元気寿司

營業中

休息中

本身好少食連鎖壽司店，但突然約左朋友葵芳食晚餐，但度度都比較多人，排好耐隊，朋友本身又喜歡食壽司，於是就來左元氣壽司店食。原來點壽司已經用手機點，送壽司都係運輸帶送，全自動作真係幾特別。而叫左好多碟壽司魚生，但都忘記影相。價錢對我呢種食得好多野既男性講，唔算便宜，但就比出面任食既，新鮮好多，壽司真係好鮮甜。但壽司飯既硬度唔夠，好多次都一夾就散。另外既小食雞軟雞都太油太咸，都係叫返壽司比較好。整體壽司味道都可接受，但如果要更高質的壽司店，要去返非連鎖店先得啦

逐漸冇晒迴轉壽司啦！全部轉晒高速限定～咁都好嘅冇咁浪費！食幾多廚房先整幾多！而且小朋友見到火車好開心同興奮！哈哈！呢度得IKEA 高腳BB櫈，所以如果坐卡位冇其他BB櫈㗎！牛油帆立貝壽司！好好食每次黎必叫食物！帶子好新鮮，冇腥味！配埋牛油香味好好食！嘩！塊牛肉好長呀～好香牛肉味！入口溶化～賣相精美！腐皮好似隻船咁！蟹柳粟米沙律！味道清新！腐皮香甜好好味！叉燒拉麵，份量比較少，幾啖食晒！略貴！味道可以，麵身爽囗！叉燒肉比較鞋口～

元氣係自己食下午茶既好地方🤩又唔洗排好耐好易有位食個下午茶加埋一都係$60左右見到新出左幾款壽司 試下先估唔到壽喜燒牛做壽司甜甜地咁好味仲有珍寶赤海蝦迷你飯同豊洲直送真鯛同縞鰺

星期六又到了，又要諗食咩好嘢，經過元氣見到有新Menu，一於去試吓！😝見前面都有唔少人，但都只係等左一陣就入到座😛1️⃣辛辣芝味海鮮卷$22 啲魚生多到就嚟跌晒落嚟，佢嘅醬汁真係幾辣 🌶不過食落真係好惹味😍$22有三舊啊，勁抵食！2️⃣珍寶赤海蝦迷你飯$22 帶子同埋三文魚籽夠新鮮，配埋一隻大赤海蝦，加啲豉油同芥末撈落d飯去食，正！😋3️⃣汁燒特大沙甸魚$17 第一次食沙甸魚壽司，真係大大件，個醬汁同埋個沙甸魚壽司好夾😛唔錯4️⃣炙燒龍蝦芝士醬白蝦$17 好正呀！隻蝦開咗邊，上面沾滿左龍蝦芝士醬，食得好滋味😍另外仲點左：5️⃣蔥吞拿魚新香卷$24 好多吞拿魚茸啊😍6️⃣三文魚$14 新鮮！7️⃣炙燒黑椒三文魚$14，我超級推介！.我想講佢啲薑係幾好食嘅，綠茶任飲，坐耐少少都冇人話，元氣真係一個幾好嘅食飯地方😝😝😝

小女子食過唔少餐廳講出黎都無人相信啦但其實從來未食過元氣😹😹😹今日第一次挑戰元氣壽司🍣🍣食飯時間當然周圍都要等位啦元氣呢間已經算等得少等左大約15分鐘就入得去啦👍🏻網上見人放相就見得多啦今次第一次見到㗎鐵路拎壽司過嚟俾我😹funny我同朋友加埋食咗大約二十幾碟壽司每碟壽司嘅飯份量唔多唔會食到好滯上面嗰塊刺身都算足料以呢個價錢來講比到呢個質素都算唔錯最好嘅地方😽就係食咗差唔多兩個鐘👍🏻佢哋都冇吹我拎枱😼😼😼😼😼可以同我個朋友慢慢傾😽平均每人食咗130幾蚊左右飽到好飽好飽👍🏻👍🏻👍🏻

黎過好多次都一樣keep到水準，依家仲有高速線令上菜更快又保持新鮮，呢個真係值得一讚👍因為我覺得迴轉壽司會比較五新鮮，俾人種感覺擺得好耐，唔係太敢食😂每次黎都會食軟殼蟹手卷，燉蛋，蟹膏壽司🍣，呢幾樣真係好推介😆

元氣可以話係我屋企的飯堂，基本上每星期都會食，畢竟住葵芳，可以坐係度舒服的食肆選擇唔多，元氣唯一唔好的地方就係大排長龍。但食物質素係ok既。價錢唔貴，但幾好食！ 最鐘意食燉蛋同埋芝士蛋糕

見個我會員app有百幾分 又係幫襯元氣既時候喇～～～平日晏晝去唔洗等位見到有呢個新野就等我試下先～～～黎到比想像中細碗但都可以因為要留番個胃食壽司個湯偏淡咁就係可以食到尾都唔會覺得膩～唯一有d失望既係塊肉有d硬同乾麵質都控制得唔錯幾彈牙架～見到隔離位食呢個我地又嗌！因為好大份呀好霸氣hehehe啖啖肉好足料唔係食炸粉！最後要分享就係我好好好中意食既三文魚子啦三文魚子軍艦同筋子壽司開心到上左天堂咁呀yeah

作為開心星期五的午餐，筆者決定到「元氣壽司」大吃一番，稿賞自己。打頭炮的是三文魚壽司。三文魚頗新鮮，魚片上的筋位也不算多。唯後面的那件壽司賣相要扣分，因為上面的魚片剌身斷掉了。槍魷魚的質感很滑溜。但是魚身有一點過韌，比較難咬開。這塊油甘魚壽司定價較高，但看到魚生的大小後覺得值回票價了。油甘魚入口後，瞬間散發出魚香鮮味。這是期間限定的食品：採用了來自德島的食材：阿波尾雞。原來這個雞種是德島的地雞，肉質有嚼勁並且肉味香濃。親子軍艦，故名思義就是有阿波尾雞的雞肉和雞蛋。可能是壽司的關係，雞肉是冷的，筆者最初有點驚訝。但入口後雞味頗濃，配合生雞蛋黃，整件壽司十分香口。最後點了一個溫烏冬作結。烏冬口感十分煙韌彈牙，不過份量有點少。美味的壽司餐成功令一星期的辛勞順利消去。

偷得浮生半日閒就同媽子去食下高速列車，慢坐慢hea😇岀黎做野之後寧舍珍惜同家人共聚嘅時光🌟下晝四點唔洗等位直入，原來我真係太耐無呢個時候幫襯元氣，原來宜家已經無曬d lunch/tea set. 全段營業時間都係散叫為主。食元氣🍣，成日覺得order會新鮮過係迴轉帶拎，所以我地都用餐紙order算炸軟殼蟹手卷保持一貫水準，隻蟹嘅份量適中，雖然d飯粒較鬆散，但以呢個價錢有咁嘅質素，合格有餘喇👍🏻反而比較貴價嘅三文魚腩同香蔥吞拿魚都係水準之下，片魚生唔新鮮，唔好話油份，乾身到好似經過暴曬後dry爆咁其他黎講，個炙燒黑椒蠔都有驚喜，調味上拿捏得幾好，唔會太咸，炙燒後依然保留到蠔應有嘅鮮味不過以呢個價錢，食到二人份嘅下午茶，再加上坐得舒服，杯綠茶都幾濃郁芳香，算幾唔錯啦

想食壽司，但又想要唔貴，唔貴得黎又想要多選擇，唔想食黎食去戈幾款，又想坐低舒舒服服食？我會去元氣，一早只需要用佢個APP拎定飛，之後行下商場，差唔多到就去食，坐低又自動點餐，食物選擇極多，又有期間限定嘅特色壽司，又有火炙定卷物定熱食，連甜品都有，重點係食物唔馬虎，我叫左我最愛嘅炙燒三文魚、炙燒蝦壽司、炙燒味道一流，而芝士鰻魚卷仲有鰻魚醬汁跟，如果唔食鰻魚醬可以唔加，軟芝士好好食，雖然層次少左d，但有3件又幾抵，蟹柳壽司超大蟹柳，但唯獨壽司舊飯好容易散，夾戈陣好考筷子功力，最後食完同朋友坐低傾下計，飲下綠茶，埋單唔洗80蚊，個人覺得抵食過外賣平價壽司！

去完日本成日好掛住日本d壽司，就去元氣解下壽司引。而家好多分店都轉左做高速線，用ipad落order。叫左牛油果軟殼蟹卷、小柱軍艦、帆立貝、炙燒辛三文魚腩、甜蝦卷同炙燒左口魚邊。個人覺得帆立貝最好食，有時自己買帆立貝番屋企食都覺得好淡味唔鮮甜，但元氣呢碟肉質好厚好肥美，好鮮甜！牛油果軟殼蟹卷，有牛油果既軟加上軟殼蟹既脆，一次有2種口感。炙燒辛三文魚腩，係三文腩上面有小小好似XO醬既野，不過不失。炙燒左口魚邊，上次想食但食唔到，今次終於食到，甘香可口，好食啊！

朋友話想食日本野又唔食得多，所以就揀左元氣，有得一件一件叫，元氣性價比高所以門口成日堆滿人，今次都唔例外，等左半個鍾左右就有位。今次呢間係高速線，自己用ipad落order，唔洗迴轉轉黎轉去都冇自己想食果d。自己好最鍾意炙燒，所以基本係炙燒我都叫左，包括左口魚裙邊、辛三文魚腩、長吞拿魚柚子。最得我歡心就係左口魚裙邊啦，可惜唔係入口即溶，曾幾何時食過一次入口即溶左口魚裙邊，我一試愛上啊。長吞拿魚柚子口感幾好，不過就唔太鍾意個柚子醬。仲有一碟好想極力推介係帆立貝壽司，肉質肥美鮮甜，正啊！

每次食壽司都會同一大班朋友一齊食，不過今日好唔好彩比朋友放飛機要自已一個食。其實呢間壽司店係香港已經係連鎖店嘅龍頭，而改一改店舖設計後，人氣依然旺盛。至於新高速線設計相信好多人都玩過，由於一個人食，所以好快就有位。三色刺身 - 帶子鮮但不甜 ，其餘不俗。飛魚子壽司 – 飛魚子感覺不太新鮮, 入口時沒有以往的爽口。原燒玉子 – 甜味適中，唯獨米飯有點少。元氣卷 – 三文魚接近常溫，整體還可以接受。蒲燒鰻魚 – 燒汁味道不太特出 只有一滴 食過嘅朋友都知道以前會一包附上，所以感覺有點退步。炸天婦羅蝦 – 元氣炸物一向都唔錯，入口香脆，而天婦羅蝦亦係我首選。其實水準依舊，不過已經冇咩太大驚喜。

I think most of the people like going to Genki Shushi to have Japanese style food, especially the kids. We went to have lunch today but I felt bad as it is not kids friendly restaurant.Today, I ordered a bowl of pork Tsukemen for my baby son. When I got it, I found it may too dry for my baby. Therefore, I requested to have a little bit soup for feeding my baby. At the begining, the waitress refused to provide some soup for us. I explained to her that I need to feed my baby as my son doesn't like