OPPA韓國燒肉店 (已結業)

聽人講左好耐大埔有間韓燒店，今日終於夜市去左食。入面嘅塗鴉裝飾幾得意又有特色，顏色鮮艷啱哂一家大細入去食餐好。入到去啲凳係油桶設計，輕得黎又可以擺野，方便又乾淨；個烤盤斜擺住可以流走啲油，員工亦都好適時會幫手加返油，成個用餐過程都覺得啲員工真係好貼心。當然講到韓燒店梗係唔少得主角燒肉啦，個A4和牛頭盤真係令人滿意到爆炸，量多質又好，淨係食頭盤都已經覺得好滿足。有牛腩，封門柳，牛柳粒，牛脷等等；仲加埋豬五花腩。五花腩同牛排骨根本係全場最佳，食過返尋味。豬五花塊皮燒完之後咬口好仲要勁香，真係唔追加返幾碟都對唔住自己。牛排骨對懶人黎講舊骨係煩左啲，但係真心食完絕不後悔，唔會令人失望。啲肉質真係好良心,一個字:正。除左頭盤，仲可以任食點餐字上既野。但食完個頭盤都飽左一半，之後再點左牛助骨，醬豬肉，雞肉，蜆湯，芝士燒同小小蔬菜。都一樣有水準，尤其雞肉好好食；芝士燒非常邪惡，好夠濃味，鐘意芝士既朋友一定要嗌。最後甜品有Haagan-Dans, Dreyers, 同Mivenpick雪糕任簡，完美收結。一間鋪嘅特色除左裝橫貨品當然唔少得服務啦。啲店員都幾積極幫顧客，除左基本係即叫即應，更加要讚嘅係佢