鮨逸

營業中

休息中

Sushi Itsu

4.5

4.5

511 食評

味道

環境

服務

衛生

抵食

|

17076

銅鑼灣

$801以上

日本菜廚師發辦

485

6

5

條款及細則:
餐廳:	鮨逸
優惠:	於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。
立即加入國泰會員計劃，今日開始累積里數！
會員每次可賺取「亞洲萬里通」里數之消費額上限為港幣10,000元。會員於國泰夥伴餐廳用膳，結賬時出示國泰會員二維碼，每消費港幣4元可賺取1里數。渣打國泰Mastercard®客戶憑卡消費可享每港幣4元賺取2里數，包括合作夥伴餐廳合資格消費之餐膳里賞（每港幣4元賺取1里數）及基本餐飲類別之合資格簽賬獎賞（每港幣4元賺取1里數）。賺取之「亞洲萬里通」里數將根據餐飲與膳食消費，包括服務費、稅項及小費的總和而計算。惠顧特定推廣套餐或不可賺取「亞洲萬里通」里數。請預先向個別「賺里餐廳」查詢。賺取的「亞洲萬里通」里數將於認可餐膳消費交易後7個工作天內存入會員的賬戶。

須受其他國泰條款及細則約束。

Muimui TKO

等級4

247

0

環境5分：銅鑼灣樓上日本菜餐廳，响地鐵對面夠方便，入面有散枱，不過响壽司吧食Omakase最新鮮同最享受，可以見到廚師拍Ｄ魚特別興奮，可以畀五分。衛生5分：舖頭新開冇耐，地方好乾淨企理，光猛衛生，一樣畀五分。服務5分：十幾個吧位有五個師傅招呼，個個都好專業咁每樣魚生介紹，樓面不斷加熱茶，效率高，服務當然滿分。味道5分：1) 鹿兒島水果蕃茄非常鮮甜新鮮，食落爽爽地。2) 呢個水母食落同海蜇完全唔同，爽甜好多，配埋柚子醋酸酸地，非常開胃。3) 富山灣螢光魷魚當造，季節性嘅，配埋鰹魚豉油非常惹味。4) 北海道大溝貝上枱有兩部位，一個係邊位，一個係肉位，個人喜歡邊位多少少，因為好有咬口，食落有少少似聖子皇。5) 熟成咗嘅油金魚刺身非常厚切，口感非常好。6) 北海道水八爪魚三片肉加兩個吸盤，連埋Ｄ桃味啫喱一齊食非常特別，食落非常之夾，吸盤就非常之爽脆。7) 鹽燒河豚白子非常特別嘅款式，真係第一次食。就算去日本都只係食過河豚肉，白子非常之滑，燒過之後就又暖又滑。8) 地金目鯛壽司輕輕燒一燒令油脂更加香口，好食。9) 日本北寄貝非常爽甜，加埋青檸汁吊出個鮮味。10) 銀鱈魚用壽司方法嚟食都係非常罕

更多

環境5分：
銅鑼灣樓上日本菜餐廳，响地鐵對面夠方便，入面有散枱，不過响壽司吧食Omakase最新鮮同最享受，可以見到廚師拍Ｄ魚特別興奮，可以畀五分。

衛生5分：
舖頭新開冇耐，地方好乾淨企理，光猛衛生，一樣畀五分。

服務5分：
十幾個吧位有五個師傅招呼，個個都好專業咁每樣魚生介紹，樓面不斷加熱茶，效率高，服務當然滿分。

味道5分：
1) 鹿兒島水果蕃茄非常鮮甜新鮮，食落爽爽地。

2) 呢個水母食落同海蜇完全唔同，爽甜好多，配埋柚子醋酸酸地，非常開胃。

3) 富山灣螢光魷魚當造，季節性嘅，配埋鰹魚豉油非常惹味。

4) 北海道大溝貝上枱有兩部位，一個係邊位，一個係肉位，個人喜歡邊位多少少，因為好有咬口，食落有少少似聖子皇。

5) 熟成咗嘅油金魚刺身非常厚切，口感非常好。

油金魚刺身

6) 北海道水八爪魚三片肉加兩個吸盤，連埋Ｄ桃味啫喱一齊食非常特別，食落非常之夾，吸盤就非常之爽脆。

7) 鹽燒河豚白子非常特別嘅款式，真係第一次食。就算去日本都只係食過河豚肉，白子非常之滑，燒過之後就又暖又滑。

8) 地金目鯛壽司輕輕燒一燒令油脂更加香口，好食。

地金目鯛壽司

9) 日本北寄貝非常爽甜，加埋青檸汁吊出個鮮味。

10) 銀鱈魚用壽司方法嚟食都係非常罕見，通常係銀鱈魚定食，跟住用一D沙律醬伴碟。生食銀鱈魚食落非常嫩滑，唔使咬都吞到果種，個口有一浸魚油嘅香味。

生食銀鱈魚壽司

11) 未食過咁好食嘅魚肝，紅酒汁慢煮鮟鱇魚肝非常之淋，仲有一陣陣肝嘅香味，紅酒味道非常之突出。

紅酒汁慢煮鮟鱇魚肝

12) 牡丹蝦花雕漬非常大隻，揸住個蝦頭成個身擺入口食，非常滿足，新鮮新鮮。

牡丹蝦花雕漬

13) 長崎小長井華漣蠔王冇腥味，只有鮮味，一食落口就知係非常好嘅貨。

14) 深海池魚腩當然係肥美，鮮。

15) 松葉蟹肉蟹膏撈埋一齊絕對一絕，仲要配埋新鮮嘅三文魚籽，非常滿足。

松葉蟹肉蟹膏三文魚籽

16) 赤鯥魚呢件壽司都係經火槍燒一燒Ｄ皮，令Ｄ油香更加豐富。

17) 白見貝食落似象拔蚌，但鮮甜過象拔蚌多多聲。

18) 熟成鰤魚腩非常厚切，食落鮮甜。

19) 有兩磯煮片鮑魚用蟹膏撈勻响鮑魚表面，食落有兩種層次，蟹膏味濃，鮑魚味鮮。

蟹膏磯煮鮑魚

20) 季節香魚ＢＢ個肚甘甘地，連Ｄ細骨頭都可以吞落肚嘅。

21) 最愛嘅馬糞海膽終於出場，鮮甜冇得輸。

22) 藍鰭吞拿魚腩壽司放响爽脆嘅紫菜上面，兩啖食曬。

藍鰭吞拿魚腩壽司

23) 海鰻壽司當然最主要就係佢Ｄ鰻魚汁，輕輕掃兩掃，甜。

24) 海鹽天婦羅熊本士多啤梨非常特別有趣，出面暖暖地，入面仲好juicy。

天婦羅士多啤梨

25) 玉子布丁細細嚿好易入口。

26) 鮑魚廉貝湯非常鮮味，用好多材料同心機去煲。

鮑魚廉貝湯

27) 水玄子甜品類似啫喱狀，味道清新，食完廿幾度菜最後用呢個啫喱狀清下個口，非常有心思。

水玄子甜品

抵食5分：
Omakase晚餐有二十七道餸，千零蚊食足成晚，有咁多款唔同嘅魚生壽司選擇，師傅即刻同你整，件件超新鮮，絕對超值。

(以上食評乃用戶個人意見 , 並不代表OpenRice之觀點。)

分享
推介

已推介
檢舉

張貼

評分

味道

環境

服務

衛生

抵食

用餐日期

2021-03-17

用餐途徑

堂食

人均消費

$1576 (晚餐)

推介美食