更多
2024-02-03
226 瀏覽
甚少食Omakase,但一食就覺得呢間係Omakase既天花板。主要係環境、食物、碗碟、師傅都非常之正。環境給人一種寧靜既感覺,有日本庭園、食物質素非常好,師傅又好健談,完全唔似第一次見,聽佢分享左好多野,因為佢係日本有好多遊歷,介紹食物時非常自然,認識左好多關於日本既野。同時感受到佢好熱愛香港、熱愛工作,好正能量。都係食Omakase先會有機會聽師傅分享到咁多自己既野。佢話餐廳不時變換食材。雖然只係得一個menu,但食物都不時變,客人會有新鮮感。就到新年,前菜係好有新年寓意既食物,最中意就係個金粟。海老湯 有蝦同年糕,仲有雕成花既蔬菜,個蝦好大隻,好鮮甜。呢個蛤蜊相當清甜,汁液來自海水,可以飲埋。炸白蝦,鎮店之寶,聽講呢道菜好受歡迎,白蝦既量多,好彈牙,冇諗過會食到呢味咁特別既菜。握寿司 - 十貫青森帆立貝--入口即化,飯既分量唔多,帆立貝好鮮味。新秋刀金目鯛、赤矢柄、關鯖、中拖羅、大拖羅、醬油漬赤身寒獅 季節限定 日本好common但好少係香港既餐廳見到,好厚身,連埋紫蘇
甚少食Omakase,但一食就覺得呢間係Omakase既天花板。主要係環境、食物、碗碟、師傅都非常之正。環境給人一種寧靜既感覺,有日本庭園、食物質素非常好,師傅又好健談,完全唔似第一次見,聽佢分享左好多野,因為佢係日本有好多遊歷,介紹食物時非常自然,認識左好多關於日本既野。同時感受到佢好熱愛香港、熱愛工作,好正能量。都係食Omakase先會有機會聽師傅分享到咁多自己既野。佢話餐廳不時變換食材。雖然只係得一個menu,但食物都不時變,客人會有新鮮感。
就到新年,前菜係好有新年寓意既食物,最中意就係個金粟。
海老湯 有蝦同年糕,仲有雕成花既蔬菜,個蝦好大隻,好鮮甜。
呢個蛤蜊相當清甜,汁液來自海水,可以飲埋。
炸白蝦,鎮店之寶,聽講呢道菜好受歡迎,白蝦既量多,好彈牙,冇諗過會食到呢味咁特別既菜。
握寿司 - 十貫
青森帆立貝--入口即化,飯既分量唔多,帆立貝好鮮味。
新秋刀
金目鯛、赤矢柄、關鯖、中拖羅、大拖羅、醬油漬赤身
寒獅 季節限定 日本好common但好少係香港既餐廳見到,好厚身,連埋紫蘇葉食,正。
白見貝、佐賀赤貝 可以點鹽亦可跟wasabi soy sauce 好脆好爽口
新鮮三文魚子杯 根子配蘿蔔蓉 每粒都好晶瑩剔透,一粒粒係口裡爆開。師傅仲試左用一粒彈比我睇,真係好有彈力。佢話佢地要係海裡繁殖,所以冇咁易爆破。
香箱蟹:成隻蟹既蟹肉、蟹膏、蟹子都係晒個shell裡面,可以先食左原味,再把青檸加入醬汁裡。以師傅既經驗,用5分鐘就拆到隻蟹。而我乜都唔洗做就有得食佢拆好左既蟹,超正!真係啖啖肉,又可以mix埋膏
北海道根室海膽,份量好多好creamy好甜,大愛呢道菜。
真羽太: 連埋紫蘇花及葉食,加埋帶有柚香既青檸汁食,一流既味道!
水八爪魚、吸盤配芥末雙拼。食法特別,可以加wasabi去吸盤到,嗆鼻但正! 呢個碟加食物,係一件食得既藝術品。
富山白蝦,細細隻,係人手拆,冇食過咁細粒既蝦,好甜。 味噌湯 食完所以主食後飲返碗湯,相當暖身
甜品: 水羊羹、福岡草莓
以廚師發板黎講,菜式既花款好多,食到好多樣野,樣樣都好好味,好中意。同埋師傅好樂於分享食物同埋生活既知識,從中仲學到做人既態度。我會再黎呀!相信到時menu會有新野食了!
張貼