莫云

營業中

休息中

莫云今次要介紹大角咀遨凱酒店地下嘅一間高級中菜館，連平時嘅點心都好高級，輪椅人士入去食都好方便，喺遨凱酒店地下入口轉右就會入到「莫云」，佢哋有六間獨立房，其中四間可以連埋一大間，不過午市要滿3000蚊先可以包房，夜市要滿6000蚊，包房嚟講都算平！1.黑松露香菇燒賣皇$62（8.5/10）一籠有3粒燒賣，每粒燒賣都有淡淡黑松露味，不過有少少咸，香菇都大粒，好夠香，豬肉都好多！2.高湯海參灌湯餃$88（10/10）呢個高湯海參灌湯餃係我最期待，超級大隻，仲有一舊海參，海參口感好爽彈，隻灌湯餃入面好多料， 有豬肉、蝦仁等，高湯好濃郁，超好味！3.古法手工馬拉糕$58（10/10）呢個馬拉糕真係好正，又唔會好甜，熱辣辣超級鬆軟！4.安格斯牛肉腸粉$68（9.5/10）蝦腸/牛肉腸/齋腸都食得多，安格斯牛肉腸都係第一次食，腸粉皮好滑好薄，安格斯牛肉唔韌，兩者好鬼夾！5.乾炒安格斯牛肉河粉$198（9.5/10）乾炒牛河出面就食得多，但係呢度有乾炒安格斯牛肉河粉，出面乾炒牛河好油，呢度乾炒牛河唔油，而且安格斯牛肉非常嫩滑，安格斯牛肉大約有12塊，仲有有紫洋蔥、蔥、牙菜、芝麻等，呢碟乾炒牛河真係好