德國餐廳 (已搬遷) 新店位置

德國餐2大特色當然係德國香腸同豬手,今次當然必點德國香腸但與別不同既係無左豬手相伴換黎藍青口同燒春雞.白酒忌廉煮藍青口,平日就算係西餐廳都好少食到藍青口,相比其他青口藍青口既肉較細但唔代表比其他差相反佢肉質更加鮮甜又滑嫩 海水味又濃,加上淡淡忌廉又唔太膩,食左半斤十分滿足.德國香腸拼盤有分2種,追求極上滋味既我當然會揀豪華版.豪華版果然升級,全部都係重量級,白色既香草豬肉同小牛腸咬落好脆羊腸衣又簿但內汁十分爆滿內裏仲有油份反映既光澤,食食下都已經好飽滿.最後一道燒春雞原隻燒好切件再上枱,經醃好後既春雞外層朱古力色帶微焦但內裏保持鮮嫩又唔太乾法國春雞本身唔會太多脂肪得黎肉質又夠嫩食落又無咩雪味咸咸香香。