影片
更多
2022-07-14
166 瀏覽
慶祝爸爸生日, 佢一向喜歡食中菜, 今晚放工帶咗佢去新都城三期入面一間新開中菜廳。雖然係主打中菜, 但入面裝修格局非一般嘅傳統酒樓圓檯, 而且更設卡位, 確實係可以舒服嘆茶。自行SCAN QR code落單, 而晚市同樣供應點心、中式小炒、煲仔飯、西式甜品等等…而飲品方面, 除咗啤酒、汽水, 估唔到連台式沖調飲品都有, 果然照顧到男女老幼。新張優惠, 每位入座更享玉桂乳鴿(半隻), 至到今個月底咋! 好彩趕得切。 食物經由機械人送到檯附近, 由職員負責傳上。個機械人仲會識講禮貌字句, 新奇又衛生。玉桂乳鴿: 雖然目前只係免費, 但質素絕對唔馬虎, 雖然細隻, 但一撕開, 肉汁豐富得漏出, 皮脆肉質鮮嫩, 就算下次再黎收正價, 都定必會order再食!【芋香珍珠奶茶】HK$18大大杯, 味道拍得住坊間台式飲品店ga! 味道唔會太淡/過甜, 香芋味突出, 茶味相對淡一d, 珍珠為全熟, 不是煙韌口感。點心方面, 質素亦很有驚喜。【將軍聚聚】HK$48呢款可以一次過試齊唔款點心, 價錢相對更化算。賣相精美, 餃類都很飽滿; 金箔原隻鮮蝦餃:以金箔點聚, 令賣相更加耹貴。皮薄, 蝦肉餡料鮮甜味
自行SCAN QR code落單, 而晚市同樣供應點心、中式小炒、煲仔飯、西式甜品等等…而飲品方面, 除咗啤酒、汽水, 估唔到連台式沖調飲品都有, 果然照顧到男女老幼。
新張優惠, 每位入座更享玉桂乳鴿(半隻), 至到今個月底咋! 好彩趕得切。
食物經由機械人送到檯附近, 由職員負責傳上。個機械人仲會識講禮貌字句, 新奇又衛生。
玉桂乳鴿:
雖然目前只係免費, 但質素絕對唔馬虎, 雖然細隻, 但一撕開, 肉汁豐富得漏出, 皮脆肉質鮮嫩, 就算下次再黎收正價, 都定必會order再食!
玉桂乳鴿
24 瀏覽
0 讚好
0 留言
7 瀏覽
0 讚好
0 留言
【芋香珍珠奶茶】HK$18
大大杯, 味道拍得住坊間台式飲品店ga! 味道唔會太淡/過甜, 香芋味突出, 茶味相對淡一d, 珍珠為全熟, 不是煙韌口感。
芋香珍珠奶茶
$18
4 瀏覽
0 讚好
0 留言
點心方面, 質素亦很有驚喜。
【將軍聚聚】HK$48
呢款可以一次過試齊唔款點心, 價錢相對更化算。
賣相精美, 餃類都很飽滿;
將軍聚聚
$48
3 瀏覽
0 讚好
0 留言
金箔原隻鮮蝦餃:
以金箔點聚, 令賣相更加耹貴。皮薄, 蝦肉餡料鮮甜味十足, 足料得黎又彈牙, 正!
柚子蝦餃:
鮮黃色餃皮, 皮稍為比上面果款厚一dd, 只係一dd, 入口除咗同樣食到鮮甜爽彈蝦肉, 更多一份很突出嘅柚子香。
金鼎鳳眼餃:
粉藍色餃皮坊間傳統酒樓好少有, 入面有肉碎同埋菇菌粒, 肉味滲出, 層次感豐富。
馬拉糕:
兩款糕都很鬆軟微甜, 除色水之外, 味道都差不多, 冇太大分別。
【小小烏龜菠蘿餐包】HK$58
賣相可愛, 龜身表面烘過, 外層微微鬆化, 內裡軟熟; 不過入面嘅叉燒餡料就唔太多, 而且菠蘿皮偏林, 不是新鮮出爐熱辣辣脆皮質素。
小小烏龜菠蘿餐包
$58
11 瀏覽
0 讚好
0 留言
【豬骨濃湯雲吞】HK$49
雲吞皮又薄又滑, 入面餡料很足, 有大大隻鮮甜爽彈蝦肉, 配上很濃郁豬骨湯, 比起雲吞麵店更有質素更好食。
豬骨濃湯雲吞
$49
5 瀏覽
0 讚好
0 留言
【檸檬蝦球】HK$68
每件蝦球嘅炸皮都好薄, 平均沾上甜酸檸檬果醬汁, 果香甜酸令人更為開胃, 炸脆依然keep到微脆, 加上爽口解甜蝦肉, 完美!
檸檬蝦球
$68
4 瀏覽
0 讚好
0 留言
【豉汁白鱔煲仔飯】HK$88
煲仔飯熱辣辣上檯, 雖然熱度未至於勁滾勁大煙, 但近底都形成到焦脆嘅飯焦; 白鱔肉質偏林, 加上了豆豉、蒜、薑粒、豉油, 濃郁惹味。
豉汁白鱔煲仔飯
$88
44 瀏覽
2 讚好
0 留言
【鳳梨糖果酥】HK$49
算是甜品之一。糖果形賣相, 外層鬆化, 入面為很黏嘅菠蘿蓉做餡, 食到鮮果甜味, 小朋友一定喜歡。
鳳梨糖果酥
$49
15 瀏覽
0 讚好
0 留言
題外話/補充資料：
晚市茶位: $12/位
(以上食評乃用戶個人意見 , 並不代表OpenRice之觀點。)
張貼
