三ステーキ

營業中

休息中

頭先同女朋友食經歷唔係太好我幾年前過嚟食嘅時候仲記得門口係有一部點餐機，今日想過嚟回味嘅時候發現點餐機冇咗變咗係由一位嬸嬸，喺餐廳內處理點餐同俾錢。我同我女朋友俾咗張點餐紙俾個嬸嬸之後，我哋同個收銀嘅嬸嬸講我哋比MasterCard並且俾佢睇我哋張卡，唔知個嬸嬸係咪睇唔明張卡或者耳仔聽唔清楚，佢見到我女朋友放張卡喺部拍卡機上面嘅時候，佢為咗再檢查多次張卡，用隻手推走我女朋友隻手並要求佢攞張卡上嚟俾佢睇😟客氣禮貌咁問我哋比張卡佢睇唔得咩？當然咁樣推其實整唔傷人嘅，但係成個觀感真係好差，入到門口冇幾耐就遇到啲咁嘅事真係幾影響食飯嘅心情。食物質素方面，我自己就麻麻哋，我女朋友相當唔滿意😂。沙律選擇唔算多，不過佢舖頭細細仲要玩自助沙律湯同埋飯，我覺得都算係咁㗎啦。各位就自行判斷，謹慎選擇啦。