一福 (已結業)

深水埗一向出名多地踎嘢，反而要搵日本料理會比較難搵。呢間日本料理店好近黃金商場，質素可以話喺區內算好唔錯嘅！唯一可惜係佢嘅飯醋醬油調味好重手，無論係食壽司定刺身丼，都覺得飯醋味太強以至蓋過魚生原有嘅鮮味...呢樣扣分🤷🔸自選壽司全部都好厚切同幾新鮮吓，最鍾意係佢個吞拿魚蓉份量十足，食落好滿足。🔸北海道刺身丼有牡丹蝦、海膽、帆立貝、 三文魚籽、三文魚鰻魚、蟹膏，刺身都幾新鮮又夠厚切； 尤其是蟹膏，超多同好鮮味。