影片
更多
2021-05-03
3202 瀏覽
之前係文華東方staycation過，覺得d嘢食ok，今次個friend話試下佢個Sunday Brunch，就二話不說應承咗啦！Clipper Lounge嘅Sunday Brunch其實唔難book，因為決定食嘅時候原來大家都要一個月之後先得閒，日子confirm咗就急急腳咁打去book位，基本上都係2個星期後嘅booking都有位！但有一樣嘢要留意嘅係，如果要confirm booking，要每個人頭先落$200 deposit！當日到達餐廳，一如既往咁好招呼咁招呼咗你入去坐，枱與枱之間空間好夠，唔會覺得好迫，傢俬保養得唔錯，以一間咁有歷史嘅酒店入面算係咁！我被安排咗係冷海鮮區嘅前面，攞嘢食超方便！先講講凍海鮮，除咗果d例牌龍蝦，長腳蟹同螺之外，佢仲有剝左殼嘅大蝦，鮑魚，同埋鱈場蟹腳！龍蝦好彈牙，完全冇雪味，鮑魚食落去好鮮味，但鱈場蟹腳就鹹咗啲！除此之外，生蠔就需要搵人order再送過嚟嘅，生蠔好夠凍，好有蠔味同都ok大隻，我鍾意！刺身方面除咗三文魚，吞拿魚果d之外，佢仲有帶子任拎，勁鮮味！湯呢就有2款，一中一西，西湯方面居然係龍蝦湯，見到當然要試下啦，但。。冇咩龍蝦味，不過湯個
Clipper Lounge嘅Sunday Brunch其實唔難book，因為決定食嘅時候原來大家都要一個月之後先得閒，日子confirm咗就急急腳咁打去book位，基本上都係2個星期後嘅booking都有位！但有一樣嘢要留意嘅係，如果要confirm booking，要每個人頭先落$200 deposit！
當日到達餐廳，一如既往咁好招呼咁招呼咗你入去坐，枱與枱之間空間好夠，唔會覺得好迫，傢俬保養得唔錯，以一間咁有歷史嘅酒店入面算係咁！我被安排咗係冷海鮮區嘅前面，攞嘢食超方便！
先講講凍海鮮，除咗果d例牌龍蝦，長腳蟹同螺之外，佢仲有剝左殼嘅大蝦，鮑魚，同埋鱈場蟹腳！龍蝦好彈牙，完全冇雪味，鮑魚食落去好鮮味，但鱈場蟹腳就鹹咗啲！除此之外，生蠔就需要搵人order再送過嚟嘅，生蠔好夠凍，好有蠔味同都ok大隻，我鍾意！
長腳蟹，鱈場蟹腳
88 瀏覽
0 讚好
0 留言
龍蝦
94 瀏覽
0 讚好
0 留言
生蠔
93 瀏覽
0 讚好
0 留言
刺身方面除咗三文魚，吞拿魚果d之外，佢仲有帶子任拎，勁鮮味！
帶子剌身
90 瀏覽
0 讚好
0 留言
湯呢就有2款，一中一西，西湯方面居然係龍蝦湯，見到當然要試下啦，但。。冇咩龍蝦味，不過湯個texture做得好好！
龍蝦湯
79 瀏覽
0 讚好
0 留言
熱盤都有10款左右嘅選擇，有焗三文魚，蒸魚，點心，海南雞飯（個飯勁好食！雞就一般。）燒牛肉同羊架等等！我就試咗個羊架，羊架個味ok嘅，但咁樣暖住d羊架始終口感會差d！我亦都試咗切肉區嘅燒牛肉，雖然塊牛肉望落去好似好熟咁，但佢其實好林，好夠牛味！
燒牛肉，火腿
84 瀏覽
0 讚好
0 留言
鵝肝
91 瀏覽
0 讚好
0 留言
冷盤嘅選擇就唔係好多，都係嗰啲撈好咗嘅沙律啊！6款芝士呀！煙三文魚咁！正常水平啦！
到最後甜品啦！文華東方嘅甜品出品不嬲都係好好，今次係Sunday Brunch入面嘅選擇都有好多！除咗必食嘅1963文華芝士餅之外，佢嘅朱古力都好好食！我朋友就起碼食咗10粒，之後過去cake shop望返，佢9粒朱古力都要$290，簡直係回晒本！
1963文華芝士餅
92 瀏覽
0 讚好
0 留言
朱古力
85 瀏覽
0 讚好
0 留言
自家製雪糕
89 瀏覽
0 讚好
0 留言
甜品
66 瀏覽
0 讚好
0 留言
以咁嘅價錢咁嘅質素絕對係可以encore！
張貼
