嘅炒粉絲～都係好好味看似簡單，但係將一切嘅精華融合仲有金華火腿做味道嘅精華🥦西蘭花炒帶子好味指數：7.5/10帶子配搭西蘭花本身嘅西蘭花極具有豐富維他命C嘅菜式再加埋用帶子做陪襯平衡一下鹹味🎃南瓜西米露足料 充滿南瓜蓉

又係時候請母親大人食個母親節飯了，搞搞新意思，今年帶她去科學園食個中菜，無咁多人，食完飯又可以行下海傍。👭👫🏻呢間中菜廳就在海傍隔離，見到個海鮮薈好吸引（$398），夠4位食。好香的蒜蓉同埋荷葉香氣，魚肉滑身，蒜蓉蝦蒜蓉蟹，仲有蜆都好食，最搞笑係有埋蝦餃燒賣🤣，但都係好食ge。土耳其無花果一口骨（$128）酸甜好食！作為第一道上的菜，我地未等到第二道菜，10分鐘就KO左😳雲腿桂花海味（$148）有大大隻帶子同埋蝦球，加埋金華火腿絲、炒蛋同埋芽菜，炒個粉絲，十足咸香。🤗西蘭花粉帶子（$188）十分足料厚肉的帶子，有成十隻八隻，再炒個西蘭花，鑊氣十足，西蘭花入味得來翠綠，口感好正。👍🏻

今日小朋友們同朋友仔幾個家庭聚會，去左科學園，之後一起去了附近新開的酒家。餐廳位於科學園海濱附近，環境優美舒爽，特別適合一家大細。我哋點咗好多傳統點心，每款都好唔錯。腸粉有兩款，分別係黑毛豬叉燒滑腸粉同原隻韭黃鮮蝦腸粉。兩款都做得好出色，腸粉皮好幼薄，入邊亦都好足料。小朋友好鍾意食古法拉花手打馬拉糕，質感好鬆軟，而且都唔算好甜。小朋友當然都鍾意食香口嘢啦，所以我哋揀咗琥珀黃金豆腐，外皮脆卜卜，入邊又嫩又滑，大人都鍾意食！另外我哋都叫咗啲飽肚啲嘅主食，例如雞絲粉皮、四川擔擔麵、銀芽肉絲炒麵。粉皮滑捋捋，沾滿花生醬，甜甜地小朋友就啱晒啦，又有雞絲補充蛋白質。四川擔擔麵就留返比大人食，因為都有啲辣。銀芽肉絲炒麵非常脆口，好似食餅乾咁，加埋啲醬汁啱啱好。

食過幾次晚飯，唔多人，環境舒適好想讚吓廚師，佢煮餸真係有心機的唔係一般連鎖酒樓千篇一律的味呢度每個菜式，食材新鮮，煮得好味擺盤用心，配菜精緻每次食新菜式，都是驚喜的好食蒸魚，海鮮，片皮鴨都高水準啲侍應都係好親切，服務好好的真心推介

位於科學園海旁的八方棧,頗受周邊白領及遊客的喜愛。今天我也跟同事來嘗一嘗。首先是風味醬蘿蔔,既脆爽可口,又帶有微辣的醬料，是一道不錯的開胃菜。想不到下午也可以點煲仔飯,直接點了兩款。鳳爪排骨煲仔飯肉質軟嫩,帶有適中的咸香,飯粒粒粒分明,吸收了排骨的油香。而北菰滑雞煲仔飯,雞肉鮮嫩多汁,與香滑的北菰完美融合,米飯柔軟綿密,回味悠長。另一道菜是銀芽肉絲炒麵,麵條香脆又Q彈,與爽脆的銀芽以及鮮嫩多汁的肉絲交織,帶出層次豐富的口感。最重要是不過於油膩。最後點了豆沙窩餅作結，外皮酥脆,內餡濃郁香甜。最最後八方棧更為我們送上招待甜品—冰糖木瓜雪耳糖水!! 清涼滋潤,木瓜鮮甜,雪耳Q嫩爽口,是一道絕佳的解膩甜品。