華嫂冰室 (已搬遷) 新店位置

咁出名嘅華嫂相信大部份人都唔會陌生佢開咗幾間分店 但我覺得味道最好嘅始終都係元朗呢間每隔一段時間就會好想幫襯 最掛住佢個招牌菠蘿包今日一早就嚟到 好彩唔使排好耐隊 當然有嗌我最鍾意嘅招牌菠蘿包同埋冰花奶茶啦招牌菠蘿包入面夾雜着番茄同煎蛋 鬆脆嘅菠蘿包再加鮮甜嘅蕃茄 互相輝影 天生一對 可以話係我最喜歡嘅麵包而冰花奶茶都好香滑 yummy!!另外仲叫咗番茄湯底公仔麵 其實基本上每次都係叫一模一樣嘅嘢食 哈哈 呢度個番茄湯好新鮮 所以偏酸 同外面其他連鎖店嘅茄膏湯底差好遠 一食就食得出個分別 但可能怕酸嘅朋友仔就未必接受到 我個人就好鍾意新鮮蕃茄啦而友人就最鍾意呢度嘅鹹牛肉包同檸檬益力多其實全部都好好味