影片
更多
2023-06-10
111 瀏覽
馬拉菜快靚正，平時都幾鐘意食，呢間光猛企理，出菜快，味道唔錯🤩招牌海南雞飯 ($85) 加個輕怡排骨茶($10) 跟餐加多 ($15) 就有個鮮油咖央多士，凍鮮檸檬薏米($12)海南雞夠滑，肉質嫩，配埋薑蓉、黑醬油、酸辣汁食好味道呀👍🏻個油飯幾特別，有少少飯焦的～ 跟餐加嘢都幾抵$10多碗肉骨茶，而且都幾大碗，排骨煲得淋，藥膳味幾香👍🏻 加多$15就有多個鮮油咖央多士，強力建議加！好好味😋麵包好脆！牛油雖然好邪惡，但係連埋咖央醬食甜甜地真係食得好滋味！檸檬薏米水相比起蜂蜜桔仔水有點失色，個人鐘意蜂蜜桔仔水多啲～海南豬扒叻沙摻摻 ($70) 另加 麻辣玻璃魷魚通菜($25) 跟餐飲凍蜂蜜桔仔水 ($12)摻摻原來係兩溝咁解，係油麵溝米粉～ 叻沙味濃，有白魚蛋、魚片頭條、豆卜等配料，椰奶味好香，辣辣地夠惹味😋 炸豬扒炸得夠脆夠乾身，份量又多夠入味👍🏻麻辣玻璃魷魚通菜第一次嘗試，魷魚爽脆，炒得辣辣地幾惹味～摩摩喳喳伴雪糕($42)喳喳配雲呢拿雪糕、涼粉，賣相不錯，喳喳幾好味，紅豆綠豆蓮子都煲得好淋，甜度適中👍🏻
招牌海南雞飯 ($85) 加個輕怡排骨茶($10) 跟餐加多 ($15) 就有個鮮油咖央多士，凍鮮檸檬薏米($12)
海南雞夠滑，肉質嫩，配埋薑蓉、黑醬油、酸辣汁食好味道呀👍🏻個油飯幾特別，有少少飯焦的～
跟餐加嘢都幾抵$10多碗肉骨茶，而且都幾大碗，排骨煲得淋，藥膳味幾香👍🏻
加多$15就有多個鮮油咖央多士，強力建議加！好好味😋麵包好脆！牛油雖然好邪惡，但係連埋咖央醬食甜甜地真係食得好滋味！
檸檬薏米水相比起蜂蜜桔仔水有點失色，個人鐘意蜂蜜桔仔水多啲～
海南豬扒叻沙摻摻 ($70) 另加 麻辣玻璃魷魚通菜($25) 跟餐飲凍蜂蜜桔仔水 ($12)
摻摻原來係兩溝咁解，係油麵溝米粉～ 叻沙味濃，有白魚蛋、魚片頭條、豆卜等配料，椰奶味好香，辣辣地夠惹味😋 炸豬扒炸得夠脆夠乾身，份量又多夠入味👍🏻
麻辣玻璃魷魚通菜第一次嘗試，魷魚爽脆，炒得辣辣地幾惹味～
摩摩喳喳伴雪糕($42)
喳喳配雲呢拿雪糕、涼粉，賣相不錯，喳喳幾好味，紅豆綠豆蓮子都煲得好淋，甜度適中👍🏻
張貼
