Gathering (已結業)

同朋友去完元朗圖書館就到咗附近安興街搵地方食飯，見到呢間Gathering入面有好多客，心諗D食物應該有咁番咁上下，於是就決定入去開餐。餐牌上嘅Set for 2 好適合我哋一於叫嚟試下。牛肝菌忌廉濃湯 - 味道香濃口感幼滑，加上香脆嘅麵包配以酸味味嘅番茄香草醬，十分唔錯！低溫油浸鮮吞拿魚 - 吞拿魚約五成熟，表面煎得香口，配上滋味醬汁，嫩滑好食。香草白酒煮鑽石蜆 - 鑽石蜆肉脹卜卜，入口爆汁。同香滑嘅香草白酒汁十分夾。蟹膏蟹肉意大利飯 - 蟹味香濃，口感嘅意大利飯上面鋪有好多脆卜卜嘅蟹籽，豐富好食。脆炸德國咸豬手 - 十分大隻，外皮香脆，肥膏部分口感Q彈，瘦肉部分爽口。配上酸酸味味嘅醬汁，及底部嘅清新沙律同及酸菜，好食又唔膩。Apple Crumble - 除咗蘋果外仲有好多提子乾，味道酸甜好食。熱咖啡 - 香醇柔滑，十分好飲。呢餐好食又豐富，價錢又實惠，難怪餐廳入面坐有咁多客啦。