中環茶記 (已結業)

近年港式茶記都開始行d高檔路線，再唔係以前認知果種環境嘈吵擠迫，無咩服務既茶餐廳。餐廳燈光好光猛，環境整齊衛生，服務員態度殷勤，入去時仲會提醒你岩岩拖完地，要小心d行。郊外油菜平時出街比較少食到菜，打算叫碟油菜黎食下，點知$18超大份。鐵板甜酸蝦球雙麵王雙面王煎到好香脆，蝦球大隻得黎爽口彈牙，加埋個酸酸甜甜既醬，好食得黎又唔油膩。咖喱吉列豬排蔥油餅咖喱好重椰香味，夾埋蔥油餅食好似食緊印度餐，哈哈。吉列豬扒炸得好香脆，即使淋左d咖喱汁上去都仲食到個酥脆感。炭燒鰻魚飯第一次見到鰻魚飯塊鰻魚係可以咁大，鰻魚燒到色澤均勻，而且好香炭香味。食落外層有少少脆，但內裏軟綿綿。鰻魚汁撈飯，正！懷舊紅豆冰基本上去得茶餐廳都必叫紅豆冰，紅豆冰奶味比一般茶記重，但飲落更香滑。原本以爲呢d新式茶記價錢會好貴，皆因裝修係落足本，而且坐落係中環呢d高租金既地方。但其實$50左右就已經有個飯，中環黎講真係好平。