Chef's Stage Kitchen (西菁街)

營業中

休息中

平日放假，今次嚟到呢一間屋企附近最有名嘅美式西餐店食下晝。一嚟到侍應好親切咁招呼我哋坐低，午市除咗有漢堡肉之類，仲有一啲素食人士方便嘅意大利飯。不過今次都係揀返最招牌嘅牛扒同埋漢堡包。是日餐湯南瓜湯入面有蝦肉，南瓜嘅香味撲鼻，南瓜蓉嘅口感面滑，每次嚟到必飲。仲有沙律同埋牛角包，大方到爆。炭燒紐西蘭牛肉眼扒 （伴百里香乾蔥炒著仔，法邊豆 配燒汁）牛扒叫咗七成熟，配埋特製嘅燒汁。一切開入口油香充足，鮮嫩。配菜嘅發邊豆係好食版嘅豆角，出邊唔多見有。炭燒手打美國安格斯車打芝士牛肉漢堡伴洋蔥圈一個出色嘅美式漢堡，就係由塊包開始講究，呢度嘅包看得啱啱好牛肉同埋芝士嘅配搭一流，牛肉嘅份量厚厚好滿足。醃製青瓜好細心咁擺埋一邊，任食客選擇。抹茶咖啡面頭有啲玫瑰花，玫瑰嘅香味配埋抹茶，估唔到咁夾。提拉米蘇呢度招牌嘅提拉米蘇水準一貫咁creamy，同朋友慶生嚟就一流。