大坑係繁華鬧市裡面的綠洲，靜得黎又有一份高雅. 喜歡來尼區覓食. 尼間餐廳已經係第二次來，乳豬出色. 幾岩傾計同響用美食. 自己制麵包，外皮鬆脆，裡面口感似蛋糕. 配牛油或者醋都好正. 意境咁好，好適合飲返杯. Mango Pomela 沙綠 值得一讚，芒果味好突出，配柚子，簡直係perfect match驚艷，佩服廚師對味道的把握. 加埋脆片cheese. 值得推薦. Sauteed tiger prawns. 好有意大利風味，番茄仔焗過，有焦香再加肉腸，鹹味辣味香味互相輝映. 好惹味. 主角乳豬 點可以唔點，皮好脆，肉夠滑夠厚 香港搵唔到第二間咁出色的西班牙乳豬. 最後大蝦意粉， 完美一餐. 路過銅鑼灣真係要一試.

疫情稍微緩和.決定約好友去尖沙嘴食返餐好嘅。 原來除左商場餐廳，金巴利道都收埋好多靚女餐廳. Lab eat成日見日都見到距既推介，今次決定試試. 雖然街邊舖，但都做到高級西餐Feel裝修，頭頂仲有盞大水晶燈. 吧台D整到好似舞台仔，吸引眼球. 坐低就有Welcome Drink 類似mojito，清爽. 跟住點左兩杯Cocktail ，加埋煙霧效果，呃Like一流. 幾特別.處有小心思. 頭盤係金箔海膽拖羅. 用埋金箔真係經貴，海膽偏鹹鮮，蛋黃味突出. 拖羅肥美，三文魚子帶鹹味，好夾. 餐包都係驚喜點，脆到似薯片. 青口 濃濃酒香，肉質嫩滑，完全無渣，有淡淡蛋黃味. 松露海膽意粉 松露汁同海膽perfect match. 意粉有咬口. 主菜 魚柳+魚子醬. 擺盤精緻. 魚子醬簡超級鹹鮮，魚柳連魚鱗炸香，幾創新. 甜品 甜度適中，最鍾意係個盤栽，居然用芝麻碎做泥土. 道道菜都好精美，生日慶祝一定好難忘.

戲曲中心睇完大戲，當然要試埋尼度D美食. 一出門就係尼間中餐廳. 餐廳裝修充滿戲劇風格，同成棟戲曲中心匹配. 翡翠綠餐廳更添一份優雅，疫情期間亦好貼心. 餐具已經提前消毒. 蜜糖叉燒 好意外，居然咁好食. 一上菜，已經聞到真煙燻加蜜糖味. 肉質睇上去瘦，但居然做到入口即融. 肥肉與瘦肉平衡出色. 絕對頂級，食出食材係非常高級貨. 海鮮羹 鮮蝦蛋白食係一種優雅 胡椒花椒蝦. 好驚艷，首先蝦肉非常彈牙. 胡椒花椒爆過之後，味道入曬落蝦肉，非常惹味， 一D都唔辣，非常精彩一道送. 主食係炒粉絲. 絲絲分明，鍋氣十足 甜品咖啡糕 完美的一餐.

朋友介紹，原來觀塘除了街市有大排檔，原來工廈入面都有，而且價錢仲好實惠添. 開頭都以為工廈會逼，點知舒服過出面大排檔，位置夠闊落. 柚蜜蘇打 非常清爽，甜甜酸酸，開胃，ready to eat. 話梅骨 想來尼間野食飯都係因為距. 果然無失望，話梅味好突出，而且用酥脆的排骨好夾. 醬汁雖然痛生炒骨小小似，但又好唔同，清新D，無咁甜.好惹味. 好特別，怪唔得得叫招牌菜. 韭菜豬紅 豬紅夠滑，無腥味，湯水夠惹味. 而且份量好足. 鹵水鵝肉 話明打冷，點少得滷水. 鵝肉焖都軟身入味，又夠肥. 層皮簡直係精華. 乾扁四季豆 落左好多味菜肉碎左做料頭，所以好惹味，又唔會太鹹. 四季豆出色，外脆內嫩，juicy. 食埋甜品綠豆糕，perfect 四人份量 380， 去邊度搵，好味又抵食

難得今日早收工，約做朋友去灣仔，行過Pizza Express見到距有新口味套餐. 主打西西里口味. 義式風味，當然想試下. 灣仔尼間裝修主打雨林雀仔，幾特別. 西西里口味其實就係主打番茄橄欖口味. 好經典的義大利口味，選擇幾多，有pizza 意粉，連酒都有，選擇齊全. 頭盤嗌左meat ball配薄餅 番茄醬濃部分，加左橄欖，酸酸甜甜，中間有辣味，口味好有層次. 香草沙甸魚 絕對係食過的，最好味的沙甸. 沙甸魚用焗爐烤過，好有油香. 面頭層麵包糠好脆，口味鹹酸，夾薄餅一流. 點少得Pizza 今次西西里口味，有肉醬菠菜水牛cheese. 重橄欖油味，餅身夠薄夠脆而且口感煙韌， 推薦. 沙甸魚意粉. 配料好豐富有沙甸魚橄欖葡萄乾，香草醬， 好味好有層次，鹹酸甜相互碰撞，食得出廚師設計心思. 疫情期間出唔到香港，來尼度感受下義國風味都幾好.

今日收工夜左，唔想煮飯. 觀塘附近覓食. 凍凍地想飲啖肉骨茶. 所以來試下亞叻沙. 其實都路過幾次，今次認真試下. 環境都整潔，疫情下張張台都做好曬間隔. 睇menu樣樣野都覺得吸引. 掙扎下，點左招牌海南雞，大滲，招牌叻沙， 再來杯芒果沙冰. 大滲，熱辣辣上台. 藥材味無咁突出， 反而多左肉既甜味，膠質好濃，湯水起膠掛嘴. 好有特色. 肉都好豐富，肥豬肉滑，豬肚夠軟身，排骨唔老身. 精華都係啖湯，來到一定要試. 招牌海鮮叻沙 賣相好吸引. 啖湯好正，濃郁海鮮味好足，層次好豐富. 海鮮味同椰奶味配搭得好好， 麵身軟硬適中，配料魚腐 鮮蝦都係靚貨色. 真心有誠意. 都係要講多次，啖湯好濃郁. 招牌去骨海南雞. 果然對得住招牌個名. 雞好滑身，雞皮好薄，我唔係幾好雞皮都食得落， 皮下面有啫喱狀雞膏，香港做到咁既效果的餐廳唔多. 最抵死係連雞易尖條骨都去埋. 真係好有誠意. 芒果冰沙. 芒果味濃，仲加埋檸檬香茅落去，好清新.

燒物，大家通常會想起日式.但今次尼間太子燒烤屋，非常港式. 敏感時刻，餐廳都做足消毒功夫，有消毒液，員工都有戴口罩. 點菜紙有d似早茶點心紙， 估唔到既係， 有辣酒煮花螺，意粉尼d大路野點， 真係唔驚食唔飽. 上菜都算快，即order即燒， 因為個燒烤爐夠大，所以一次過可以上好多菜. 牛柳 雖然唔係和牛，但都好多肉汁. 燒豆腐 幾鍾意，外層燒汁脆口，內裡滑. 燒四季豆 明顯食得出，有孜然粉味. 所以好惹味. 蒜蓉包 有驚喜，成個蒜頭擺左向盤邊，當牛油查包. 好濃蒜味. 第二 round一陣就到. 羊架. 厚肉，無騷味. 香口. 翠肉瓜. 一定要點，事關真係好出色，面頭層調味粉好惹味，瓜身唔乾，多汁. 煙肉卷都唔錯 火候岩岩好，蘆筍中和了油膩. 海蝦都正 新鮮，肉質緊致. 最後唔夠飽，點買卡邦尼意粉， 估唔到燒烤屋都有. 比較地帶的燒烤屋，偏港式，岩曬一大幫朋友聚聚. 又食得開心.

都知道東涌無咩好食，估唔到放題都咁垃圾. 揀左最平果個餐，d牛老到好似紙皮，幾秒都係老，早d出聲啦，咁難食又唔建議揀和牛upgrade，但真係食過 牛陣牛氣牛刷鍋，都未試過如此提驗，平餐都唔係難食到咁，最後配菜區，乜都無，來來去去都係幾條菜. 最後揀曬食豬，豬還出色過牛. 太垃圾，唔會有二次，亦無期待你d和牛有幾出色，第二碟又咪係老牛，下次都係咪以身試伏，得雪糕係可以，用movenpick. 其他真的不值得一提.

好耐之前試過距尖沙嘴分店下，出品唔錯. 扒同薯蓉都好難忘. 今次同朋友去完海洋公園玩，岩岩好黎尼邊食飯. 舖面大過尖沙嘴，扒房feel裝修， 格調得黎有小小清新感. 美國肉眼係每次的必食. 梗係要點. medium rare 師傅把握得準. 扒厚juicy 肉嫩. 出色. 旁邊薯蓉好濃cream味，仲有黑松露既清新味. 薯條新鮮炸好，外脆內嫩. 面頭有黑松露增加香味. 送酒一流. 蘆筍仔好清爽，伴火腿溫泉蛋食法都幾特別. 最後蜆仔意粉，海鮮味好濃， 意粉有咬口.

好耐無去過灣仔食飯. 記得半年前食過尼間嘢. 都唔錯. 真係有小小掛住距d crepe. 今晚收工約左朋友撐檯腳. 灣仔d橫街餐廳比較安靜. 食飯傾計唔錯. 裝修Fine dinning feel. 但價錢親民. 坐低唔使講 帶子蘑菇蕎麥可麗餅 西冷 baby 青口. Crepe層皮脆脆地， 但裡面軟綿綿. 夠薄. 口感好好. 上面既蘑菇炒帶子， 蘑菇味好重，好好味. 我覺得真係可以自己食一份crepe. 介紹埋飲品. 尼度既smoothie真係唔可以唔試. 身心覺得出色過外面d飲品店. Coconut Mango Smoothie. 椰子味超級清香， 真係形容唔到咁好味. 奶味好濃. 滿到瀉，足料. 大家真係要點. 牛扒要左三成熟，岩岩好. 肉味濃，個汁出色. 黑椒味濃. 薯條連皮即炸，新鮮. 好味到停唔到口. baby 青口都係 signature. 顏色鮮黃，咪埋眼真係以為自己食緊 海膽. 有果陣蛋黃味，汁無加cream. 所以更突出青口的甜味. 甜品草莓tiramisu. 淡淡酒香. 唔太甜，自家製. 最喜歡唔太甜的甜品. 下次再來，食埋其他嘢.