Su Casa (已結業)

📍九龍灣 Su Casa今次嚟到九展，一入佢嘅側門已經見到呢一間行簡約日系風嘅餐廳。餐廳分為兩個部份，分別係主食區同埋party區。餐廳係小朋友friendly，提供左唔同嘅兒童餐，同埋見到入嚟嘅小朋友都有一幅填色畫可以玩🩷。今次係晏晝嚟食，所以有一啲set lunch可以選擇👏🏻。套餐除咗主菜之外，每個餐都有甘筍湯，同埋一杯有機亞麻籽綠茶，聽到個名都感覺到非常健康💪🏻。• Set H紐西蘭牛西冷配薯條 $138本身諗住嚟到Cafe，對牛扒嘅質素都唔抱好大期望，但係呢個西冷真係非常出色， CP值非常高。佢係可以選擇熟成度，我就選擇咗medium。佢嘅肉質非常滑嫩，絕對唔會覺得韌。而且佢嘅薯條啱啱炸起，好香口🍟。• Set F 低溫焗美國嫩雞伴牛油果合桃羽衣甘藍藜麥沙律 $98呢個沙律真係超級Fresh，廚師已經幫我哋混合左啲沙律醋，再加上佢嘅牛油果醬入邊有合桃，非常之有咬口。佢嘅雞胸都好出色，唔會煮到過時，係滑嫩嘅嗰一種肉質🍴。