更多
2017-05-26
615 瀏覽
週四早上公司網絡突然斷線,電訊公司下午茶時間終於回覆話最快要週五先派到師傅上黎維修,仲要唔知朝早定下午。。。眼見與外間失去聯絡,老闆就俾小職員提早收工,XO仔結果沿著電車軌道由灣仔行到去西環,行到肚餓就入咗去西寶城間「仙跡岩」度食咗個下午茶。餐店面積唔算好大,不過散座大多為卡位,都幾好坐。擺放於桌上o既彩圖餐牌造到成本雜誌咁,唔打得都絕對睇得。因記得醫生講過糖尿邊緣要盡量避開進食飯麵,小肥就單點咗幾款香口小食,再加多杯凍飲。泡沫紅茶($20/杯裝;$25/重量級):行咗個幾鐘頭後大喝一杯冰涼o既泡沫紅茶當真分外清爽舒暢。可能見細佬滿頭大汗,妹妹仔仲加送咗杯清水添,夠哂細心。香脆蝦丸($27):蝦丸熱辣爽脆,淨食已夠可口。台風大塊雞($29):薄薄o既炸雞偏咗少少腍,不過其椒鹽味都尚算討好。脆豆腐($17):脆豆腐除咗層炸皮黏咗啲啲之外,中間o既豆腐真係好幼嫩滑溜。
$20
37 瀏覽
1 讚好
0 留言
$27
27 瀏覽
1 讚好
0 留言
$29
39 瀏覽
1 讚好
0 留言
$17
41 瀏覽
1 讚好
0 留言
張貼