仙跡岩

營業中

休息中

落腳喺仙跡岩，等咗一陣終於要到紅燒牛肉湯米線啦！米線滑溜溜嘅，每條都似舞動嘅長絲，入口即化。牛肉就真係正中紅心🎯，肉質鮮嫩得嚟帶點筋道，香口得滯！佢哋隻蜂蜜綠茶簡直係解渴聖品，甜中帶香，茶香四溢，一啖嘅清新滲入心扉。其實當人流如織嘅時候，餐廳嘅忙碌都有目共睹，但每次都係因為嗰口好滋味，我仍然義無反顧嘅光顧佢哋。食物誘人服務有誠意，呢度已經慢慢變成我嘅味蕾小天堂喇！🍲🍯🌿

去開 hku station 附近, 去幫襯“少年回憶” - 仙跡岩！！舖頭細細, 座位唔多, 客亦唔多ordered 朱軟骨面, 凍抹香珍珠其實少少失望的, 抹香珍珠太甜, 只係飲到甜味, 冇抹香的“香”朱軟骨面普通...好彩真係有軟骨仲有一個問題, 有蚊飛飛吓, 有d影響心情...整體合格.

當我以為仙跡岩已經執曬粒之際，今日去開石塘咀，竟然發現西灣城入面有間仙跡岩！！！所以即刻上去尋找童年回憶！唔係講笑，真係廿年冇飲過仙跡岩嘅嘢，仲記得以前佢係台灣嘢飲喺香港嘅始祖，咁難得返嚟尋找兒時回憶，所以專登叫咗一個經典嘅胚芽奶茶胚芽嘅份量好足，不過奶茶味就好似冇我以前飲咁香濃，唔知係咪因為叫咗凍，嘅加咗冰，所以個奶茶好似好稀咁，佢又唔係完全冇茶味嘅，不過就係好淡好淡囉老實講，就真係唔係特別好飲，不過又唔係難飲，比起味道，更重要嘅係回憶

佢哋可能真係走女性路線?完全唔諗下男人嘅胃口, 自問唔係肥仔, 唔使食好多嘢, 但去親都唔係好夠飽, 請問可否多番少少呢 ? 你靜靜雞加價都好過啲人食唔飽呀， 嫌貴嘅人唔會嚟，但係你唔夠大碟係唔係要啲男人嗌兩碟？ 咁樣又好奇怪喎 ! 我冇照片upload但係你睇 其他用戶upload嘅照片, 你就知道係乜嘢意思啦 !

⭐️Lunch Set $60🔹雞絲滷肉飯其實滷肉味好正 雞絲雖然冇想像中滑 但擼埋滷肉其實就食唔出太大分別 飯上到嚟是暖 但覺得熱返d會好食好多 喜歡熱氣出煙的感覺🔹茉香珍珠奶茶茉香好好聞珍珠彈牙 味道剛好 唔太甜 最愛而個野飲 估唔到茶都可以同珍珠奶茶混合一齊飲 而兩者冇相撞推介指數：⭐️⭐️⭐️環境指數：⭐️⭐️⭐️⭐️服務指數：⭐️⭐️⭐️⭐️⭐️ 姨姨好好人 一入到去想飲杯水 會問我要咩水 個陣天氣比較寒涼 個嘴已經凍到疆 見到我開唔到飲管套 會主動過嚟幫手開

小編好想知道，有幾多人同我一樣超過10年無食過仙跡岩可以留言話我知😆呢一日小編突然心痕痕，想睇下呢間由細見到佢大既餐廳究竟同細個食有無咩分別！不過其實d menu都唔同晒，不過個氣氛依然係度，仲有回憶喺入面🙈【 花枝丸麵線】$36【雞中翼麵線】$36呢兩碗面線其實完全唔係想像中果種又綿又幼既台式麵線，所以開初係有d扣分，不過佢既麵又幾香口，好似童星點心麵😆小編未食過呢種麵，但又覺得都ok👍🏻【 百香果乳酸】跟麵半價$14【 荔枝玉茶】跟麵半價$15野飲就幾唔錯，同出面一般珍珠奶茶好似，好好飲又好好咬口👍🏻👍🏻

平日黃昏時間 5點半 不算多人。叫了一個肉燥撈麵。39元。麵的質地軟硬度剛好，咸味足夠。可以問店員拿水來洗餐具及飲用。廁所在商場內，相當整潔。客人留名字及電話的紙張更可以選擇 WhatsApp 做會員!

今日去西寶城搵朋友，見到有間仙跡岩，已經10幾年冇去諗住返去食，點知⋯一坐低咩都唔講，「飛」咗個餐牌別同張點餐紙過嚟。咁好啦，有張點餐紙，我就問佢攞支筆自己畫啦。佢又話直接同佢落order！之後我睇完張點餐紙，諗住對住落單（已經記得啲位置，諗住直接同佢講要食咩），佢一手攞起左，同我講話呢張唔係我用嘅，叫我自己睇返個餐牌⋯我即刻O咗嘴🙄後尾加單，仲要同我講話冇落到單，冇聽過🙄 反晒白眼其實如果張點餐紙，唔係客人用嘅話，咁點解你又要拎比客人睇呢！？仙跡岩已經越做越細，仲要一啲禮貌都無🤮 真係搵鬼幫襯！

兩隻字形容：垃圾！又要貴，又要整得唔好食，不如索性唔好整！而家新冠肺炎，啲人開始轉左買外賣🥡，張牌寫住話外賣八折，冇講明話套餐冇八折，點知一叫野食先至話冇八折，唯有改做堂食，貴得嚟仲以為好食，點知真係好難食！我以後一定唔會再去食！係永遠！我記得之前可以Cheap到有撈麵賣，連嘢飲仲要收有39蚊咼，不如索性自己整！仲話台灣菜咼！自己整都唔洗39蚊啦！垃圾到一個極點！唔知其他分店點，我唔知，淨係知道呢間分店啲嘢食好難食！

星期日晏晝，我同屋企人叫左牛𦟌新竹湯米粉、凍芋香珍珠奶茶﹑花枝丸台灣麵線﹑凍水蜜果乳醱。所有食物嘅溫度剛剛好。湯味濃郁。不過，如果可以分開湯同麵各一個盒，會更加好。另外，呢間店容許客人自己帶盒﹑水壺，同埋可以走餐具﹑走飲管，支持環保。店員有禮﹑親切，值得一讚。

Before boba became trendy on social media, there was Saint's Alp Teahouse.  The first to bring boba tea to Hong Kong, they had shops on almost every corner. And then? They all closed. Or so we thought until we came across one here! Apparently, they didn't all disappear!Now they not only offer drinks but food. So, we rested our feet for a snack and a drink as they offered an afternoon tea menu that included any choice of drink.If memory served me correctly, I loved their boba milk tea. This was w

我和朋友想找一間能聊聊的，便去了仙足岩。其實好久沒吃，好味。點了招牌牛肉麵，湯的味道好重好濃，只是覺得紅肉可以更多。我們坐了約兩小時，下次如果要和朋友聊天可以再來。

今日要去開西環，就過O左O黎西寶城食LUNCH...發現呢度有中學時期成日食O既"仙跡岩"，以前好多地方都有得食，但真係好難得見到有得食!!! 咁我當然二話不說就入O左去食啦!!! SET LUNCH亦唔貴，大概$50-60都有一個SET 包一杯飲品，如果想要珍珠奶茶等等台灣飲品，只需補回差價就得...咁我同朋友一人點O左一個LUNCH SET...我要豬軟骨撈米線配胚芽珍珠，朋友就叫O左牛𦟌撈米線配茉香珍珠， 豬軟骨同牛𦟌都炆得好軟身，肉質都好嫰滑，唔會鞋口....至於個撈米線係肉燥拌米線，米線本身冇乜味中和番肉燥O既鹹味，唔錯!! 由於我同朋友初時怕唔夠食，所以再點O左3款小食....少不了O既就梗係台灣腸，鹽酥炸雞同吐司!!! 鹽酥炸雞真係好香口，而且佢地落唔少鹽酥粉，所以每件炸雞都沾到...令到食到我唔停口....

吃的不是味道，吃的只是回憶。吃時心想，為何年少時的我們會日日吃？回憶總是美好的，現實總是殘酷的，是時候把這些回憶放下。大家不妨去把最後的回憶吃掉，再就一聲。再見👋🏾

人生中第一杯珍珠奶茶就係喺仙跡岩飲，但係近呢幾年仙跡岩分店越來越少，全香港得返四間分店，今日決定同朋友去西環仙跡岩尋找兒時的味道。晏晝一點半去到唔算太多人，等左一陣就可以入去坐。我叫咗一個台式豬頸肉滷蛋飯同珍珠奶茶，朋友就叫咗台式雞翼滷肉飯同水蜜桃高纖果紅茶。朋友話台式雞翼滷肉飯幾好食，滷肉汁仲係回憶嗰種味道，但係比想像中細碗。二杯水蜜桃紅茶都仲係咁好飲，只不過係可能人大左飲少咗甜野，覺得水蜜桃紅茶有少許偏甜。而我個台式豬頸肉滷蛋飯有啲失望，一開始以為有埋滷肉汁喺上面，點知得幾片豬頸肉同半隻滷水蛋喺飯上面。豬頸肉有少少乾，易啲汁淋咗係飯嘅最底部，如果啲汁淋喺豬頸肉同飯面會比較好。珍珠奶茶完全重拾第一杯嘅回憶，有茶味，但都係偏甜。