Mashi No Mashi

營業中

休息中

日本和牛黑手黨之稱嘅Wagyumafia 除左係香港開左Yakinikumafia 燒肉店，仲有呢間Mashi No Mashi。大概晚上7點鐘去到餐廳，見未有人開始排隊。立即入去睇睇。餐廳只有十個座位，非常簡潔。採用日本拉麵店模式，先自助買飛再安排入座。等左一陣，係門口影下相好快就到我地啦。和牛丼🐮 $180全部尾崎和牛由日本直送。每碗都睇住店員親手立刻製作。和牛係冷藏庫拎出黎， 用切肉機切成薄片。每塊和牛片稍稍用火槍燒一燒。肉汁同香味都出哂黎。雖然丼飯好細碗，不過有好多片和牛，所以都夠飽。地獄和牛沾麵🍜 $180雖然叫做地獄和牛沾麵，但其實都唔係好辣。但和牛數量就比較少。沾麵汁都幾好食。朋友就係筍片都好好食。總結，照顧打卡需要嘅餐廳，店員會擺pose上餐俾你影相。性價比較低。但都值得一試。