378
44
10
港鐵元朗站 A 出口, 步行約9分鐘 繼續閱讀
電話號碼
61125353
開飯介紹
香港首間正宗台灣肉焿店, 其台灣宜蘭總店在當地亦頗有名氣,曾成為台灣國宴上的美食。 繼續閱讀
營業時間
今日營業
12:00 - 21:15
星期一至日
12:00 - 21:15
付款方式
現金
座位數目
20
其他資料
支持防疫 詳細介紹
泊車 詳細介紹
食評 (468)
等級4 2020-06-15
2270 瀏覽
2點半鬆D黎到,出面已經好多人等緊,但基於山長水遠特登走入黎一心想食呢間,所以堅持一直等,最後等左一個鐘先有得入座,好彩入面冷氣都夠,入面比較細同迫少少。<羅東肉焿湯>係超級結身,個芡勾得好重手,味道比想像之中好,肉焿既豬肉味幾香,幾好。<併盤魯肉飯>跟份檸檬雞搥,雞卷,一口雞,魯肉飯既肉汁太少,但係魯肉就夠香,好夠味。檸檬雞搥乾左少少,味道亦唔太出眾,無驚喜。雞卷同一口雞都係,而且上菜亦唔熱,馬馬地。<肉鬆芋泥吐司>賣相係相當唔錯既,又整齊,但係呢個令人失望,因為餡料完全無爆既感覺,而且味道比較淡,芋泥同肉鬆一齊既感覺唔夾。<仙草芋圓1號>賣相可以,紅豆夠粉糯夠甜,芋圓同地瓜圓都夠煙韌,但無乜芋頭味地瓜味。仙草味道同質感都唔錯,但無花奶陪襯稍失色。<檸檬蘋果西打>,應該係台灣罐庄蘋果西打,然後再加幾片新鮮檸檬落去做成既一杯特飲黎。佢味道都唔錯,好清新既感覺,有氣又甜甜地。<珍珠冬瓜茶>,珍珠夠曬煙韌,唔會硬,幾好咬。冬瓜茶就偏甜左少少,但未至於遮曬冬瓜味,還好。整體上我覺得還好,或者因為出發前既期望太高,加上等位太熱,令我覺得失望,亦覺得唔太值得特登走入黎食,但又未至於中伏,住附近既話,得閒黎食下都可以,如果唔係,都唔會再食第二次。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-03
1742 瀏覽
今日好難得嚟到元朗國,都諗咗好耐揀食咩好。因為元朗真係太多好嘢食啦求其去一條街都好似有好多餐廳可以俾你慢慢揀咁,但最後都係決定支持下黃色經濟圈所以就嚟咗呢間餐廳食啦喺出邊見到已經好多人等,果然係旺店先做到嘅亦是排隊排隊嘅人數都唔少我哋起碼都等咗30分鐘先入到去 入到去之後店員都好細心咁問我哋需唔需要口罩袋雖然好多舖頭都會量體溫但係做到有口罩袋嘅真係唔多 所以呢度真係好加分㗎 今次呢就叫咗好多台灣必食嘅嘢食 分別有滷肉飯 台灣牛肉湯麵 夜市鹽酥拼盤 同埋滷肉青菜 首先就要讚下個滷肉飯,見到好似啲肉好鞋咁但係其實佢一啲都唔鞋而且滷肉汁嘅甜味啱啱好撈埋啲飯真係好好食而且凡係用到台灣粒粒嘅珍珠米特別有咬口令到我一啖接一啖滷肉飯一邊仲包左半隻糖心蛋 見到粒蛋真係流晒心 亦都滷得啱啱好真係好好食呀 之後就係台灣牛肉湯麵有少少辣 但係絕對係唔食辣嘅朋友都會食得到 少少辣反而仲更加香牛肉就非常淋,麵質呢就係好Q嗰啲面嚟嘅真係有啲台灣feel 之後就係夜市鹽酥拼盤 入邊有我最愛嘅甜不辣, 豆,花枝丸,同埋番薯條 入邊嘅調味料放得啱啱好唔會太鹹 另外想講吓甜不辣真係好好食😭😭 冇記錯入邊本身已經有5 6 舊左右都唔夠!我淨係滷肉菜!繼承返上一個滷肉飯嘅汁嚟整嘅菜 真係好好食呀 最後就叫咗一個甜品畫上一個圓滿嘅。 叫咗芋圓仙草1號芋圓都比我想像中好食而且真係食到芋頭番薯嘅未到,唔似得出邊有啲舖頭剩係得個粉 值得encore 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-01
1242 瀏覽
沒有得去旅行的日子,只好在香港周圍尋找異國的美食來慰藉一下。趁著假期,跟朋友來到元朗鳳翔路69號建輝大廈地舖,這間名為羅東肉焿番的店是一間台灣美食店。門外超級多人排隊等位,看來大家都很想念台灣美食呢!等位期間,可以看看放在門外的餐牌,想想待會點什麼。選擇很多呢! 看到眼花撩亂,樣樣都想吃!餐廳內的座位不算多,是典型小店模式,但乾淨整潔,尚算不錯啊!牌上貼了一些小知識,讓我們更了解台灣食物!一口鹽酥雞! 這是去台灣夜市必吃的小食!雞不會很乾也不會吃到一口油,惹味又香脆,吃完一粒又一粒。夜市鹽酥拼盤!!有豆角、甜不辣、花枝丸,好香口,我最愛炸豆角,好美味,花枝丸也很彈牙!我的主餐來了,是香腸魯肉飯!天呀,沒想到魯肉飯這麼大碗,但因為好好食,所以我都大口大口吃,減肥的事先拋開一邊。台灣香腸也很有特色,超美味!幾個朋友點不同食物,再加一些小食,感覺像走到台灣夜市街頭,好正呀!甜品我們吃了三色仙草芋圓,有波霸白玉珍珠,煙煙韌韌,非常有咬口! 因為太好味,當場還買了芋圓外賣,決定回家再煮一碗延續台灣美食。整體來說: 這間店的食物非常有地道台灣味道,價錢合理,食物份量適中,甚至有些食物如魯肉飯比想像中大碗呢!  食物選擇也很多,完全有台灣夜市感覺,是思念台灣的朋友們可以以此慰藉一下的味道呢! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-25
1243 瀏覽
今年未能到台灣旅行,但又想吃正宗地道的台灣美食,便決定與街坊兼好友到這間人氣的台灣餐廳晚餐。羅東肉焿湯餐,即叫即做,肉焿爽滑彈牙,酥香十足,湯頭加入筍絲及魚漿,濃稠 滑溜,再淋上台灣獨有的烏醋,酸辣醒胃,很適合夏天享用! 滷肉飯,五花肉腩鋪滿白飯,肉香滿載,肥瘦均勻,不太油膩,混合了台灣的五香粉及特製醬油,鹹香惹味,拌飯吃一流; 溏心蛋,蛋白細軟入味,香甜微鹹,蛋汁流心,蛋香馥郁,入口即化; 底層飯粒索滿肉汁滷汁,吃到最後一口也不泛味。綜合丸湯餐,香菇貢丸及花枝丸大粒飽滿,爽口彈牙, 湯底加入台灣三星蔥及胡椒粉,更香口美味!古早冬瓜茶,天然的冬瓜清香味盈滿口腔,香醇濃郁,甜香不膩,清涼解渴,跟餐免費奉送,超抵飲!檸檬風味烤雞槌,雞皮烤得香口,肉嫩多汁,非常入味,滿口清新鮮香的檸檬味! 另可蘸上特製豆瓣醬,酸辣辛口。仙草芋圓三號,冰涼微甜,三色芋圓煙煙靭靭,充滿芋香,配搭波霸白玉珍珠及爆珠,加添荔枝果香味,味道層次豐富!朋友大讚這裏的台灣美食味道正宗道地,猶如已置身台灣晚餐呢~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-23
3075 瀏覽
🥢元朗人氣台灣肉焿仙草芋圓🥢難得入來元朗梗係搵返一間人氣餐廳食下,想感受一下台灣感覺,所以一直以來都有book mark l台灣美食的小店,主打食台灣肉焿,仲有芋泥吐司,仙草芋圓,今日晏晝入到來一定要試下🥢肉焿湯米粉(新竹米粉)$48餐飲冬瓜茶 ,飲落好順喉,唔凍的是室溫,味道比較甜肉焿湯質地係有d 似我地香港碗仔翅,味道就同台灣食到的很接近,湯頭有少少木魚味,米粉吸曬湯底味道,但肉焿比較大舊口感比較硬,檯面有一些醬料連個樽都係台灣製造的,很一有台灣風味🥢鹽酥一口雞魯肉飯 $54鹽酥雞炸得乾身爽脆,無落到椒鹽,得普通雞味,魯肉飯汁少乾身味道一般🥢仙草芋圓2 號(三色芋圓、白色小丸子、海澡水晶)$35反而芋圓最有驚喜,仙草很有味道,而且很滑,芋圓煙韌有咬口,而小丸子同海澡粒粒爽脆好味,甜度剛剛好🥢今次等了一小時先可以入座,感覺有點值得食唔值得等,味道雖然不差 ,但呢到絕對搵唔到台灣的好客和笑容,店員雖然比較忙,叫落單都扮睇唔到唔應,呢個時勢好耐未見過店員做到黑面,黃店都係要撐下的 繼續閱讀
(以上食評乃用戶個人意見 , 並不代表OpenRice之觀點。)