宏 (已搬遷) 新店位置

平時最鐘意食抹茶野！對甜品完全無抵抗力，見到店外既甜品櫃已經忍唔住想去試～餐廳除左散叫，仲有唔同既set包主食+飲品+卷蛋，可以一次過試哂我想食既野～迷三彩丼定食Set既選擇都好多，鰻魚飯好似都幾吸引，但又想試下其他口味，所以最後叫左個三彩丼，迷你鰻魚丼、吞拿魚蓉丼、烏冬。鰻魚丼雖然細細份但都幾飽肚，吞拿魚丼魚蓉非常幼滑，份量適中。日本野菜天婦羅冷海藻烏冬而朋友叫左個野菜天婦羅冷烏冬，烏冬口感剛剛好，不會太軟或太硬，仲有淡淡蕎麥香。而我同朋友都分別點左抹茶蛋卷同士多啤梨卷蛋。聽聞呢間餐廳抹茶卷蛋非常出名，一食果然唔錯啵，抹茶忌廉香滑，加上蛋糕有都有陣陣抹茶香口感鬆軟。估唔到士多啤梨卷蛋都做得好好食呀，唔會比抹茶卷蛋遜色，因為忌廉奶味濃，卷蛋蛋糕嘅蛋香更重。食完兩個set同朋友都忍唔住叫多左2個甜品～抹茶軟雪糕芭菲抹茶味軟雪糕，旁邊有白玉丸子、抹茶啫喱、紅豆，底層有脆卜卜既杏仁脆片～牛奶軟雪糕芭菲牛奶味雪糕重奶味～有不同水果作點綴，旁邊有蝴蝶酥，底層都有杏仁脆片～食左咁多野，滿足！