上海姥姥

營業中

休息中

多得 #同事 嘅探路，#小秘書 再唔使屈喺 #公司 附近食飯😏 呢日見時間有啲鬆動，就跟埋同事一齊去1德福廣場 搵食🥢 左穿右插一段陌生嘅道路，終於去到✌🏻 同事話既然幫襯 #茶記 都要六七十蚊，不如搵間餐廳坐得舒服啲。最後我哋去咗「上海姥姥」。#上海姥姥 嘅 #LunchSet 分咗 #飯餐 / #麵餐，除咗 #主食、仲有 #小點 同 #飲品。呢日我揀咗 #排骨拉麵 配 #烤麩，加 #豆漿，不過份量都唔少，我最後索性拎埋出嚟同 #同事 分享。#小秘書 當然唔執輸，夾咗 #同事 啲 #蔥油雞 嚟試試，雞肉嫩滑，#師傅 放咗啲 #蔥油 喺 雞嘅上面，零舍香口😋 至於我自己點嘅 #排骨拉麵，我覺得啲 #排骨 炸得有啲乾，不過啲 #烤麩 就好入味😋 整體環境、服務、食物都唔錯吖👌🏻

除左 擔擔麵算正常所有野都又貴又難食。除左呢兩張相我仲叫左時令菜 蟹粉雲吞麵真心食唔到有蟹粉味雲吞皮幾好味🤣。仲叫咗蒸銀絲卷一個字 救命我從無食過咁唔鬆軟嘅銀絲卷。集團來講真係差😅仲要價錢唔係平過人。我越來越唔明究竟香港人嘅口味點解可以 咁隨便 咁無要求。點解咁嘅味道都可以做到連鎖式餐廳 收咁嘅價錢點解仲可以不斷開新鋪真心好難食，I'm sorry。#好殘忍#我指要我俾錢食#食到diu出聲#有嗰句講嗰句

閒日五點半 想食個簡單晚餐 呢個時間冇下午茶,冇套餐所以就係餐牌單獨咁叫嘢食叫咗一碗菜肉雲吞麵同埋 小籠包 😍😍因為已經有茶，又可以飲少少雲吞麵嘅湯所以冇再額外嗌嘢飲費事飲唔曬,飽得滯,就浪費了拉麵份量唔算好多,適中啦都唔錯,幾彈牙同埋佢已經幫你切開咗一半,唔會太長,方便食用雲吞x4 普通,中規中矩至於小籠包,抵讚既係佢嘅皮唔會穿窿👍🏻👍🏻咁就可以飲曬佢裏面嘅湯啦一個字 : 😋😋正配埋黑醋 微微酸 好味呀 仲食唔到肥肉😁

中午向德福飲完茶，行一陣就順便向附近食埋飯先返屋企， 第一次試上海姥姥， 價錢經濟實惠。 先嚟一杯熱豆漿😋，食上海菜點少得小籠包，鍋貼和醉雞，一定是必點的，還有點了輕食小吃手拍青瓜和皮蛋， 本身想食炸饅頭，但到最後都係試下香蔥芝麻餅。😁熱豆漿～豆味濃厚。小籠包～ 小籠包入面有濃郁的湯，入口配埋餡肉，非常好吃。鍋貼～ 鍋貼煎得剛剛好， 外皮脆脆的， 一啖咬落去肉汁爆曬出嚟。醉雞～ 醉雞肉質嫩滑， 花雕味好重。手拍青瓜～ 香噴噴的蒜香味配上青瓜， 清新帶點惹味。皮蛋～ 皮蛋不太靚，面層佈滿辣椒， 感覺偏油。香蔥芝麻餅～ 炸得金黃的外層， 入口不油膩，裏面軟淋淋的，推介！上海菜都幾啱我口味， 今次仲俾我發現到上海姥姥的下午茶都很抵吃， 下次一定要嚟試下。

因為朋友有啲唔舒服，所以就諗住食少少清啲既食物就決定左食九龍灣嘅上海佬佬。個賽螃蟹中間嘅蛋黃嚟個時已經穿左，壞咗個外型。味道ok，無咩特別。個上海粗炒唔係好咸，不過我同兩個朋友食個時好似有啲燶燶地既味，我地估應該係啲菜炒燶左，所以搞到成碟都有燶味。雞絲粉皮我地叫左大份。份量都ok，味道幾好

星期五晚上九龍灣德福特別多人，幸好上海姥姥不算等太耐坐近收銀及廚房位置，廚房煮食的位置不時飄出食材的味道，環境及空氣有點侷促上海小籠包：光臨上海餐廳是必點的這個小籠包的皮都算薄，小心容易穿，令精華漏出餡料的肉質比較淰及易散開伴海蜇，味道比較淡，沒什麼特別上海炒年糕，年糕煙韌，醬汁不算太鹹，只是顏色比較重夏日限定，面底不算太硬不算太軟，剛剛好適中可以乾拌或加湯湯底含有麻醬及花生醬紅豆窩餅，即叫即整，表面脆卜卜

你無聽錯，29蚊可以食到上海姥姥下午茶，選擇好多有，牛肉麵，雲吞，抄手.再加15可以配豆漿同一款配菜.當日點左雲吞，皮滑肉味濃，搭埋豆瓣醬簡直絕配.6只份量一d都唔少.

這間店假日下午茶時段很旺，稍等位。單點加$15有手拍青瓜/四喜烤麩/雞絲粉皮/小籠包+飲品(豆漿或酸梅湯)單點加$18有五香煄魚/醉雞/口水雞+飲品(豆漿或酸梅湯)粗炒的冬菇片、肉絲不多，不過不失；淨菜肉雲吞皮薄饀足，但份量較少；揚州炒飯料多，有很多蝦，很滋味。總括很抵食，水準亦不錯。

上海姥姥位於德福廣場二期五樓 ，由九龍灣地鐵站經商場行到餐廳 ， 大約5分鍾時間，如在繁忙時間 ，取籌後，經常要等。 今晚叫咗五香牛肉拉麵， 奶油津白， 香煎素鵝， 蒸素菜包。五香牛肉拉麵，麵質彈牙，美味! 牛肉入味， 大片，美味! 素菜包，內餡滿是菜的，口感更豐富、香氣濃郁，好吃！香煎素鵝, 好多客人也愛吃的,一小件一小件， 精緻 ，腐皮金黃皮脆，有厚度的餡菇饀， 賣相好， 蘸點醋食， 更有風味。奶油津白，好喜歡食香濃的牛奶味道， ，灑上了碎的金華火腿在菜上

曾經在上海生活過一個月，上海菜可以算是繼廣東菜後我最喜愛的中國菜式。吃過正宗的上海菜，評價時我絕不手軟喔/1️⃣Xiao Lung Bao #招牌小籠包🥟吃上海菜當然要點小籠包！皮薄餡靚，湯汁飽滿一口咬下去湯汁真的會噴出來💦要挑剔的話，湯汁可以再鮮味一些💰HK$402️⃣Noodles in Soup with Beef Shank #五香牛肉拉麵🍜這碗是清湯的拉麵，所以鹹度要把握好，牛展本身很入味！但味精稍微重了些，吃完要喝好多水💰HK$593️⃣Noodles in Hot and Sour Soup with Pork#酸辣湯拉麵🍜賣相不錯，很害怕那種黑忟忟杰達達的湯，但有點太酸了，辣度不足💰HK$584️⃣Chinese Cabbage with Ham and Cream Sauce #腿蓉奶油津白🥬奶油的鹹度剛剛好，為這道菜加分不少，連我平時不太喜歡吃菜都不停吃，不過腿蓉也太少了吧💰HK$705️⃣Sautéed Sliced Fish with Fermented Rice #糟溜魚片🐟這道菜有點小失望，酸酸的味道而完全品不出紹興酒的香氣，魚肉也不是很新鮮的感覺💰HK$84

自己一個人揾食食乜都無乜所謂啦(當然唔好難食)見到門口有個$29蚊下午茶好似幾抵甘就去試下見到加15蚊就有雞絲粉皮加甜豆漿就加黎試下又可以試多樣野又平估唔到又幾好粉皮唔厚醬汁香濃雞絲都有鮮味估佢唔到我為呢個擔擔麵而黎當然要試真下嗯，呢個比我想像中既辣唔同一搬都係甜甜少辣甘唔係話呢個好辣但係有少少嗆喉既我近期成日食辣所以覺得幾好而且料又多都幾多葱粒同肉粒份量唔多但已經十分滿意加埋杯甜豆漿同加一$60埋單好抵又好食

果日本來想去 megabox 太興食下午茶，但去到睇咗餐牌好似無咩吸引，於是行完 aeon 就搭 shuttle 去德福。去到德福大約六點鬆d，係二期逐層走上去睇下有咩食店，最後揀咗上海姥姥。由於時間尚早，我地2條不用坐吧枱位。打開餐牌，感覺選擇較上海婆婆少。由於5係肚餓，所以我地只叫咗3樣野。1. 魚柳雪菜面：湯底夠味，面質ok，可惜魚柳係炸過，5係醋溜果隻，所以肉質較為“實“咗d2. 紅油抄手：紅油幾嗆喉，雲吞size 都ok，一碟6隻，愛辣既人應該 like3. 豆沙鍋餅：一碟8小嚿，頭尾4小嚿很少餡。煎炸尚算鬆化員工服務幾好，效率都幾快埋單大約一百七十幾

唔係第一次食上海姥姥，不過見好耐冇食，而且轉左餐牌，就再試下。呢間餐廳唔大，所以座位都比較逼，今次俾人安排左係吧台，其實大住個肚要坐上張高椅都有D麻煩，雖然個人唔介意，最多慢慢黎，但帶位女侍應望住我個肚，都唔問我一句要唔要再等下一張枱，我覺得佢D服務態度係差，反而餐廳入面佢D同事見佢安排吧台俾我，即刻好緊張過黎幫我，感覺先好d。個人建議真係唔好坐吧台，吧台望住佢地一邊包小籠包同拉長d拉麵一邊不停講野，但完全唔帶口罩(做樣都冇)，d豆漿同酸梅湯就咁入擺，衛生真係一般，望住其實都有d影響食慾。我叫左$78 姥姥手製排骨拉麵+雞絲粉皮(輕盈)+豆漿，老公叫左糖醋魚塊+白飯+宋嫂魚羮+雪碧。宋嫂魚羮真係好好食，又多料，又大碗，味道係屬於清清地。雞絲粉皮就一般野，不過不失。個手製排骨幾大塊，我覺得油左少少，老公就覺得肉質肥肥地幾好食，我比較欣賞個拉麵，食落都幾彈牙，份量唔算多。糖醋魚塊，我食左好多，酸甜好開胃，又唔會太多粉。

多人等位, 但流轉快, 3個人星期六晚等了15分鐘就有枱(要過一半人數到咗才可入座). 在這裡吃過幾次, 以前是幾好吃的, 但最近在這裡用餐卻發現水準下跌了。有d食物保持美味, 有d卻需要改善。小籠包仍然好味, 排骨拉麵不錯, 今次肉排還俾以前鬆軟, 鍋貼味道依舊好味但卻煎得太燶, 松子魚中規中矩(略嫌太酸了一點), 獅子頭好乾好硬好咸, 3個人連一舊獅子頭都食唔晒, 剩下一半, 這個以後應該唔會再叫。結果5樣嘢, $4xx埋單, 價錢算合理。

今日去九龍灣交通部交文件，到食晏時間，就要搵地方食晏啦，入到德福商場見到電梯裏的廣告牌，五樓是最多嘢食的樓層，就揀咗喺5樓，然後見到有間上海姥姥門口有午餐嘅餐牌，有菜飯餐和麵餐選擇，我揀咗排骨菜飯，包括酸辣湯和一杯豆漿，同行朋友就揀咗排骨麵，包碎蒜蓉拍青瓜和熱豆漿。另外也可以再加十元，有兩個小籠包。餐點來的時候，真是大驚喜，排骨一大碟，共有兩大塊豬扒，上面仲有葱花，豬排是炸得香脆入味，配上香葱碎來吃，食落香口，真是為排骨提味好吃。哈哈！開心大發現，找到一間稱心值得再去的地方吃東西。