野玩田店 (已搬遷) 新店位置

放工約左朋友喺尖沙咀食飯，行到K11 又想搵間坐得舒服又可以傾下計嘅餐廳食飯，上網睇到呢間田園風嘅餐廳就啱曬我地啡色配綠色既餐枱，仲有好多草做裝飾，感覺舒服餐廳行健康飲路線為主，主打有機食物，健康食材。多菜少肉好適合我地2個食肉獸一坐低，店員就送上麵包，黑糖包，無影低到。麵包有口感同幾鬆軟我們點了幾款食物！雞肉墨西哥餡餅： 餅皮自家製，口感的確比外面的更薄，烘至微焦令口感薄脆，中間夾著不少雞肉、洋蔥和芝士，帶辣味🌶，整體感覺輕盈清新。好推介呢個蟹肉美國露筍闊條手做意大利麵 露荀鮮嫰爽脆，自家製意大利麵都幾有咬口，仲非常creamy，我地鍾意味道唔好太濃，配料用上新鮮蟹肉🦀整體味道唔錯，個感覺幾健康份量不多，價錢比較貴。鮮奶Latte食完飯就想飲杯咖啡作結。口感均勻，完全無攪過，入口每口都好平均，又醇香。