307
16
10
港鐵中環站 D2 出口, 步行約4分鐘 繼續閱讀
電話號碼
23872002
特色
包場派對
營業時間
今日營業
07:30 - 20:30
星期一至日
07:30 - 20:30
付款方式
AlipayHK 支付寶 現金 八達通 AE 微信支付
其他資料
電話訂座
外賣服務 詳細介紹
食評 (351)
等級4 2020-05-17
73 瀏覽
疫情下本身都唔應該出街嘅,但係因為有啲事要黎一黎中環,順手食埋個午餐。見到呢間叫做中環茶記嘅茶餐廳好有特色,裝修好特別好懷舊,入邊亦都好企理,感覺坐得好舒服,於是就入去食個晏晝先。入邊防疫設施做到足,枱與枱之間相距嘅距離非常之充足,枱枱櫈櫈同埋地下亦都賣得非常乾淨,令到食客感覺非常之安心。我同男朋友嗌左兩個餐:一個係雞扒全餐配多士,另一個係叉燒炒蛋飯,另外再加多碟瑞士雞翼。我雞扒全餐非常之足料,雞扒大大塊、條腸煎得好香、炒蛋炒得好香滑、有火腿有薯餅有茄汁豆仲有個非常之邪惡嘅多士,呢個價錢好抵食。另外我男朋友嗰個叉燒炒蛋飯,亦都係非常惹味啲叉燒香甜可口入口即溶,加埋杯港式奶茶就真係Perfect。另外要提一提嘅就係入邊嘅裝修,好懷舊嘅卡位雅座同埋方格階磚,令人好似返咗去七八十年代咁,入邊有好多舊時香港嘅相都幾有氣氛㗎。 繼續閱讀
(以上食評乃用戶個人意見 , 並不代表OpenRice之觀點。)
今日去中環做野,收工約左朋友仔食晚餐,經過威靈頓街見到呢間中環茶記,裝潢走懷舊風格,設計別具心思,座位寬敞舒適,樓底高,空間感十足。黎茶記一定會叫常餐~傳統沙嗲牛肉米粉配火腿炒滑蛋、牛油多士 HK$45牛肉嫩滑切得厚身,食落有口感,沙嗲味濃郁,米粉煙韌彈牙,炒滑蛋口感綿密鬆軟,多士夠脆,正!秘製咖哩牛腩飯 HK$55咖喱香氣濃郁,口感滑順,牛腩炆得入味,軟腍唔柴口。法蘭西多士 HK$24加入蛋汁煎至金黃色,先搽牛油再淋上糖漿,外酥脆內鬆軟,勁滿足。特色豬扒包 HK$25麵包烘至外脆內軟,厚切豬扒份量十足,啖啖肉勁JUICY!凍奶茶 +HK$3入口幼滑,茶香濃淡恰好,相當出色!熱奶茶色澤金黃,茶味香濃,口感厚身。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-26
2533 瀏覽
已經有幾個月沒回舊屋打掃,趁今日得閒,返去執拾一下,順便到「中環茶記」吃頓下午茶。餐廳座落於威靈頓街,樓高 4 層,佔地數千呎,每層均以懷舊主題來設計,配上門口以霓虹燈製成的招牌,設計極具特色。至於店內裝潢亦落足心機 ,到處都可以看到不同懷舊風格的佈置 ,如天花吊扇、墨綠色地磚等,盡顯老香港情懷。睇咗餐牌,原來假期無下午茶餐供應,我哋揀咗乾炒牛河、法蘭西多士、瑞士雞中翼、油多同飲品。乾炒牛河 ($55):牛河鑊氣十足,上檯時仍熱騰騰。牛肉夠曬厚身,大片完整,賣相焦香誘人,食落有牛味。河粉透薄分明,乾身煙韌,入口腍滑有米香,吃罷碟子上沒有半點油。法蘭西多士 ($24):件西多送上來時還是脹卜卜,外層炸至金黃香脆,切開裡面軟綿綿,再加上牛油和糖漿,香口而不太甜,簡單又美味。瑞士雞中翼 ($24):雞翼一客有 3  隻,外形屬中等,唔算特大,不過就浸得非常入味,入口皮香肉嫩,香甜惹味,無與倫比。牛油多士 ($15):多士烘得未算很香脆,幸好麵包頗厚身,而且牛油塗得夠多也算均勻,味道亦不俗。牛河配有咖啡或奶茶,如果轉凍飲就要加 $3。我哋點咗凍奶茶 (+$3),另外加咗杯紅豆冰 ($28),奶茶口感非常順滑,奶味和茶味平衡,奶香與茶香並重。紅豆冰非常大杯,夠曬冰涼解渴,紅豆煮得稔而香甜,而且甜度亦十分適中,入口奶味濃,好飲。其實在這步伐急速的大都會裡,間中去一些富有懷舊特色的店子閑坐一會,享受不一樣的用餐體驗,絕對是一個不錯的選擇。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-26
2468 瀏覽
去到中環見到翠華餐廳結業,個心都有啲唔係太開心,行吓行吓原來呢度都有唔少嘅餐廳,不過由於對茶記情有獨鍾,所以決定去中環茶記食下。啱啱正好係下午茶時間,就入去試吓佢個茶餐,以中環來講呢個價格真係非常便宜,$30都唔使就有西多士跟嘢飲或者佢呢度嘅特色豬扒包,經過嘅店員都同我哋講今日嘅豬扒包好得,所以我決定叫一份黎試。不過係食豬扒包之前,好想醫飽個肚!見到原來佢哋嘅蔥花叉燒炒蛋飯都係值得推介,所以又嗌左一份。冇幾耐個飯就送到,叉燒做得非常好,食完有銷魂嘅感覺。滑蛋亦都好滑嫩,煮得好有技巧,但係美中不足嘅係碗裏面嘅飯好像冇經過特別嘅處理,熱度爭咁少少,損失左一啲啲分數。另外廈門炒米粉好足料,裏面有叉燒絲、火腿絲同炒蛋,仲有番茄酸酸地嘅味道,師傅話係即叫即炒,所以都好熱辣辣夠新鮮。跟餐餸杯嘢飲,點紅豆冰屬於特飲,就要另外加$8,我覺得加$8好抵啊,因為呢度嘅紅豆冰真係有好多紅豆,冰只係佔一個杯少少空間。西多士又係大大件,加埋獨立包裝嘅牛油同埋糖漿,特別邪惡,令人垂涎欲滴!另外的豬扒包好大份,包硬身少少,豬扒煎得幾靚仔,裏面仲夾雜生菜同埋蕃茄,是下午茶必選推介。 繼續閱讀
(以上食評乃用戶個人意見 , 並不代表OpenRice之觀點。)
對上一次同一班老友嚟中環食茶餐廳已經差唔多喺年半前嘅事,嗰次一棚人嚟呢頭就食晏,都喺叫啲特餐、午餐之類,今次因為過開嚟呢頭想飲下野睇睇野,就順便係到食埋個晚餐。地點揀咗真真正正嘅【中環茶記】,一來位置上都好就腳,威靈頓66號,其實大家都成日係中環遊走,都幫襯過好多唔少餐廳,就腳方便企理就最好,二來茶記非常好,夠多嘢揀,又平靚正。門面經過唔怕行錯,因為五光十色非常多霓虹燈,其實論不上好港式既茶餐廳,因為摩登味重。入面裝修採用6、70年代懷舊港式茶餐廳風格,彷制格局得唔錯,有天花吊扇、墨綠色地磚,仲見到用傳菜升降機上菜,好得意,成間分左幾層,每層位置寬敞,有卡座圓枱。到處也貼上舊香港舊照片,不同懷舊字體句子,幾搞笑。睇睇Menu,好多人都會點常餐等等,更有不少懷舊菜式,如紅豆冰、懷舊雪兔、鐵板餐等,盡現舊式香港情懷!但因為晚餐既關係想點飽肚一點既叫餸食飯。👋熱奶茶我是奶茶愛好者, 天天一杯「回魂奶茶」,呢幾年不變。飲到呢間嘅奶茶,都真係開心大發現。👋紫薯流心西多士 $48下午茶必點嘅西多士,夜晚照食,呢度全新推出有4款,我就揀左紫薯,見佢話嚴選高級日本直送紫薯,就睇下係咪好食D,西多士其實就是法式吐司拿去炸,有些裡面會抹醬,上面再放一塊奶油,熱騰騰剛出爐的 紫薯流心,真心流心程度沒有的,可能改名叫流沙會好點。不過入口,口感香滑,紫薯味道都濃郁,都算合枱嘅。👋海南雞無骨豬手雙拼 $88點左份雙併海南雞無骨豬手配白飯,部位屬雞髀部份雞肉夠嫩滑處理得不俗,呢個雙拼配上3隻醬汁,海南雞點上泰式醬汁非常開胃。無骨豬手切薄片,味道非常佳,皮與瘦肉完美比例,每一口都有Q彈外皮與細緻豬肉~滑嫩嫩口感與濃郁香氣,讓人一口接一口,沾著獨門醬料,好好吃呀!推介!👋干鍋麻辣土雞 $128-半隻好多唔同款式既野食,連干鍋都有。 干鍋本來是四川等地一帶的受歡迎菜式,真的可以與火鍋相媲美呢。雞肉入味帶點辣味,口味有偏重,吃到最後偏鹹,醬汁再少一點會比較好,不過份量好多,而且色澤都好靚。幾個人Share食,性價比都高呢。總價錢不收加一服務費,但真心來說,茶記的服務超好的,呢個位好加分。其他野食都甚具噱頭,下次再試新野先。 繼續閱讀
(以上食評乃用戶個人意見 , 並不代表OpenRice之觀點。)