Nomad (已結業)

平時好少會入深水埗，難得今次約左好耐冇見嘅朋友，佢地就揀左而間日式Cafe。入面嘅裝修俾到一種好warm嘅感覺我，好似入左一個日本人嘅屋企咁嘅感覺食物我就叫左日式咖哩吉列蠔定食同一個小食share－芥末八爪鱼。首先講下小食先，佢係連埋個紫菜一齊上嘅，食嘅時侯將啲八爪魚擺上個紫菜上包住黎食，食落好好咬口，芥末味好重但又唔會有攻鼻嘅感覺，加埋紫菜擺入口又煙靭又脆脆地咁，做開胃少菜岩晒。黎到主角「日式咖喱吉列蠔定食」啦。吉列蠔咬落口好juicy好脆，啲蠔好鮮甜，擺入口唔會有平時外面某d鋪頭個陣蠔腥味。咖哩撈落啲飯到唔會話太濃味搶左個飯香，食到粒粒分明嘅飯粒之餘仲食到好正嘅咖哩香，咖哩入面仲有啲薯仔粒好足料，味道微辣微辣咁好惹味。定食仲跟埋一個麵豉湯同一碟酸酸地嘅配菜，飲完碗湯之後可以好好咁為而一餐飯畫上一個句號。