龍門一番 上海·紫砂燉湯 (已結業)

前排入屯門市中心行街，當中有朋友喜歡吃上海菜，而且看見食評不錯，所以來試一下。依間最獨有之處係茶膽可以任揀一款，迎合唔同人口味，然後將自己茶包放入小茶壺，再倒落茶杯裏面慢慢品嘗。入去坐低後，原來卡位有個插頭，可以用黎叉電。呢方面值得加分。見食評不少推薦試魔鬼天使小籠包。加上係招牌菜，所以一定會叫左呢個黎試。黑色果個系墨魚汁餃同埋海膽都幾鮮甜，味道還好。不過白色小籠包就系豬肉餡加細細帶子，加埋D上湯，咬落多汁唔錯 。火腿津白，好大碟，火腿食落夠咸，幾好味架。龍門海鮮炒飯個炒飯嘅份量都夠四至六人食，唔怕唔夠飽，除左蝦仁之外，仲加左提子乾同青豆去炒，味道方面香口，飯粒炒得分明，不過不失。