釜之魂釜飯專門店 (淘大商場) (已結業)

今日同朋友嚟到九龍灣淘大搵食，當經過呢間餐廳嘅時候，就被它的門面設計吸引。餐廳主要供應唔同配料嘅釜飯，門外展出盛載釜飯嘅容器，令人置身於美食展覧館般。室內環境以青綠色及木做主調，感覺時尚年輕。某些椅背仲放左emoji公仔牌，顧客可以攞住嚟擺個靚pose影相，朋友平日最鍾意係社交平台呃下like，都忍唔住叫我幫佢影左幾張靚相。😎😉揭開餐牌，最吸引我嘅就係鰻魚釜飯。餐廳主要用餐紙點菜，諗左一陣，我同朋友點了金魂(極)、鯛魚竹笹、甘露甜薯🍠及骯髒炸香蕉🍌。金魂(極)附送前菜及麵豉湯，前菜有酸青瓜及鰻魚粒。鰻魚釜飯賣相非常吸引，份量十足。鰻魚肉厚，咬落肥美，鰻魚汁鮮甜，加埋芝麻，非常香口，飯粒飽滿富黏糯口感，撈起上嚟，熱辣辣、香噴噴，將鰻魚及飯一起放入口，感覺非常幸福！🥰鯛魚竹笹，彈牙爽口，質感及味道似平時較常食嘅獅子狗魚丸，但質感更厚實，味道更鮮味，配埋甜甜地嘅醬汁，非常滋味！😋甘露甜薯外面炸到金黃色，配埋芝麻，好香口，食落感到淡淡嘅甜味而不油膩，營養豐富。骯髒炸香蕉🍌，外層朱古力粉包住香蕉味嘅黏糯米，口感煙韌。作為飯後甜品，為呢一餐劃上完美嘅句號。