NUTTEA (海光街) (已結業)

今日同朋友經過Nuttea 其實平時都飲開呢一間堅果奶嘅飲品店～ 所以就推薦朋友試吓！首先本身Nuttea 嘅裝修已經冇得輸！入邊裝修簡約得來又有啲特別～同埋隔離都有個街邊位有少少花做裝飾😍見到啲女仔攞住杯嘢飲喺嗰度打卡覺得都幾靚！！今次叫咗個黑糖堅果奶🙈入邊好得意 同平時唔一樣唔係一啲珍珠 反而係一啲咬起上嚟煙煙韌韌 類似嘅果粒嘅物體😍我同朋友都非常之驚喜 覺得比起平時嘅黑糖珍奶少咗個份肥膩感🥰同埋因為選用堅果奶 所以飲落去都比較清新唔會有太大嘅負擔！之後叫咗佢哋嘅招牌 朱古力奶蓋堅果茶！朱古力奶蓋飲落去係鹹鹹地嘅🙈🙈🙈應該係有啲海鹽喺面 所以成杯嘢飲落去非常之有層次感😍😍😍而且佢嘅奶蓋非常之厚 真係非常之好飲！！