Check In ThaiViet

營業中

休息中

呢間有半開放式座位嘅泰國餐廳位於上環同西營盤之間嘅小巷，牆上畫滿可愛嘅手繪圖畫，甚具特色。𖦹 菠蘿海鮮炒飯 $98  以原個菠蘿上枱，賣相十分吸睛，滿滿嘅肉鬆同埋腰果，加上蝦、魷魚、蟹柳、原粒菠蘿等配料，極為豐富，飯粒炒至粒粒分明。𖦹 軟殼蟹米紙卷 $98半透明嘅米紙入面係軟殼蟹、牛油果、紅蘿蔔、青瓜同埋生菜，點啲酸酸甜甜嘅醬汁，開胃之選。𖦹 青木瓜鮮蝦沙律 $88爽脆嘅青木瓜絲加上鮮蝦，撈埋酸辣嘅醬汁，非常清新，夏天食就一流。𖦹 泰式凍奶茶 $38衝住隻熊啤啤而嗌嘅thai tea！只要將啲茶入個杯到，佢就會浮返上嚟重見天日㗎啦，搞勻杯底嘅煉奶再飲，入口唔過甜，茶香四溢，仲帶啲花(?)香。𖦹 泰式椰子雪糕紅豆冰 $48椰子雪糕濃郁得嚟食到啲椰子肉，好驚喜，如果可以再多啲紅豆，相信口感會更佳。