釜之魂釜飯專門店 (淘大商場) (已結業)

最近淘大開左間新既日式釜飯專門店，見到無論出面既裝修同餐牌都唔錯，所以就入去俾個機會佢喇星期日晚上9點去，餐廳仍然好多人，不過入面位置相當大，所以都即刻有得入座。釜飯款式頗多～ 最後我地決定叫兩個釜飯&兩個小食⭐️鰻魚（金魂）贅尺（$118）哇！一上枱～ 就俾佢手掌咁大既鰻魚吸引到！因爲鰻魚其實算唔平既食材，以百零蚊有咁大既鰻魚真係相當超值！無骨多汁～啖啖肉！⭐️五花豚肉釜（$78）足足有5大塊豚肉仲要係厚切！外皮烤得焦香美味！內層脂肪分佈均勻，醬汁調配都很好，很入味～～～～美味非常！餐台上面仲有教學，教你「如何調節飯粒軟硬度」～想軟啲就可以即刻開蓋享用，飯會帶有粘糯口感。想硬啲就可用飯勺打鬆啲飯先，口感則會較為紮實。今次我地就試下硬少少嘅飯先一食落啲飯，真係不得了！飯黏韌得嚟～軟硬適中，粒粒充滿飯香仲有高湯既甜味！ 食到落底仲有層飯蕉～同係日本食到既真係有得比！⭐️髒髒炸香蕉（$18）哩個小食，真係必食推介滿滿既朱古力糖粉覆蓋整個表面！炸到表皮非常香脆，而香蕉心則半溶化～ 夾埋一齊食，真係好美味！總結哩間餐廳性價比非常高，係平民版既高級日本釜飯餐廳下次定必再光臨試埋其他釜飯款式。