影片
港鐵黃埔站 B 出口, 步行約5分鐘
繼續閱讀
其他資料
Wi-Fi
酒精飲品
加一服務費
以上資料只供參考, 請與餐廳確認詳情
裝修後首次光顧，雖然店內環境無太大改變，但午市已經無咗$42嘅套餐 (4選1餸菜跟菜飯或白飯一碗，再配冷/ 熱豆漿一杯。) 。新套餐價錢略為提高，$45-$50嘅套餐跟白飯一碗，豆漿一杯及餐湯一碗，若跟菜飯需另加$5。豆漿嘅豆味無以前咁香濃，失色咗，有啲失望。酸辣湯就一般。3個人點咗3個套餐 (上至下: 糖醋魚塊、魚香雞柳、回窩肉)，每款餸都比以前大碟。糖醋魚塊不過不失，魚塊肉質尚算嫩滑。魚香雞柳就完全食唔到魚香嘅味道，只係普通嘅西芹炒雞柳。而回窩肉就稍為多油。
繼續閱讀
今天中午行過紅磡，買完涼鞋後就周圍到附近找地方食lunch，行過一間叫「五芳齋」的餐廳，門外玻璃窗都有貼上不是供應齋的，看來都真是好有趣，於是在門外看了一陣餐牌，午餐都是一些家常中式菜式，都吸引了我入去食個飯。環境都好簡約整齊，夠光猛又寧靜，感覺都好舒適。 是日是星期三，午餐($42 net )可以選擇有南乳肉、魚香肉絲或香辣牛腩，我最後選擇了南乳肉，等了一陣，店員已經好快把食物送到客人枱上，南乳肉是用上五花肉煮成，五花肉色澤鮮艷，味道濃淡得宜，口感嚼勁鬆軟，非常入味有陣陣的南乳香，配上油潤光澤的菜飯伴食都真是不錯，天氣熱再加杯冰凍豆漿就是最佳配搭，凍豆漿味道好香甜，豆味都算是濃郁，不過就嫌份量未夠滿足。
繼續閱讀
屢屢於蕪湖街逸·酒店對面巴車站下車，看見「五芳齋」，還以為是吃齋菜的地方。畢竟，附近有一間觀音廟。今日，走到門前，見門口貼有「本店提供食品非素食」，始知真相。上網搜尋，「五芳齋」是源於浙江嘉興的百年老店，寓意「五穀芳馨」，以售賣當地特產 - 鮮肉糭和八寶粥聞名，最近進駐紅磡逸．酒店。餐廳裝潢平實簡約，最吸引之處還是牆上的圖畫，呈現出嘉興昔日魚米之鄉的盛況。甫坐下，店員送上一壼檸水。酥炸雞排麵$55，炸雞與湯麵分開上枱奉客。上海麵浸在乳白色高湯中，配以兩條嫩菜。麵條浸在湯中，還擔心會易糊易爛，入口發覺麵條竟不糊不爛，囗感柔軟滑順。雞排炸粉極薄，外層炸得酥香皮脆，內裏肉質則嫩滑有肉汁，味道不錯，只略嫌炸得有點兒油膩。
繼續閱讀
紅磡真係一個覓食既好地方，雖然一個禮拜因為返學既關係要出黎4日，但係永遠都可以有新野試我本身係一個好長情既人，食開邊間就會一直好想繼續去，仲要比人話我係咪當左個間野係canteen個種今日收工係對面海搭巴士未夠6點就到左紅磡，唔知點解想食得清淡D同一條街既上海麵又未開，於是就決定試下五芳齋，因為可以坐得舒服D由於唔係食飯時間既關係，都係得幾檯人，所以唔使等位講返正題，下午茶主要有3個價位，最貴既刨冰系列我諗到天氣熱D既時候再食啦最平個個就係$35包凍/熱豆漿，轉野飲另計，下午茶時段免加一今次就叫左津白肉絲炒年糕配熱豆漿豆漿應該係最基本既野，但唔知點解唔係間間飲落都正常，太甜、冇味、太稀甚至有燶味既都有，而個D鋪頭仲分分鐘係野食整得唔錯既餐廳而五芳齋既熱豆漿無論甜度定濃稠既程度都恰到好處，值得一讚至於主菜方面，雖然我本身對下午茶既份量都唔會有太大期待，但上碟第一眼見到個時我都有少少嚇親，個一刻我係度諗返屋企使唔使再搵D野食下......但後來食食下又OK喎，可能我早食同埋D年糕都飽肚啦不過最令我驚喜既唔係津白、唔係肉絲亦唔係年糕，反而係冬菇蠔油同冬菇不嬲都係絕配，而全碟最入味既竟然就係D冬菇，就咁食落應該唔似係鮮菇，唔錯津白同肉絲都不過不失，我個人偏好腍少少既津白，而呢碟入面既就介乎爽口同腍之間，豐富成碟炒年糕既口感至於年糕我就反而有少少失望，大家都知上海年糕本身都係由一條切成一片片，可能係因為炒個時冇兜得好勻，所以有幾片都仲係痴埋一齊，導致有其中一面都係白色冇沾到D汁 當然35蚊既下午茶我唔會有咁高要求，但如果用正價黎食既話就未必過到我個關整體黎講都炒得幾香幾入味，我一邊夾黎食一邊玩手機都好快食哂總括黎講，以$35食到酒店餐廳既上海菜絕對係超值，而且環境又乾淨坐得又舒服，睇黎都可以考慮將五芳齋加入我既canteen list再試哂其他野...哈哈
繼續閱讀
紅磡最近開了好多食堂，好壞都有，真係要睇你好唔好彩。事關個個都話自己有幾好味又幾出名。雖然個個口味唔同，但好鐘意杜如風金句，我好似領左你嘢。四小拼的四喜烤夫賣相普通、入口比較腍口、質感都還可以、但味道就咸到入唔到爆！花雕醉雞、完全沒有花雕酒味只得咸味！糖醋小排骨、切得大細粒、入口乾身、入口只有酸味。涼拌木耳汁芡比較稠，欠缺了木耳清爽的口感。 餐廳定價貼近尖沙咀同類型餐廳、但味道就不能相比。
繼續閱讀