三ステーキ

營業中

休息中

用餐日期：2023/12/16用餐時段：午餐用餐費用(每人）：$88餐廳環境：環境整潔乾淨 冷氣足 室內位置不多 檯與檯之間較近 人多時可能要搭檯 服務：服務員服務態度好 入內即提供點餐紙點餐+收費+提供取餐提醒牌 點菜出菜都快 另有提供1次性紙圍裙給客人用 是加分的地方自助區：自助沙律吧區有沙律菜，冷意粉，湯品，白飯，冰塊，飲用水1-沙律吧：有3款沙律菜 1款冷意粉 6款醬汁 沙律菜新鮮 加胡麻醬味道不錯 推薦2-湯品：有2款湯 肉湯和蔬菜湯 2款都不咸味道不錯 推薦3-飯：有點偏乾硬 如可煮得稔些更好主食：點了亂切Mix牛扒(150g)+燒羊架(2件)1-亂切Mix牛扒(150g)$78: 份量足 牛味足 可一次試齊不同肉部位 肉質新鮮潤滑 熟到剛好 味道很好 推薦 2-燒羊架(2件)$98: 份量足 羊架難得不肥 肉質新鮮潤滑味道不錯 羊味不重 較適合愛羊肉但怕羊味的人 好重羊味的不推薦總結：這家餐廳服務態度好 價錢合理 食材新鮮 主食已包了沙律菜 湯品 飯 水 自助沙律吧和主食都味道好 Mix牛扒和羊架較推薦mix牛扒 是值得推薦的半自助牛扒餐廳 提示：這家入店時會給點餐紙點

本身想行去搭巴士，途中見到呢間有羊架食，仲有自助沙律，心諗扒唔會伏得去邊，點知一入到去無人，見到老細坐左係度玩手機，呀姨就叫我隨便坐同填想食咩，比完錢就攞湯同沙律湯：攞左蕃茄湯，唔好飲，未飲過咁唔好飲既沙律：一打開個沙律蓋就有陣味…唔係咁好體驗，除左椰菜正常，其他我都麻麻之後老闆整好左羊架叫我自己攞（因為所有野都係自助）羊架：細我都預左，無咩羊味（不過98蚊都無咩期待），正正常常整體一般，可能因為我食羊架，又唔係主打，所以覺得性價比一般，但我都唔太推薦（第一次寫評論，差到想寫都係第一次）

只可以每一人一餐，問題是店铺內沒有告示說明，而且必須加錢才能同朋友享用，如果有一位母親帶著年幼的小朋友去食飯，是否小朋友不可以同母親享用食物，等母親食完才自己找其他餐廳食飯？想挑戰同朋友食超大牛排，共700克298元，分開每人149元，其實同分開餐比都差不多，當付款後並沒有立即處理，亦沒有作出退款安排，雖然食物質量。還可以，但沒有告示及提示令本人感到合理，如果食量比較少的人及帶小朋友和老人家的人，進店前要三思。

深水埗搵食今次去左一間日式一人石燒店，會提供即棄圍裙，有免費沙律吧，任添白飯，任飲熱湯和蕃茄湯，有各種醬汁，餐牌上有6款牛扒可選擇（封門柳，牛柳，三拍子牛扒，西冷，三角肥牛扒和亂切Mix牛扒）

頭先同女朋友食經歷唔係太好我幾年前過嚟食嘅時候仲記得門口係有一部點餐機，今日想過嚟回味嘅時候發現點餐機冇咗變咗係由一位嬸嬸，喺餐廳內處理點餐同俾錢。我同我女朋友俾咗張點餐紙俾個嬸嬸之後，我哋同個收銀嘅嬸嬸講我哋比MasterCard並且俾佢睇我哋張卡，唔知個嬸嬸係咪睇唔明張卡或者耳仔聽唔清楚，佢見到我女朋友放張卡喺部拍卡機上面嘅時候，佢為咗再檢查多次張卡，用隻手推走我女朋友隻手並要求佢攞張卡上嚟俾佢睇😟客氣禮貌咁問我哋比張卡佢睇唔得咩？當然咁樣推其實整唔傷人嘅，但係成個觀感真係好差，入到門口冇幾耐就遇到啲咁嘅事真係幾影響食飯嘅心情。食物質素方面，我自己就麻麻哋，我女朋友相當唔滿意😂。沙律選擇唔算多，不過佢舖頭細細仲要玩自助沙律湯同埋飯，我覺得都算係咁㗎啦。各位就自行判斷，謹慎選擇啦。

用餐日期：2023/12/25用餐時段：午餐用餐費用(每人）：$76.5餐廳環境：環境整潔乾淨 冷氣足 室內位置不多 檯與檯之間較近 人多時可能要搭檯 服務：服務員服務態度好 入內即提供點餐紙點餐+收費+出單據+提供取餐提醒牌 點菜出菜都快 另有提供1次性紙圍裙給客人用 是加分的地方自助區的沙律吧湯品飯都味道好但變化不大 主食：點了亂切Mix牛扒(150g)+ 封門柳(120g)1-亂切Mix牛扒(150g)$78: 這次切得較大塊 味道如以往的好 推薦 2-封門柳(120g)$75: 牛味足 肉質新鮮潤滑味道好 推薦 總結：這家餐廳服務態度好 價錢合理 食材新鮮 主食已包了沙律菜 湯品 飯 水 自助沙律吧和主食都味道好 Mix扒和封門柳較推薦封門柳 是值得推薦的半自助牛扒餐廳 提示：如牛肉上得快要先食沙律的 可先把牛肉放入碗中 等食完沙律後要食牛肉時再把牛肉加熱進食 以防牛肉煮得過熟浪費左

首先可能是我唔懂得他們的食法，影響了今次睇驗。睇過一些推介，一直想試吓。昨天落深水埗買嘢順便試吓。我點了 300g 三拍子牛扒，三拍子牛扒算是招牌菜，雖然沒有標明是什麽部位，其實一佰元左右有咁大舊安格斯牛扒，件牛扒亦相當靚非常紅嫰有彈性，性價比算幾高。放在高溫火山岩上煎，枱上有岩鹽、黑椒、生蒜泥、牛肉汁等……調味料可自由配答。應該唔錯的才對，問題在於火山岩上煎咁厚咁大舊牛扒的進食時間。我選擇了先全部切開一片片慢慢食。食到一半其他就 well done 咗，一件咁靚牛扒well done 咗實在可惜、浪費。如果回帶從頭再來就食幾多切幾多再煎兩吓就食，這樣就可以控制到自己喜歡的生熟度。整體牛肉是靚的，食到肉的原始味道。因為自助式白飯、湯、沙律、餐具都是自己攞的。

性價比超高⋯貼地深水埗位置👅我哋系牛控超鐘意食牛🐂食左午餐路過見到好吸引🤩下午大概三點左右入去有一枱客我地準備點餐之前店長都推薦好幾款牛⋯但係我哋好飽又想試吓而又食唔到太大件所以揀咗食呢款雜錦牛⋯多款牛都可以試少少，都幾好喎！$78無加一用八達通俾錢超方便！一坐低店長又再推薦可以任食沙律菜同埋麵豉湯🤭眼見啲沙律菜都唔係太多份量都比較新鮮乾淨🤤轉眼間店長已經為我哋整好立即試啦唔好講嘢🤣店長仲推薦可以加啲醬汁或者黑椒或者鹽更加好味⋯仲有枱前嘅蒜蓉醬係自己打磨👍🏻各款牛嘅部位可以品嚐唔同口感👅多謝推薦😃環境就唔係裝潢嘅裝修😆但係勝在夠新鮮貼地就已經好足夠⋯完全食得出冇梳打粉冇醃製過👅值得推薦👍🏻

有朋自遠方來，請佢去食牛排🥩！自己都係睇YouTube 有人介紹。去到好多人但係又唔洗等，自己控制幾成熟，好正！好滿意！唔明點解有人話食Rubber？除非自己隻手廢咗🤣

環境簡單，座位細細。如多人聚會或多行李真心不建議了。但以在香港這價錢吃200g 牛扒才百多港元。喜歡吃牛的真的性價比超高，而且沙律，飯及湯是無限供應，這就是日式店的特色。牛扒質素不錯，大大份，旁邊有燒烤醬喼汁及鹽等調味料，可根據個人喜好調味，及調節熟成程度。小朋友食得舔舔脷，話一定要再來。我也很想再去一次。

入到黎一陣熱氣熱到出汗😂減肥可以入黎入咗桑拿房咁🤣成件衫濕晒頭都係我一個女嘅唔介意講埋出黎個bra都濕咗d汗流到心口🥲🥲🥲d送ok嘅肉質都可以但係如果真係要食 介意去神石燒

好開心可以同老公一齊鋸扒！之前經過深水埗，見到日式石燒牛扒店像雨後春筍，一直都想搵機會去試吓嗰部自助點餐機！卒之呢日機會嚟喇！飛雲！我哋再次經過深水埗，由於時間尚早，大約黃昏時分，諗住食多少少肉都唔怕，因為夜晚仲有好長時間消化！於是我哋二話不說就入咗去啦！鋪仔細細，大約只能容納２０位食客左右。可惜自助點餐機壞了，只可以填紙仔。我地點咗招牌１５０克嘅三拍子牛肉和封門柳各一份。店員送上兩塊牛扒，喺鐵板上滋滋作響，好美味的樣子！預設只有一成熟，如果你想食熟啲，就要自行控制喇！店員非常有禮，介紹出面的沙律菜、餐湯和白飯是任食，非常飽肚的一餐！

一直都有聽聞三拍子係CP值高嘅選擇,所以今次特別到深水埗一試。今次order左三拍子牛排同牛柳。牛排嘅質量比想像中高, 5成熟嘅牛排啱啱好令到牛嘅肉質鮮嫩,同時又唔會咬唔開。而牛柳嘅質素都頗高, 比較嫩滑,但係要留意係熱石上面嘅烹調時間,避免過熟。除左牛之外,本身店舖亦有任食嘅沙律,蔬菜同埋湯。沙律嘅味道唔錯,有採用新鮮嘅食材。而湯係典型嘅日式味噌湯,有昆布配料。整體黎講, triple steak係一個CP值極高嘅店舖, 用平民就可以試到石燒嘅steak, 真心推介。

全港最難食石燒牛扒 — Triple Steak▫️三拍子牛扒300g($109）已經整到得5成熟都難趙到！好似訓練牙力！勁難咬！肉質好鞋😢啲筋位都好多…食每一啖好懷疑人生😨但不過肉味夠濃郁…▫️西冷牛扒300g($175)我朋友叫咗西冷牛扒，本身佢話唔好食，話個肉質好似食緊百潔布咁😂我食咗一嚿之後都咁覺得😂😂 仲硬過我條命😂▫️出邊仲有免費自助沙律吧，有沙律湯飯等任拎，不過個湯嘅味道又係奇奇怪怪，而且牛扒嘅醬汁又唔好味🤷🏻‍♀️▫️地址：三ステーキ Triple Steak深水埗欽州街52-54號平安大廈地舖。灣仔克街6號廣生行大廈B座地下B3號舖。▫️#goeat深水埗#goeat灣仔#灣仔美食#深水埗美食#牛扒#goeat伏食#triplesteak#steakholic#steakbar

The steak was almost well-done, even another steak isn’t still like eating a robber. Also the attitude of the staff is not welcoming. And I have lunch with a little cockroach. The price is same with other similar shop but the quality is really bad.