嵐橋丼飯專門店

營業中

休息中

呢間嘅海鮮丼真心高質，賣相好睇得又令人食得好滿足。小店環境乾淨但比較逼嘅，座位少所以訂咗位都要等，好彩侍應嘅服務態度算唔錯，等得開心。雖然價錢同一般丼飯差唔得，但係刺身絕對唔係一般放題質素，份量十足之餘，仲好似喺日本食咁新鮮，非常物超所值，唔使點落wasabi，鮮甜味已經食到停唔到口。佢哋嘅飯係味道比較重嘅醋飯，雖然非我所愛，但調味做得唔錯，唔會過重味而蓋過刺身嘅鮮味。日本海膽牡丹蝦丼海膽味道濃郁，鮮甜份量又多，吞拿魚蓉非常肥美極上金目鯛丼勁新鮮，清甜味湧出黎極上大拖羅丼肥美又鮮甜，都有小小筋但比平時同價嘅絕對超班胡麻角切海鮮丼無試到，比唔到評價🤣

一直沒留言棉登徑有間日本料理。今日一個人，放工想食好些都不錯，所以就進去吃了。選了吧枱位置，店內坐位不多，客人只有1枱。 當時18：30可能尚早吧！有鯉魚旗，日本歌播放，環境有點居酒屋感覺，餐牌選擇很多，以魚生刺身，海鮮類比較吸引。 最後我選了極上金目鯛丼，比較少吃到金目鯛。 金目鯛丼一來就很吸睛，有火灸連皮3片約1cm厚，放在木板上很別緻。刺身薄片有8片，爽口帶勁薄薄的，魚籽很多，子薑，山葵，有米醋粒粒相伴，飯量不是很多，個人都認為剛好。 另外點了1串日本雞軟骨，1串日本黑豚肉腸。腸仔皮脆煙韌，口感很好爆汁的麵豉湯有油豆腐，海帶，豆腐粒，味道都很濃。

陪友人尖沙咀假日酒店開完會附近太多美食。臨近酒吧附近有條河內道沿住行到盡頭。不需要導航都睇到附近超多日本食堂。同事介紹呢間精緻而特別的丼飯，一場黎到當然試一試。裝潢少不得日式風格，店員帶位都盡量比我地舒適就坐，果段時間才是香港準備收工時間段，根本無其他人。坐至角落位的二人台可以環視周邊環境。入座之後每人一碗面鼓湯，竟然不算太鹹，餐牌果然以各式各樣刺身搭配的丼飯。我個人摯愛吞拿魚，點左份火炙吞拿魚辣味丼。擺上台之後，先發覺果層一堆紅色類似藏紅花的係辣椒絲，搭配好靚。同事點左最貴的鯛魚丼，我就麻麻地，不過佢果碗魚子影相一流。期間只食呢碗丼就足夠飽，以前仲小睇呢碗咁精緻的丼飯會不會食不飽。點知裡面塞住滿滿大半碗製作的有料飯。(食材融入飯中，不是簡單的白飯)食完之後再叫兩個串燒，青椒仔。當係飯後小食。擺盤得意，都係好細條，有別於其他炭燒之類味道。過程中職員都有幾句中文介紹下，如果不是，真感覺好似係置身日本鬧市的食堂裡。買單都不算貴，尖沙咀食野係咁上下，最緊要食材新鮮食到飽。