之前餐廳試業個陣盲中中去左食雞湯拉麵 食過翻尋味 今次再黎食就正式開業啦🤩 門面設計好特別罕見 好新舊融合既日本風🇯🇵🤓 店內裝修好得體💯💯💯 我照舊食招牌白雞湯拉麵 食物保持水準👍🏻👍🏻 炸牛蒡同雞肉係我最愛👅 湯底濃而不膩回味無窮😋😋😋 溏心蛋完全唔漏唔會增加腸胃負擔🥰 同行友人叫左白雞湯沾麵 沾麵湯底滋味濃厚 充分能夠將湯掛到麵條👏🏻 配料可以按喜好自由選擇 岩哂唔同口味既食客😲 黑豚叉燒（2塊）/慢煮日本雞胸肉（4塊）/雙拼：黑豚叉燒（1塊）+雞胸肉（2塊） 食到尾聲店員送上熱辣辣既鰹魚湯 比我地溝淡撈混飲用～～ 食完碗沾麵飲用熱辣辣既精華湯底 非常完滿🥳 我地仲追加左芥辣八爪魚 鮮甜爽口 作為前菜/助菜都一流～ 店員亦好貼心 介紹我地下載會員app 可以即時換領汽水/溏心蛋😍😍 好抵呀🤑🤑🤑 另外值得一提既係店內洗手間😳🤭 係日式簡約雲石設計 超級闊落，極度乾淨，非常企理👍👍👍 廁版係自動感應 行埋去自動打開 好high tech!!👀 仲有好貼心咁安排左唔同既amenities比食客使用☺️ 睇得出餐廳真係好用心經營 我會繼續身體力行支持咁有心咁餐廳💪🏻💪🏻

大角咀朋友仔報料 話屋企附近開左我上次食個間千之味（ssp) 咁上次深水埗分店都好ok我當然都好樂意去食下啦😙 原來餐廳真係新到不得之了仲擺滿果籃花牌😛 望入去店舖面積比深水埗細 但都有細枱大枱 一大班人去食都無問題～ 店員一如以往咁有禮同熱心👍🏻 放低餐牌就介紹番d豉油 左邊係昆布豉油 味道較咸 食刺身用 中間係甜豉油 食壽司、壽司飯用 親子花之卷 魚生新鮮 三文魚子仲足料到滿瀉🥰 每次黎都要食😌 鰻魚小卷 性價比高 鰻魚無骨唔洗怕 鰻魚醬lamlam脷😋 芝麻雞翼 望落好似好熱氣但食落一啲熱氣既感覺都無～ 好香口唔油膩同好多肉 正～ 黑松露三文魚帶子炒飯 上次食左蒜香version 今次食黑松露 一上碟見到d黑松露嚇親啊 勁足料😚 撈混之後啖啖都有黑松露分到 d飯照舊粒粒分明 唔會太濃味 無濟漏感唔會嘥quota😙 南瓜天婦羅 可以散叫南瓜天婦羅好開因為我最愛～ 唔會太厚炸粉 亦無話炸到南瓜乾爭爭 恰當好處啊～ 食完仲有甜品送😎 總括而言我覺得住附近都真係可以黎食lunch/dinner 因為選擇多 價錢合理 除左散叫餐廳仲有set叫 都好豐富同種類多 唔會食兩次就厭～👍🏻

係晚市peak hour黎食德美 雖然好旺場 但都係等一陣就入得～ 係合理而且值得既等待😚 場內有壽司吧枱同普通枱 由於枱面積唔太大 枱上擺設都奉行簡約風 非常實用～ menu好有質感啊😍 而且食物種類比我想像中多 除左刺身壽司,仲有天婦羅，串燒，魚生飯，麵類，小食等等～ 壽司方面我地叫左 三文魚子，芥辣八爪魚，帆立貝，三文魚～ 舊舊都大小適中得黎飯同刺身比例都岩岩好😙 作為三文魚子控既我就好欣賞呢度既三文魚子壽司🤩 每一粒三文魚子都精螢通透同脹卜卜好飽滿🥰 同埋塊紫菜就算擺左一陣都唔會淋batbat😘 芥辣八爪魚壽司我都好推介 因為唔會攻鼻攻到傻仔咁 係少數可以優雅地食完既芥辣八爪魚壽司😝 全餐最驚喜既就係 洋風鰻魚班戟😍😍 成舊壽司都係由簡單既材料組成 班戟皮 鰻魚 牛油果 芒果 蟹籽 沙律醬 但食落口有少少驚為天人既感覺真係估佢唔到😳 全部食材除左蟹籽其他都係淋既食物 一入口食落係有軟綿綿既幸福感😚💕 煎鵝肝帶子卷 無得輸既combination‼️ 鵝肝夠油香 帶子夠鮮甜滑溜 見到即刻叫～～～ 鹽燒鯖魚 大大條 表面燒到金黃色💛 抵食之選～ 大蝦天婦羅 有四大隻連埋蝦頭～～ 蝦頭可以啜埋d精華出黎正呀～ 仲送舊青椒添 臨走仲有小甜品送💕 小確幸呢～

上次食過尖沙咀分店覺得唔錯 去到銅鑼灣原來都有分店 咁就去食啦～ 裝修同尖沙咀分店好consistent 都係美美der🤓 同朋友兩個人食early dinner 決定叫一個set dinner再散叫一碟意粉share👅 set dinner menu main我地揀左 燒美國安格斯肉眼扒配黑松露薯蓉🍽 上菜時店員好細心問洗唔洗幫我地加d黑椒～ 牛扒叫左medium rare~ 表面燒成格網狀😙而且夠厚夠juicy好飽肚架～ meatlover必點🥰 佢仲跟左兩個sauce配塊扒 綠色醬有輕輕草青味唔會太over 好解膩 無哂油膩感食多d 都唔怕‼️ 啡色醬就係steak sauce 帶番出肉汁既清甜出黎～ entree我地揀左 三文魚配三文魚籽乳酪汁他他 好清新既菜式🤩 上次都有叫 覺得好食所以encore🥰 菜依舊新鮮 三文魚mix埋個醬好夾好juicy😋 另外散叫左 香炒新鮮蜆仔配墨汁青檸扁意粉🖤 有十隻蜆仔😛無沙唔腥😉 但帶有辣味幾正🔥 但怕辣朋友仔留意番喇～～ 墨汁意粉彈牙可口 而且加左青檸汁感覺就light d 同牛扒可以做番個平衡唔會太heavy😚 想食輕食既朋友都可以叫呢個☺️ 野飲就係Any 2 drinks from the list for $98 menu度揀 朋友叫左 P&O Kick (Mocktail) 見佢好快飲哂應該唔錯喔😙 我就叫左 Apple Smash (Cocktail) 輕輕酒味易入口 幾岩女仔飲既cocktail選擇～ set入面既dessert我揀左 法式椰奶凍配芒果汁😌 好香椰味 同芒果汁既酸酸甜甜幾襯🙂 唔太甜太漏 係一個輕鬆既句號～ 連埋單個本簿仔都好靚☺️

門面同裝修都好有日本風 店舖面積大 座位多 店員有禮貌 係日式禮貌🤓 調味料一應俱全 仲有冰水可以自己斟 岩哂食熱辣辣既拉麵 鹽味蝦濃湯拉麵 有一堆櫻花蝦仔！！ 湯底好濃蝦味唔揸流攤 配鹽味都唔錯 因為帶得出蝦既鮮甜～ 拉麵麵條係較粗個種 彈牙有咬口 叉燒都有溶化係口 有油香滲出 水準唔錯 而味付玉子都正 唔係會食濟食漏個種 我中意😍 三文魚子蟹肉丼 驚喜之作 無諗過拉麵店既丼飯會咁出色🤩 蟹肉鮮甜juicy 三文魚子清甜無腥脹卜卜🥰 下面飯底啖啖有飯素 好有誠意☺️ wasabi都係新鮮山葵個款 更有質感😚 唔係現成wasabi醬的行貨喔 食材同飯素已經好夠味 一滴豉油都無落過～ 滿足～ 一口牛油粟米餅 一客5粒 好夠熱 上面牛油一陣就溶了🤣 入面係由粟米漿加粟米粒粗成 甜甜脆脆的 好吃！😋 就算凍左都唔會感覺油膩👍🏻 臨走前的開心小發現 天花版都係蝦圖案 好有日本一絲不苟既精神😙

都市人冇乜時間煲湯， 好彩而家坊間都有好多湯水專門店， 啱哂又懶又冇時間 又想飲返啖湯潤下既打工仔🤣 哩間大湯家開正係工廈寫字樓林立既觀塘，真係好方便上班一族😄 仲有保溫杯方便外賣！ 我地今日就淨係飲湯， 不過見佢地都好多午市飯餐， 下次可以試試！ 椰子烏雞排骨燉湯 好足料呀仲有隻烏雞腳😍 椰子帶出左清新感覺、 桂圓就令成個湯都十分清甜👍🏻 栗子香菇准山烏雞燉湯 多數有栗子同准山既湯都會變得好杰撻撻， 但哩度就唔會， 都係好清甜～🤗 連啲排骨都好味架！ 聽講係兩個90後夾份開～加油呀！

去奧海城行街見到呢間餐廳 門口有靚女姐姐熱心邀請途人 餐廳裝修又幾靚 同朋友都覺得一試都無妨就入去啦～ 一坐低店員就放低左一兜doritos同沙律醬～ 正啊係我最中意既doritos! 睇menu時見到原來惠顧晚市 每枱每兩人就會附上墨西哥脆片一份（$40) 成餐飯都可以無限refill~ Food menu形狀特別 原來係西斑牙國花石榴花既形狀 幾有心思～ 帕爾瑪火腿配蜜瓜沙律 原條蜜瓜上幾美觀～ 蜜瓜一開六 每舊蜜瓜上都有分配好既ham 望落似麻煩但食落就方便 同埋佢加左醋又別有一番風味～ 是日餐湯 今日係芋頭湯 幾特別啊 有芋頭蓉 淡淡芋頭香 有d中西融合既感覺 西班牙雞肉辣肉腸燴飯 呢個paella粒粒分明 有咬口 雞肉夠淋 無落多餘既調味 食得出雞肉鮮味之餘亦唔會蓋過燴飯既味道 正宗西班牙奄列 呢個tortilla有少少辣 嚴重唔食得辣既朋友要留意番喇☝🏻 佢一開六 每舊都切成bite size 大dd 係 蛋 薯仔 洋蔥 西斑牙辣肉腸 四者既口感大雜合～ 單獨食鹹鹹的 點佢跟埋既酸忌廉醬又可作一個平衡 Blue Diamond 野飲我叫左home favourite上排第一既選擇 佢Vodka做base但唔重酒味 易入口 幾岩女仔飲～ 佢仲有原粒荔枝果肉添啊！ 西班牙吉拿棒 甜品就叫左個churros 有7個圈 上枱時仲好夠熱同脆～ 好香既肉桂味配埋佢非常香濃既朱古力醬簡直係一絕～

見到朋友食雞翼山好似幾過癮🤓 可以單純食雞翼唔洗為左食雞翼而食其他野😗 我今日就決定將d錢同卡路里all in落雞翼！！🥳 同朋友想試好多隻味啊～ 決定叫四款！！每人都係食八隻姐～唔過份啊😌 餐廳都好細心 可以揀叉同手套～ 餐廳專做一樣野真係唔同d🤓 我地十六隻雞翼 每 一 隻 都厚肉多雞皮👍🏻 隻隻都係中間實心脹卜卜🤩 仲隻隻都醃到d肉入哂味👅 唔會淨係皮有味 肉都好有味架😋 文青風玫瑰 (店長推介） 每一隻底同面都沾滿蜜糖 啖啖蜜味😍 有玫瑰乾花係面好elegant🌹 而且每隻都有少量黑椒碎平衡番甜度 唔會死甜😎 我係鹹檸七 平時中意飲鹹檸七既我緊係唔會錯過🤗 估唔到佢真係有粒鹹檸係d雞翼上面😳 （我連粒鹹檸都啜埋好好味🤤） 同玫瑰味一樣 一樣係蜜糖base 有黑椒～ 但唔同既係多左dd鹹味 同甜味唔會搶fo🤝 調味有層次同拿捏得剛剛好👌🏻 檸香山葵蟹籽 有海量既青b醬‼️ 係wasabi味 但唔攻鼻的 而且味道唔辣 係落到喉嚨有dd刺激 唔洗驚食到流哂眼淚～ 加上佢有粒粒蟹籽 食落有食壽司feel🤣 雞翼味道黎講幾創新幾過癮😌 鼠尾草鹹蛋黃哥（濃味之選） 雞翼360度都超級超級多黃金（鹹蛋）‼️ 平時中意食黃金乜乜同鹹蛋薯片既萬勿錯過🤪 食到成個口都係鹹蛋味好滿足 呢個真係要襯熱食呀☺️ 其實本身想試 港呢d友情萬歲檸茶 但係店員話今日無呀 咁我下次再黎試😝 野飲我叫左水蜜桃粒粒甜果茶 清甜解渴仲有粒粒果肉～ 一路飲一路食雞翼都唔會影響品嚐雞翼既味蕾😛 食完就將吸油墊紙同骨掉入垃圾筒 然後兜仔就疊起回收幾方便～ (兜仔寫住佢100%biodegradable架～）

係中銀㩒完錢見到對面餐廳哥仔好熱情邀請途人入內進餐😮 我見都食飯時間又未諗食乜哥仔又真係好真心咁就入去試下啦😚 個名雖然叫茶餐廳但裝修好乾淨新潮😳 出面仲有得睇整雞蛋仔live😲😲 晚餐可以揀中湯/羅宋湯 我同朋友各一🤪 羅宋湯足料有辣味 中湯有d老火feel~~ 眾多選擇之中我同朋友都比石鍋menu吸引左😛 朋友叫左卡邦尼烏冬配日式溫泉蛋😍 一片片刨出黎既芝士下面就係滑捋捋既溫泉蛋🤤 撈埋又香濃又creamy既卡邦尼 掛哂係烏冬上面流哂口水啦！！ 石鍋夠哂保溫 食到尾都唔會因為凍左而變漏😗 卡邦尼迷必選！ 我就叫左紅酒燴牛尾配飯☺️ 一上枱個陣新鮮滾熱辣仲bulub bulub緊🤪 無論係紅酒汁，牛尾，定係紅蘿蔔都遺餘力地咁多😎 牛尾炆得夠時間 夠哂淋唔痴骨😙 舊舊都有滿滿既骨膠原🥰 我地仲叫左個素菜炸物拼盤 南瓜餅兩舊,咖哩角、春卷 各三舊 呢個可以係maincourse配野飲 但亦都可以單點當係小食啊😛 咖哩角同春卷都炸得好脆唔油膩～ 南瓜餅就更為出色🥳 厚身得黎餡料厚炸皮薄脆🤓 仲有見到南瓜肉係入面添啊😳 野飲我地叫左特飲 跟餐係正價減十蚊 都唔錯啦唔洗成日飲傳統跟餐飲品咁悶嘛～ 我叫左白牛 黑牛罕見白牛更罕見！！ 我麻麻地可樂所以好少會叫黑牛 見到白牛就即嗌黎飲😋 朋友叫左黑糖珍珠鮮奶（熱） 都幾大杯下朋友飲極都有 仲比埋隻羹仔不珍珠 正🤗 甜品menu都幾吸引啊又即製雞蛋仔又心太軟！！ 但係食完主菜都已經太飽喇唯有下次再黎試啦～～

諗諗下少食四川野就search間去食下啦😆 場內好熱鬧好旺😲 睇menu都睇左15分鐘 大開眼界😂 有火鍋（普通/雞煲/湯煲）， 網上好hit既水煮魚/水煮牛， 串燒，小菜等等 非常多元化花多眼亂😎 價錢都幾公道 一大班朋友黎就可以滿足哂大家所需🥢🥢🥢 最後因為想飲湯就揀左竹笙豬肚雞煲 因為menu介紹係先飲湯 再火鍋🥳 火鍋醬料加另加$10位 但我地無加 因為個陣時係諗個湯係飲得的應該夠味 而最後亦知我地選擇非常正確😆 湯底的竹笙超爽🤤 雞肉鮮嫩同埋重點：雞皮好吃啊！！！！🤩 個湯名雖然唔同其他兩個選擇（無mentiom胡椒） 但其實佢都係有胡椒底既 大家要留意喇～☝🏻 但佢d胡椒都磨得好幼細 為湯底加上微辣刺激😙 配料我地兩個人叫左 美國肥牛 有厚度唔係薄切ga!!! 肥瘦適中 吸到湯底兩者好夾～ 魔芋條 我一開始睇名以為係芋頭條😂 但原來係蒟蒻 滑捋捋的😛 上網睇原來係健康食品黎 既飽肚又低熱量 可以代替公仔麵/烏冬😛 又長知識了😬😬 順德魚腐 大大舊 好鮮甜 好中意～～ 本地生菜 好大兜啊 新鮮嫩綠 煮完都係翠綠的👍 仲有一提的係火鍋食耐左唔夠水 店員係會幫你加湯（唔係加水） 食極都有味😙 我地仲叫左d串燒 可揀辣度（特辣/大辣/中辣/小辣/走辣） 加麻辣 加蜜糖 小辣真係小辣 唔食辣ge朋友可以一試 食開辣可以中辣起跳 建議加蜜糖 有蜜味好正😋 羊肩肉 有羊味但唔羶 好吃！ 魷魚鬚 我最愛啊 加埋蜜糖lamlam脷😋 茄子 可以一梳梳夾起 調味岩岩好的～ 飲品叫左 番石榴，蘋果石榴 兩杯都幾fresh同解渴 蘋果石榴就好明顯飲得出多左蘋果甜味 大家可以參考下😛