LG Taproom (已結業)

餐廳採用半開放式設計，門口兩大隻窗，仲設有內外座位，歡迎毛孩一齊嚟。唔鍾意望街，可選擇店內嘅座位，目測大約有16個。裝修以黑色 x 木系打造中性系格調，男女老幼都啱key。知道佢哋有好好嘅石板牛扒及好好嘅手工啤酒🍺🍺，但新年過後我只想輕食，所以揀咗松露芝士雜菜香蔥餡餅🥙+ Cappuccino 。先要讚吓杯Cappuccino👍👍，用玻璃杯present出嚟，咖啡層同牛奶層清晰分明可見。咖啡味道好明顯，濃郁甘甜。餡餅係用手抓餅包住青瓜、紅蘿蔔、鮮冬菇及松露，素食者都啱食，略嫌味道清淡，可伴同餡餅上嘅乳酪一齊食。新鮮沙律菜配黑醋汁，傳統食法，酸甜開胃。