更多
2023-12-31
151 瀏覽
成日都行過呢間舖,但係都未有打算入去食。有次同事講開話呢間小店嘅嘢食唔錯,卒之扚起心肝入咗去睇吓乜嘢咁好食。兩個人叫食魯肉飯,雞腳手工麵同芋泥肉鬆蛋餅,再加支白桃烏龍茶。魯肉飯細細碗,味道有少少似我去台灣食咁樣,幾好。碗雞腳麵嘅湯好清,味道又唔太濃,可能嚟香港都改良咗合適香港人嘅做法。芋泥肉鬆蛋餅就好香芋頭味,煎得好香。支白桃鳥龍茶係自家手工制,味道配搭都幾好。呢間台灣地道美食小店真係名不虛傳,可以介紹俾多啲人試吓支持吓。
張貼