影片
更多
2020-04-13
553 瀏覽
之前尼過西營盤Pop Street兩次都因為要排隊又無乜時間，所以最後無食。今次有時間，但又唔使點排隊，可能因為係閒日，所以終於試到。地點：位於西營盤第三街，係以前好出名嘅呀元來了嘅對面。坐地鐵就好方便，坐巴士就要行少少斜路喇。環境：小店環境唔算大，係長直形嘅舖位，有大概十張枱。裝修都有啲心機，幾cosy同貼地嘅小店。食物質素：Lunch set 有多達九款選擇，包小食同飲品。我地叫左兩個飯，分別係鬼佬叉燒飯同慢煮麻辣雞胸飯。小食- 日式芝麻醬蕃茄好refreshing，雪凍左，蕃茄又幾新鮮，芝麻醬撈埋個味好夾。 鬼佬叉燒飯 ($70)一直都好期待鬼佬叉燒飯到底鬼佬係邊，到上碟個一刻我都唔係好知。一食落口，鬼佬出現了，個叉燒同平時嘅叉燒完全唔同，佢其實用左美式bbq ribs嘅醬去整呢個”叉燒”，都叫有驚喜。個飯都幾特別，唔係普通白飯，加埋溫泉蛋嘅蛋汁，好食！ 另外配菜係炒過嘅羽衣甘藍，有少少蒜蓉味，比生嘅羽衣甘藍更好食。慢煮麻辣雞胸飯 ($70)望到就覺得有少少失望，因為好有白烚雞胸嘅感覺，但聞到麻辣嘅香氣嘅。食落雞胸夠稔同埋一啲都唔乾，有淡淡嘅麻味，都幾好食。美中不足嘅就係唔夠辣，
地點：
位於西營盤第三街，係以前好出名嘅呀元來了嘅對面。坐地鐵就好方便，坐巴士就要行少少斜路喇。
環境：
小店環境唔算大，係長直形嘅舖位，有大概十張枱。裝修都有啲心機，幾cosy同貼地嘅小店。
食物質素：
Lunch set 有多達九款選擇，包小食同飲品。我地叫左兩個飯，分別係鬼佬叉燒飯同慢煮麻辣雞胸飯。
小食- 日式芝麻醬蕃茄
好refreshing，雪凍左，蕃茄又幾新鮮，芝麻醬撈埋個味好夾。
鬼佬叉燒飯 ($70)
一直都好期待鬼佬叉燒飯到底鬼佬係邊，到上碟個一刻我都唔係好知。一食落口，鬼佬出現了，個叉燒同平時嘅叉燒完全唔同，佢其實用左美式bbq ribs嘅醬去整呢個”叉燒”，都叫有驚喜。個飯都幾特別，唔係普通白飯，加埋溫泉蛋嘅蛋汁，好食！ 另外配菜係炒過嘅羽衣甘藍，有少少蒜蓉味，比生嘅羽衣甘藍更好食。
鬼佬叉燒飯
$70
38 瀏覽
0 讚好
0 留言
慢煮麻辣雞胸飯 ($70)
望到就覺得有少少失望，因為好有白烚雞胸嘅感覺，但聞到麻辣嘅香氣嘅。食落雞胸夠稔同埋一啲都唔乾，有淡淡嘅麻味，都幾好食。美中不足嘅就係唔夠辣，其實係一啲都唔辣😂
慢煮麻辣雞胸飯
$70
23 瀏覽
0 讚好
0 留言
飲品- 檸檬特飲
有少少檸檬皮嘅lemonade，唔使加錢嘅都叫有誠意啦
服務:
服務快手，正常無甩漏，上餐速度都好快。
價錢：
Lunch set $60起跳，包小食同飲品。而飲品除左大路嘅汽水咖啡茶，仲可以揀lemonade或者自家涼茶，都幾抵食同有誠意，值得一試！
張貼
